II. Ioane 1:6 - Iaai Bible 1901 (New Caledonia)

⁶ Ke walang ibetengiö, ka habe, ate me he ka hnu hoton anyin ta je hnanyibu. Walang hnanyibu öbun e löng ûnyi hnyi can, mʼ öbun e he ka vheno e.

II. Ioane 1:6 ပူးပေါင်းရင်းမြစ်များ

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 14:21

Haba at ae hu gan anyik je hnanyibu, kʼ ame vheno e, me wale bi e at ame hnyok könya: haba at ame hnyok könya, me ame he Cica ka hnyok kâu, ke oge me he bi nya ka hnyok kâu, ke oge me he minya ka omanenö nya kâu.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 15:10

Öbun e ne vheno anyik ta je hnanyibu, öbun e he ka tet hmâ hnyi anyik ibetengiö; helâ me inya oge me vheno hnanyibu anyi Cica me oge me tet hmâ hnyi anyin ibetengiö.

Ioane 15:14

Öbun e ne he ka ânyâ ta je ûnyi oge hûna köbun, je lahanök öbun.

Deuteronomi 13:4

Öbun e he ka hnu hotu Iehova Khongubun, me outen, me tuö anyin je hnanyibu, me löng ifucin, kʼ öbun e he ka bi athnyabainy, me kece kâu.

I. Ioane 2:24

Ke haba öbun, me so ame laba bala eû hnyi je hnyekubun hofuc öbun e löng hnyi can. Ame ne he ka e bala eû hnyi je hnyekubun hofuc öbun e löng ûnyi hnyi can, me öbun e he ka laba balua bi unyin Nokon me unyin Kamen.

I. Ioane 2:5

ke haba at ame löng hoton hwan hofuc, me hnathu adre hia but obekhotâ eû hnyin at e hnyok ka Khong. Waleling me me khanʼ öta a öta but eû hnyi hnyekon:

I. Ioane 2:7

Hnyat a oûnykûmik lö, oge me ca sihnalimen köbun hnanyibu a teb ûnyi, ke so bi hnanyibu adrem, waleji öbun e hu ûnyi hnyi can: haba hnanyibu adrem, me waleji hofuc öbun e löng.

I. Ioane 5:15

ke a ne khanʼ öta a e ame ling öta hnyi hnöta hna sumâtâ, me e khanʼ öta ae hu but gata minya ta je ûnyi ate me sumâtâ gan.

I. Ioane 5:3

Haba hnyok ka Khong, me wale thibi ang, a gʼ ate me löng hoton anyin ta je hnanyibu: e ca hmak anyin ta je hnanyibu.

II. Ioane 1:5

Ke walang ang oge me ûjongi u ishola, ca helâke oge me set köu hnanyibu a teb ûnyi, ke so bi hnöta hna hu ûnyi hnyi can, a gʼ ate me ibetengiököu.