II. Je Than 2:2 - Iaai Bible 1901 (New Caledonia)

² Ke haingö Elia kö Elisaia, ka habe, Ö u me laba ju ang; anyin a Iehova ame kunö nya Beth-ela ai. Ke haingö Elisaia, ka habe, Kia inya Iehova, ke kia inya u, a oge me ca he ka hnö u. Me ödru me tha he Beth-ela ai.

II. Je Than 2:2 ပူးပေါင်းရင်းမြစ်များ

Genese 28:19

Ke e ame hwenyi ien dok e, me, Bethela: ke Luza ien hnyei e a bân.

I. Je Than 12:28

Me than ame ûhnenamö, me ânyâ li nokon kau gol; ke e ame ha ködrin, ha habe, E hmak köbun he ka he Jerusalema ai; Isaraela lö, wâ ju ang li khongom, a li at ödre hum u ûnyi hnyi hnyei Aigupito.

I. Je Than 12:29

Me e ame otilâ khaca hnyi Beth-ela, ke e ame ip khaca hnyi Dana.

I. Je Than 12:33

Ke e ame ölö ka hnyi tahan hut wale e ame ânyâ hnyi Beth-ela hnyi bong a fiftininy tehi a eitiny, wale hnyi tehi e ame ûnykûme hnyi hnyekon bi: ke e ame hûna ke bijeû hobi kâu lakon Isaraela, me ölö ka hnyi taben hut, he ka leû uto ae bo so.

II. Je Than 2:23

Ke e ame he ûheny e Beth-ela ai; ke ame he eû hnyi gethen, me ame o je wainda ûnyi hnyi taun, me hluma e, me ha, ka habe, Hadroû, ölö thö; hadroû, ölö thö.

II. Je Than 2:4

Haba Elia ame ha kâu, ka habe Elisaia lö, ö u laba biju ang; anyin a Iehova ame kunö nya Jeriko ai. Haingen, ka haba, kia inya Iehova, ke kia inya u, a oge me ca he ka hnö u. Me ödru me tha o hnyi Jeriko.

II. Je Than 2:6

Haba Elia ame ha kâu, ka habe, Ö u laba biju ang; anyin ame kunö nya Iehova Joridano ai. Ke haingen, ka habe, kia inya Iehova, ke kia inya u, a oge me ca he ka hnö u. Me ödru me tha he.

II. Je Than 4:30

Haba hinyen wanakat ame ha, ka habe, Kia inya Iehova, ke kia inya u, a oge me ca he ka hnö u. Me e ame todrö me he hoton momo.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

I. Ioane 2:19

Adre me he but unyita, ke so bi ca lahanöta ödra; anyin adre ne je lahanöta, me adre me ne hia but tethmâ unyita: ke adre me he but, me me manen dut a ca je lahanöta ödra hia.

I. Samuela 1:26

Ke haingen momo, ka habe, Than lö, u möt tuhok, he inya ang momo waleji at ame tot unyâm eang me hic kö Iehova.

I. Samuela 17:55

Ke hnyi ûen Saulo ame ô Davita ame he ka ûkhanö me at Filisiti, me e ame ba kö Abinera taben anyin vat, ka habe, Abinera lö, nöku ia hidröu e? Haingö Abinera, ka habe, Kia inya than ae ca khanö nya.

I. Samuela 25:26

Ke walang ang tuhok, kia inya Iehova, me kia inya u, anyin a Iehova ame thawo u, me u me ca he ka hingâlâ monoâ dra, me bi hwaban hobi köu ge hing hnyamâm, ke walang e so e helâ Nabala je iwahnaihmiöny mou, me tavat ödrin e elâm ûnyi ae kong hobi kâu tuhok.