II. Je Than 17:3 - Iaai Bible 1901 (New Caledonia)

³ Ke ame o kâu vat ga Salemanesa than Asuria; ke haba Hosea ame bi athnyaba kâu, me ham kâu je bwihlany.

II. Je Than 17:3 ပူးပေါင်းရင်းမြစ်များ

II. Samuela 8:2

Ke e ame kot at Moaba, me tuluti ödra ge tulut tö, me omokuli ödra eû hnyi kânâ; ke e ame tuluto lo li gaö he ka hlingʼ ödrin, ke khaca gaö ae bekhot he ka omelö. Me ame hwân tavat Moaba he ka bi lakei Davita, kʼ ödrin e hom je bwihlany.

II. Samuela 8:6

Ke haba Davita ame otilâ je lap tue hnyi Suria hnyi Damaseko: ke ame bi lakei Davita but at Suria, me adre me hom je bwihlany. Ke Iehova ame ham dökhu kö Davita hnyi je hnyei e ame he ka hnyin hia.

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

II. Je Than 15:20

Ke Menahema ame hom mone hnyi Isaraela, gadrin hia tavat ae tren omjeû, ûsa fifte je sekel sileva, he ka ham ka than Asuria. Ke haba than Asuria ame he hmetu, ke ame ca laba bi eling hnyi hnyei.

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Je Than 17:2

Ke e ame ânyâ ûnyi ae kong hnyi hnyimakö Iehova, ke so bi e ca helâ me je than Isaraela a bân.

II. Je Than 17:4

Ke a wâ but than Asuria hna sihnân ga Hosea; anyin a e ame hia but kunâ je ûthumetu kö So than Aigupito, me ca kunâ ke bwihlany ka than Asuria, helâ me hnen hna labö ânyâ hnyi ke huna me ke huna: anyin a wale haba than Asuria ame hlöng hwanuma kâu, me ca e hnyi umaʼceat.

II. Je Than 18:31

Ca he öbun ka ling Hezekia: anyin a walang hna ha hnen than Asuria, ka habe, Öbun e he ka ûsoköu mönya, me he könya; mʼ öbun e he ka ve ijem wan anyibun je vine, me wan anyibun je meta, me ve ijem je an öbun e koû;

II. Je Than 18:7

Ke haba Iehova ame tha e mē; haba hnyi je dok hia e ame he ka hnyin e ame hnahic, ke e ame hota degecâ than Asuria, me ca bi athnyabainy.

Nehemia 9:32

Ke walang ang Khonguhmun lö, at ae gan, ke at ae hwege, a Khong hnân outen, at ame tuö ûhihinyköu me ibetengiö, e na ca he ka ûnyi baû hnyi hnyimâkâm ta je vec hia ame o kohmun, ka latuhöhmun, me anyihmun je than, me tavat bihut unyihmun, me anyihmun je perofeta, me lakamöhmun, me lakem hia, hwân hnyi bong bongon je than Asuria ke ne o but hnyi bong ang.

Isaia 17:4

Ke haba hnyi bong eling me adre me ke ka ohalelöûâ hmanenangi Jekob, kʼ ame he ka delâ unyin ae pipikhenya.

Isaia 8:8

ke e ame he ka di bala Juda ai; me bahihingölö me vheno e, me khibi ke ne o but hnyi nyin; me ame he ka unöngötö ûlauen em hnyei, Emanuela.

Ezekiela 23:5

Ke tiga anyik momo Ahola, me e ame bi ûnyi monu; kʼ ame betenge ge je laweny, a at Asuria, tavat adre me laba hakekenyâ,

Hosea 10:14

Anyin a wale ame he ka o imonumonuny unyin em hnyei, kʼ adre me he ka ohia hnâm je hnabâ hia, helâ me hnö Salemana hna ohia Beth-arebela hnyi ûen vat: waleji adre me sa je wanakat me lahinyödrin.

Hosea 10:4

Adre me ha ta je hofuc baû, adre me khemanyin thoi hnyi hnödra hna ûhihinyköu: anyin a wale ame o but hna owisa helâ me je ûö adre me mekiny hnyi je utkânâ adre me belökâ.

Hosea 8:10

Eke, eja ke ne adre ne hok ge hwaban unyin je hnyei, oge me he walang ang ka ûkhacaköu ödra; ke ödrin e hwân he ka ûhnyûkong tot can hok ge thaniny je taben.

Levitiko 26:25

Ke oge me he ka oâ hele vat köbun at ame bi hwaban hna okongoâ ʼûbihinyköu: ke öbun e ne he ka ûkhacaköu hnyi anyibun je taun me oge me he ka kunâ mok ae cap hnyi wanböbun; kʼ adre me he ka hnʼ öbun ka hnyi hnyamen ta je iwahnaihmiony.