II. Je Than 1:2 - Iaai Bible 1901 (New Caledonia)

² Ke haba Ahazia ame kolu ûnyi hnyi hna pewanâ mamalama hnyi hnyeuleny ethö, hnyi Samaria, me e ame moko: ke e ame kunâ je ûthumetu, me ha ködrin, ka habe, He thö ka hnei Bele-sebuba kongon Ekerona me inye he ka möt ûnyi hnyi mok ang.

II. Je Than 1:2 ပူးပေါင်းရင်းမြစ်များ

I. Je Than 11:33

can ödrin e digic nya, me khudrung kö Aseira khong momo anyin at Zidona, me Kemosa khongon at Moaba, me Milekoma khongon laku Amona; ke ödrin e ca vheno dek je gethen, he ka ânyâ wisa hnyi hnyimakök, me tuö anyik je hnanyibu helâ me Davita a kamen.

I. Je Than 14:3

Ke hom dö hnyi hnyamâm je areto a ten, me je ong areto ae balelöû, me tap hani, me he thö kâu: me e ame he ka thumetu u ge ûnyi ame be ka o ka wanakat.

I. Je Than 22:34

Ke haba ke at ame hlec mono fana, me ame aat dö than Isaraela hnyi wanben hna ûhûjâköuâ ûkhaûen vat: anyin a wale e ame ha ka at ame owisa anyin kariota, ka habe, Saû thö, me hum nyâ ûheny hnyi hna vat; anyin oge aat dö.

I. Je Than 22:40

Ke ame mokut ut Ahaba tha e me lakamen, ke ame than biju Ahazia a nokon hwaban.

II. Je Than 1:16

Ke e ame ha kâu ka habe, Walang hna ha hnö Iehova, ka habe, Anyin a u je kunâ je ûthumetu he ka hnei Bele-sebuba khongon Ekerona, hawa can ae ba Khong hnyi Isaraela he ka hnö hofuc a hwan? anyin a wale u me ca he ka ut ûnyi hnyi hnâm hna mokut, ke u me he bi ka mokcu.

II. Je Than 1:3

Ke haba angela anyi Iehova ame ha kö Elia at Tisebi, ka habe, he thö ka ûkhanö me je ûthumetu anyin than Samaria me ha ködrin, ka habe, Hawa, anyin ae ba Khong hnyi Isaraela me öbun e he ka hnei Bele-sebuba khongon Ekerona?

II. Je Than 1:6

Ke ödrin e ha kâû, ka habe, Haba ke at ame o me ûkhanö möhrnun me ha kohmun, ka habe, He hmetu thö ka than at a kûnʼ öbun, me ha kâu, ka habe, Walang hna ha, hnö Iehova, ka habe, Hawa, anyin ae ba Khong hnyi Isaraela, me u me ûkhûnöng he ka hnei Bele-sebuba khongon Ekerona? anyin a wale u me ca he ka ut ûnyi hnyi hna mokut u me mokut hon, ke e hnathu u me he ka mokcu.

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

Jobu 31:3

Hawa, ca hloûhloû bi hobi kâu at ae kong. Ke hnaûhango hobi kâu tavat adre me ânyâ hulö?

Khumöng Hwanyi Solomona. 2:9

E ûcû oûnykûmik me zebi me nokon aila: Wâ bi, e ame tot hoton hagitin hak, E ame selat hnyi je mamalama, E ame omanenâ e bi hnyi hna pewan.

Isaia 19:3

Kʼ ame he Aigupito ka gâon hnyin e; ke oge me he ka ohia ûhnenamöiny: ke adre me he ka elâlâm je idola, me tavat ulit, me tavat tren biobotkong, me tavat bi khong.

Isaia 2:6

Anyin a u je degec lakem, a lap anyi Jekob, anyin a ödra unöngötö ge je hwakecin ûnyi jemeiö, ke ödra tavat bihihwakecin helâ me at Filisiti, kʼ adre me ûkhöû hnyam me lakon je atkanyua.

Isaia 37:12

Hawa, a hia but je khongon je hnyei omeli ödra waleji a ohia hnen lakamök, waleji Gozana, me Karan, me Rezef, me laku Edena hnyi Thalasa?

Isaia 37:19

me adre hia but khûâ je khongudrin ka hnyi meic: anyin a ödrin ca je khong bi, ke so bi huliwa anyin je hnyamen at, kʼ ödrin uto me veto bi; anyin a wale adre ohiʼ ödrin.

Mataio 10:25

E so ka at adre nâ ame ne tha ûcû me at ame nâ e, ke e ka tha ûcû hlu me tuhan. Adre ne hia but hawâ at ae tren hnyaba, ka habe, Belezebuba, hawa, adre me ca he minya ka hawâ ien aten hnyaban!

Mareko 3:22

Ke haingen tavat sihnalimen tavat adre me o ûhedra Jerusalema, ka habe, E unyin Belezebuba, ke, E ame obâ ta je demoni ûnyi ge tuhan ta je demoni.

Luka 11:15

Ke haba keihen gadra, adre me ha, ka habe, E ame obâ ta je demoni ûnyi ga Belezebuba, tuhan ta je demoni.

Ta je huliwa 20:9

Ke ame laba hnyi mamalama ke hidröu, Eutiko ien, e ame tamokut; ke beû bala hna khet hnö Paulo, me ame muso e hnen bemokot, me e ame kolu but ûnyi hnyi hnyeule a kuniny ethö, ke ödrin e kap e a mokcu.

Josua 15:11

me ame um ju hnyigöulen hnyi ke keihen Ekerona ka hnyi hwadrö: ke adre tuluto hnyigöulen ka hnyi Sikerona, me ame he bala bi ka hnyi bucen Baala ke ne e but Jabenel; ke adre me umo je hnyigöulen hnyi köiö.

Owisa 11:24

Hawa, u me ca he ka labā hnyei a ham köu he ka labā ga Kemosa a khongom? Me haba ohmun, me ohmun e he ka hom iny tavat hia waleji a obâ Iehova Khonguhmun hnyi hnyimaköhmun.

Owisa 5:28

Ke ame selat momo hnyi mamalama me hongot, Wale hinyö Sisera, hnyi hnu pewanâ mamalama, ka habe, Ieû a bec gan he ka o anyin kariota? Ieû a bec gan je wil anyin anyin ta je kariota?

I. Samuela 5:10

Me ödrin e ûkhûnöng me tang tangen Khong Ekerona ai. Ke ame o but tang tangen Khong hnyi Ekerona, me haba at Ekerona ödrin e kuku me ha, ka habe, Ödrin e hom kötin tang tangen Khongon at Isaraela, me me hlingʼ otin me itin hnyei.