III. Ioane 1:6 - Iaai Bible 1901 (New Caledonia)

⁶ a tavat adre me ohnatho hnyi hnyimakan ekalesia ânyâm ibetengiö: ke u me he ka ânyâ so, u ka he ka su ödra hoton hwakecin ae ûcû ka Khong hnyi hnödra hna he.

III. Ioane 1:6 ပူးပေါင်းရင်းမြစ်များ

Genese 4:7

U je ne ânyâ so, hawa adre me ca he ka köp u? ke u ka ca ânyâ so, awe, ame bate-tot hulö hnyi hwanuma: kʼ ame ke ka e hmelâm weny, ke u ma he ka musö e.

Jona 4:4

Haba Iehova ame ha könya, ka habe, Hawa, u ûcû he ka hmonyin?

Ta je huliwa 15:29

ca kâlâ je meno adre me hudo ka je hnatheat, me dra, me ta je meno adre me noc nyin, ke ca bi ûnyi monu; öbun e ne ûsâkâûö me ta je ûnyi e, me öbun e so but. Otin iouny dö.

Ta je huliwa 15:3

Ke ame su ödrin ekelesia, ke ödrin e gethen hnyi Foinike me Samaria, kʼ ödrin e omanenâ ihwiöiny Aten ta je hnyei; me ödrin e okûâ senyin ka je liamekeiny hia.

Ta je huliwa 21:5

Ke ame um dö ta je bong e, me ohmun e didrut me he but; ke ödrin hia adre me su ohmun tha ödrin me lâiödrin me lakudrin, ke ne o but hnyi hoton taun: me ohmun e cibouca eû göny me hic,

Roma 15:24

iny ka he Sepania ai (anyin oge me ûnykûme he ka iouny möbun hnyi ûhek, ke öbun e he ka su nya, ama bâu ka sekuk hnyi iouny a öta)

II. Korinito 1:16

me be ka gethen unyibun Makedonia ai, me he ka o hmetu köbun ûhek Makedonia, me öbun e he ka su nya hnyi gethen iny ka he Juda ai.

Filipi 4:14

Ke e so but hwakecibun, waleji öbun e betenge gak hnyi anyik vec.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

Tito 3:13

E so u me he ka hadruâ he anyi Zena at ame ûnö hnanyibu, me Apolo, me me ca he ka hia gadru ke ûnyi.

I. Peteru 2:20

Anyin a ewa ûnyi hnân hobelöu, öbun ka he ka hokhnyokâ hna kulup öbun can anyibun ta je monu? ke öbun e ne hokhnyokâ vec can hwakecibun ae so, wale ûnyi ae so ka Khong.

III. Ioane 1:12

Haba Demetio, me adre me ohnathoâ hnen tavat hia, ke hnen minya hnathu bi: eke, öhmun minya öhmun e ohnatho; ke e khanö u a e hnathu hnö-hmun hna ohnatho.