III. Ioane 1:4 - Iaai Bible 1901 (New Caledonia)

⁴ E ba anyik senyin ae nua hon iny ka he ka long a ga vheno hnathu hnen lakuk.

III. Ioane 1:4 ပူးပေါင်းရင်းမြစ်များ

I. Je Than 2:4

me me he Iehova ka ohmâ hwan hofuc, waleji e ame ha gak, ka habe, Ame ne he lakom ka tuö dedrin je gethen he ka he hnyi hnyimakök hnyi hnathu ge hnyekudrin ae bekhot me hanu ae bekhot, (haingen,) ame ca he ka ba hwabâm hon theron hnyi Isaraela.

I. Je Than 3:6

Ke haingö Solomona, ka habe, U je betenge gan hmâ ga cica Davita athnyabaem, hoton hnen hnaʼ he hnyi hnyimâkâm hnyi hnathu, me hwakecin ae so, me hnyekon ae wisa köu; ke u je tuö hobi kâu ibetengiö ang ae gan, a u je ham kâu nokon he ka laba hon anyin theron, helâ me hnyi bong ang.

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

Ta je Vejec 23:24

Ame he ka hobâ gan hmâ kamen at ae wisa: Ke haba at ame hnokoâ at ae metâ me ame he ka senyin gan.

Isaia 38:3

me ha, ka habe, Iehova lö, u na he ju ka ûnykûme walang ang hnok hna he hnathu hnyi hnyimâkâm me hnyok ae wisa, ke ânyâ so hnyi hnyimâkâm. Ke Hezekia ame tenge hwege.

Isaia 8:18

Wâ bi, haba inya ke lakuk a ham könya Iehova, me hnân je haten ke hnân lâiâ hnyi Isaraela ûnyi ga Iehova tuhan sabaoth, at ame laba hnyi bucen Ziona.

II. Korinito 6:13

Ogânâ but öbun, me hnân hwaban bi (inya oge me ha helâ me ka lakuk).

Galatia 2:14

Ke oge me wâ a ödrin e ca he wisa hoton hnathuiny evangelia, inya oge me ha kö Kefa hnyi hnyimaködrin hia, ka habe, U at Juda, ke u je ne tha hwakecâm me Aten ke je hnyei, ke ca tha hwakecâm bi me at Juda, me ieû gam u me ûjengö Aten ke je hnyei he ka tha hwakecidra me at Juda?

Galatia 4:19

Je lakuk lö, inya hmetu oge me vec hnyekon helâ me at erkini öbun, ke ne o but a e but Keriso eû hnyibun,

I. Thesalonika 2:11

e khanʼ öbun hnöhmun hna ve nʼ öbun, me sihwegi öbun, me unö, helâ me kamen ka lakon,

I. Timoteo 1:2

oge me sihnalimen kö Timoteo, a hing nokuk hnyi labageju: E so e unyâm ibetengiö baû, me tang ibetengiö, me hnahic, ûnyi ge Khong a Kamen, me Keriso Iesu a Tuhöta.

II. Timoteo 1:2

oge me sihnalimen ko Timoteo, nokuk a oûnykûmik: E so e unyâm ibetengiö baû, me betenge me hnahic ûnyi ge Khong a Kamen me Keriso Iesu a Tuhöta.

Filemona 1:10

inya oge me khöûö Onesimo köu a nokuk, waleji oge hnokoâ ke inya hnyi uma ce at,

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

II. Ioane 1:4

Inya oge me senyin gan hmâ, anyin oge me wâ a ga vheno hnathu ke je lakom, helâ me hnanyibu ate me kap ûnyi ge Kamen.