II. Je Than 10:9 - Iaai Bible 1901 (New Caledonia)

⁹ Ke hnyi hnyomakatu e ame didrut, me tot, me ha ka tavat hia, ka habe, Wisa but öbun: wâ bi oge ûhûg-ûnö than me tuhok, me hlingâ e: ke ia hlingâ tavat hia eang?

II. Je Than 10:9 ပူးပေါင်းရင်းမြစ်များ

II. Je Than 10:6

Me e ame sihnalimen; ködrin tusi a loiny, me ha, ka habe, A ne tha hiöbun mönya ke öbun e ne he ka long hok hofuc, me hom but ban tavat a je lakon tuhöbun, me hom but jem könya hnyi Jezerela helâ nyi ang. Ke ödrin sevente je lakon than ödrin e laba unyin je at hnathuiny taun tavat adre me hat ödrin.

II. Je Than 10:8

Ke ame o but at me thumeto e me ha, ka habe, Ödrin e o but me ban je lakon than. Ke haingen, ka habe, Khon ju me me lo li hna khon hnyi homagöule ke ne o but nyi.

II. Je Than 12:21

Ke haba Jozakara nöku Simeatha me Jebozabada nöku Somera, a li athnyabainy, ödru me kot e, me e ame mokcu: ke adre me konâm e tha e me lakamen hnyi taun anyi Davita: kʼame than biju Amazia a nokon hwaban.

Isaia 5:3

Ke walang ang öbun tavat öbun e laba hnyi Jerusalema, me at Juda, öbun na owisa thö könya me ik hnyei vine.

Hosea 1:4

Ke haba Iehova ame ha kâu, ka habe, Hwenyi ien do, ka habe, Jezerela; ke haba me okhaca me oge me he bi nya ka bi hwaban drö Jezerela ka lap anyi Jehu, ke oge me he ka bi obiny dokhu dokon lap anyi Isaraela.

I. Samuela 12:3

Inyʼ ang: ohnathu nya thö hnyi hnyimakö Iehova, me hnen hna hû: ia oge hom haleny bolok? ke hale ia asina oge hom? ke oge iyawö ia? ke oge oveci ia? ke oge kap hwaban ûnyi hnyi hnyamö ia he ka omûkâ li emakök can e? mʼ oge me he ka ham hmetu köbun.