Iakobo 5:9 - Iaai Bible 1901 (New Caledonia)

⁹ Hnyat me lakeiny lö, ca iulitköuâ ju, mʼ adre me ca he ka hângʼ öbun bi; wâ bi at ame owisa ame tot eû hnyi je hwanuma.

Iakobo 5:9 ပူးပေါင်းရင်းမြစ်များ

Genese 4:7

U je ne ânyâ so, hawa adre me ca he ka köp u? ke u ka ca ânyâ so, awe, ame bate-tot hulö hnyi hwanuma: kʼ ame ke ka e hmelâm weny, ke u ma he ka musö e.

Salamo 59:15

Adre me he ka he monu he ka heleû han, Me bec thibi hnyi hnyinghet hia a ne ca sekudra bi.

Ezekiela 7:12

Ame o but ûen, e hakekeny jut bong: e so ame ca senyin at ame ûcû, ke hlöuhlöu at ame kap mone: anyin ae bi hmonyin hon tavat ae se hia.

Levitiko 19:18

Ca he ka oûcoâ hulö, me ip hnân ka aten em hnyei, ke u me he ka betenge ka at ame laba hakekenyi u helâ me u bi: Inya Iehova.

Mataio 24:33

ke helâe minya öbun, öbun ka wâ thö ta je ûnyi hia thithö e, khanʼ öbun dö ae hakekeny jut, ke e but ang hnyi hwanuma.

Mareko 13:29

helâe minya öbun, öbun ka wâ ta je ûnyi eling ame o, me khanʼ öbun do ae hakekeny jut, ae but ang hnyi hwanuma.

Mareko 6:19

Ke ame hmönyi Herodia kâu, me behlingâ e; ke ca khana bi;

I. Korinito 10:11

Ke ame o but ta je ûnyi hia thithö e kodra me hnân haten; ke adre sihnalimen hnân nʼ öta, wale a o köta obiny ta je dö.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 9:7

E so he ka ve ham hoton hna thamuâ eû hnyi hnyok; ca hnyi hnyok ae hmak, me hna muso minya: anyin a Khong ame hnyokâ at ame ham senyinâ.

Galatia 5:14

Anyin adre ohwâdâ hnanyibu hia hnyi hofuc a khaca, ka habe; U me he ka betenge ge at ame laba hakekenyi u helâ me u bi.

Galatia 5:26

Ca he öta ka weta lung baû, me ûhmönyinköu, me ihunyinköu.

Iakobo 4:11

Hnyat me lakeiny lö, ca ûbaiöbunköu. Haba at ame hâiâ liamekeiny, me ûnykûme liamekeiny më, e ame hâiâ hnanyibu, me ûnykûme hnanyibu: ke u je ne ûnykûme hnanyibu mʼ u ca at bi ame löng hoton hnanyibu, ke at bi ame ûnykûme.

Iakobo 4:12

Khaca thibi at ame ham hnanyibu, wale at ae khana he ka omelö me omoko; ke u ia at ame ûnykûme ke at?

Iakobo 5:10

Hnyat me lakeiny lö, hom dö je perofeta hnân tulut köbun hnyi vec me hok hnyok, waleji tavat adre me ha hofuc hnyi ien Than.

Iakobo 5:7

Anyin a wale hnyat me lakeiny lö, hokhnyok ju ke ne o but ame o thö Than. Wâ bi, haba at belok ame halubahingen okoman hna belok ûnyi eû hnyi kânâ, me hokhnyok ke ne o but ame hu we a bân me we a biliny.

I. Peteru 4:5

ke adre me he ka ve ha hwakecidra bi kâu at ame he ka hnö tavat ae möt me tavat ae mok.

I. Peteru 4:9

Imetenyimwi ju ke at ka ke at, ke ca ulidro bi;

Hna Omanenâ 3:20

Wâ bi, inya oge me tot hnyi hwanuma me seseto: e ka hu at ame löng ifucik me khong ut hwanuma, me oge me he ka didro kâu, me tha han mē, ke tha e mönya.