II. Je Than 2:3 - Iaai Bible 1901 (New Caledonia)

³ Ke ame o kö Elisaia lakon je perofeta hnyi Beth-ela me ha kâû, ka habe, Hawa, e khatö u a gʼ ame he Iehova ka hom at ame nö u ûnyi gam hnyi bong ang? Me haingen, ka habe, E khanö nya, ca ha bi.

II. Je Than 2:3 ပူးပေါင်းရင်းမြစ်များ

I. Je Than 18:4

ke haba hnyi ûen Jezebela ame subâ degecâ je perofeta anyi Iehova, haba Obadia ame hom je perofeta a wan haded, me ikhölʼ ödrin ûsa fifte hnyi li op, me haödrin me habeledrin.)

I. Je Than 20:35

Ke haba ke at hanen lakon je perofeta ame ha ka hanen hnyi hofuc ho Iehova, ka habe, Ö u kuʼ nya. Ke höcö bi at he ka kot e.

II. Je Than 2:15

Ke a wâ but e ge lakon je perofeta hnyi Jeriko, hnyat ödrin e tot cicö e, me ödrin e ha, ka habe, Ame ta hanu Elia ka hnyi hu Elisaia. Me ödrin e he me ûkhanö mē, me nom ju hnyikânâi hnyi hnyimakan.

II. Je Than 2:5

Me ame o kö Elisaia lakon je perofeta hnyi Jeriko, me ha kâu, ka habe, Hawa e, khatö u but a gʼ ame he Iehova ka hom at ame nö u ûnyi gam hnyi bong ang? Ke e ame thu, ka habe, E, e khanö nya but; ca ha bi.

II. Je Than 2:7

Ke haba fifte tavat hanen lakon je perofeta ödrin e he me ûtililen cici ödru ke ûsâkâûö; ke haba ödru, ödru me tot hnyi baten Joridano.

II. Je Than 4:1

KE ame tenge kö Elisaia ke momo âiân ke nokon je perofeta, me ha, ka habe, A mokcu öiök athnyabaem: ke u me wâ e at ame outö Iehova, athnyabaem: ke ame o but at waleji e ame hom gufa gan, he ka hom lakuk li baga he ka bi athnyaba.

II. Je Than 4:38

Ke Elisaia ame hmetu Gilegala ai: ke ame hmiâ thö hnyei; ke ame laba hnyi hnyimakan lakon je perofeta: me e ame ha ka athnyabainy, ka habe, Ip ju öt ae gan me öli jeû hobi kâu lakon je perofeta.

II. Je Than 5:22

Haingen, ka habe, E so hia. Ke a kunö nya tuhok he ka ha, habe, Wâ bi ame o könya walang ang li hidröu ûhedru hnyi hnyei ae hut hnyi Eferaima, hanen lakon je perofeta; ö u ham ju ködru khaca talan sileva, ke lo li hna khaû.

II. Je Than 6:1

KE haba lakon je perofeta ödrin e ha kö Elisaia, ka habe, Wâ bi, haba dok ohmun e laba hnyin hnyi hnyimâkâm, me ti hnek bi kohmun.

II. Je Than 9:1

KE haba Elisaia perofeta ame hawâ ke at hanen lakon je perofeta me ha kâu, ka habe, Hûkâlâ ju wen hnyâm, ke hom tap wakaco eang hnyi hnyâmâm, me he Ramothi-Gileada ai.

Isaia 8:18

Wâ bi, haba inya ke lakuk a ham könya Iehova, me hnân je haten ke hnân lâiâ hnyi Isaraela ûnyi ga Iehova tuhan sabaoth, at ame laba hnyi bucen Ziona.

Amosa 7:14

Me haba Amosa ame thu me ha kö Amazia, ka habe, Iny ca perofeta bi nya, ke ca nokon bi nya perofeta: ke iny at tuö meno me at ame huliwan je ûö sukamore:

Ta je huliwa 22:3

Iny at Juda, adre hnöku nya hnyi Taraso hnyi Silikia, ke adre me hat nya hnyi taun ang, ke adre me nâ wisa könya hnanyibu anyin lakamöta hnyi ûca Gamaliela, ke oge me hnyok hwege ka Khong, helâ me öbun hnyi bong ang:

Deuteronomi 33:3

Eke, e ame betenge ge je tribu; E hnyi hnyamâm laten ae kap hia. Ke adre me laba ju hmelen li cam; Adre me he ka ve kap hwâm je hofuc.

I. Samuela 10:5

Ke hwaban e, u me he ka o ka hnyi dok ae hut anyin Khong, wale lap tue anyin at Filisiti: ke u ka hia but o ka hnyi taun, u me he ka ûkhanö me deö perofeta ödrin e utut ûheny ʼthö, ke e hnyi hnyimaködrin nabeli, me bwinybet, me utköwi, me kitara; ke ödrin e he ka hnyi perofeta:

I. Samuela 19:20

Me Saulo ame kunâ tavat he ka hum Davita: ke ödrin e wâ bunyen perofeta adre me perofeta, kʼ ame tot Samuela helâ me homakan ködrin, me ame o hanon Khong ka tavat a je atö Saulo, mʼ ödrin e hnyi perofeta minya.