II. Je Than 2:9 - Iaai Bible 1901 (New Caledonia)

⁹ Ke ödre hia but he hanyâûâ, haba Elia ame ha kö Elisaia, ka habe, Bethe ha ûnyi oge me he ka ânyâ hobi köu me adre me tiga ca hum nya gam. Haba Elisaia ame ha, ka habe, Ö u he ka olo ham könya hanom.

II. Je Than 2:9 ပူးပေါင်းရင်းမြစ်များ

I. Je Than 19:16

ke u me he ka hû Jehu nöku Nimesi hnân than Isaraela: ke u me he ka hû Elisaia nöku Safata, ûheny Abela-mehola me perofeta hwabâm.

I. Je Than 3:9

Ö u ham könya athnyabaem hnyok ae metâ he ka owisa ka lakem, mʼ inye he ka wâhmakhmeto so me kong; anyin a ie at ae khana he ka owisa ka lakem ae gan helâng?

Salamo 72:1

KHONG lö, ham dö ka than he ka owisa ûnyi gam, Ke ham hwakecâm ae wisa ka nokon than.

Salamo 72:20

A um dö ta je hic hiji Davita a nöku Jese.

Zakaria 12:8

Hnyi bong eling ame he Iehova ka söng aten Jerusalema; ke haba at ae sënyin gadra hnyi bong eling ame he ka helâ me Davita; ke ame he lap anyi Davita ka helâ me Khong, helâ me angela anyi Iehova hnyi hnyimaködra.

Zakaria 9:12

Hmetu ju ka hnyi hnabâ, öbun tavat adre ca a tavat gejon: inya oge me ha hnyi bong ang a oge me he, ka ibi olo ham köu.

Numera 11:17

Ke oge me he ka utut me ûhnenamö eling mou: ke oge me he ka hom ke keihen hanu unyâm me ip hudrin; mʼ ödrin e he ka tha vadren mou tavat a ûnyi ae hmak, me u me ca he ka hake vadren.

Numera 11:25

Ke ame utut Iehova hnyin ûlâ, me fuc kâu, me hom ke keihen hanu unyin me ip hon wahingat a sevente: ke a mokut hanu hudrin, me ödrin e perofeta, ke ödrin e ca ânyâ hmetu helâe.

Ioane 16:7

Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 8:17

Ke ödru me ip li hnyamödru hudrin, me ame o thö ködra Hanu Kap.

I. Korinito 12:31

Ke weny hwegiâ thʼ öbun ta je bwihlany ae nua. Ke inya oge me omanenâ köbun gethen ae beönua.

Deuteronomi 21:17

ke e ame he ka oûnyihnathoâ atö, a nokon momo e ame hûkötiâ, ge li jekhöû e ame he ka ham, ûnyi hnyi anyin ta je ûnyi hia; anyin a nokon hidröu a e; ke e bi gan hanymen atö.

Deuteronomi 34:9

Ke ame unöngötö Josua nöku Nuna ge hanu ae metâ; anyin a hia but Mose ip li hnyamen hon: ke haba lakon Isaraela me adre me löng kâu, me ânyâ helâ me Iehova ame hûna ko Mose.

I. Timoteo 5:17

E so he ka ti ogânâ wahingat tavat adre me musi so, ke e nua ka tavat adre me huliwa hnyi hofuc me ûne.