III. Ioane 1:9 - Iaai Bible 1901 (New Caledonia)

⁹ Oge me set ka ekalesia: ke haba Dioterefe, at ame benua hudrin, me ame ca köp öhmun.

III. Ioane 1:9 ပူးပေါင်းရင်းမြစ်များ

Mataio 7:8

anyin ame he ka hu ka tavat hia adre me sumâtâ; kʼ ame wâ hnen at ame elâm; kʼ adre me khong ka at ame seseto.

Mareko 9:34

Ke ödrin e laba hnyibû: anyin a ödrin e hia but iwatretra eû hnyi gethen ge at ae beönua.

Mareko 9:37

Haba at ame he ka kap ke wanakat a helâng hnyi iök, me e ame kop nya: ke haba at ame kop nya, ame ca hake kop nya, ke at minya bi a kunö nya.

Luka 9:48

me ha ködrin, ka habe, Haba at ame he ka kap wanakat ang hnyi iök, me e ame kop nya: ke haba at ame he ka kop nya, ame kap at a kunö nya: anyin a haba at ae ûhnyûkong gabun hia thithö, wale at ae gan.

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Kolose 1:18

Ke e thibi ban unyin, wale ekalesia: e thibi can, atöiny tavat ûhedra hnyi hna mok; me me he ka beönua hon ta je ûnyi hia thithö.

II. Ioane 1:9

Haba at ame ûne kʼ ame ca tethmâ hnyi hna ûne anyin Keriso, me Khong ame ca laba unyin: ke haba at ame tethmâ hnyi hna ûne anyin Keriso, me hu but gan Kamen me Nokon minya.

III. Ioane 1:8

Anyin a wale e ûcû köta be ka kap soâ tavat helâe, mʼ ate me he ka tha huliwan hnathu.