Iakobo 5:4 - Iaai Bible 1901 (New Caledonia)

⁴ Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Iakobo 5:4 ပူးပေါင်းရင်းမြစ်များ

Genese 4:10

Ke e ame ha, ka habe, Ieû e u je ânyâ? ame tönge könya ifucin dren kem ûnyi hnyi kânâ.

Jobu 34:28

Mʼ ödrin e oâ kâu hwa tenge anyin tavat ae theduoc, Ke e ame long tenge anyin tavat adre me ovecâ.

Jobu 7:2

Helâ me athnyaba ame weny hmonyin â hmenu, Ke helâ me at ame hok hwaban ame halubahingen hwaban anyin huliwa:

Salamo 9:12

Anyin a haba at ame hnei can dra ame ûnykûmi ödra: Kʼ ame ca hnying hwatenge hwan tavat ae theduoc.

Esodo 22:27

anyin a iny kubö a khaca, ke hnân khavâ unyin: kʼ ame he ka mokut hnyi ieû? ke e ka tenge könya oge me he ka löng, anyin a iny at betenge.

Esodo 3:9

Ke walang ang, wâ bi, ame o but könya hwatenge anyin lakon Isaraela: ke haba khaca, oge hia but wâ ûokonguny hnen at Aigupito hna oveci odra.

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 5:9

Ame ha Iehova hnyi li hnyikönyök, ka habe, E hnathu ame he ka ba onyen ta je uma ae se, je uma ae gan me hmanenang, ke ba at ame he ka labā.

Jeremia 22:13

Ekölö gan at ame op umen uma hnyi hwakecin ae ca wisa, me je hnyeuleny hnyi hwakecin ae ca ûcû: at ame kap huliwa ge tavat me ca bi hwaban bi, ke ame ca ham kâu troban;

Levitiko 19:13

U me ca he ka okongoâ at ame laba hakekenyi u, me hûgûnâ anyin ta je ûnyi: haba hwaban athnyaba u je hawâ, ame ca he ka mokut unyâm hnyi hnyinghet ke ne o but hnyomakatu.

Habakuka 2:11

Anyin ame he veto hnyi hna up uma ka fuc, ke ame he ka thu kâu hnen uto a venyâ.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 9:37

Me e ame ha ka laten, ka habe, E gan hmâ widrany, ke wakhalet thibi tavat huliwan.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Roma 9:29

Helâ me hna ha ehac ga Isaia, ka habe, A ne ca hna but ke kolon gata hnen Than tuhan sabaoth, Me ate me ne he ka helâ me Sodoma, me wiʼ öta e me ûcû me Gomora.

Deuteronomi 15:9

Wâ eâu, wâ e nye hu ûnykûme ae kong eû hnyi hnyekom, me ha, ka habe, E hakekeny jut huna a seveniny, a hunainy hna baûâ; me ame kong emakâm ka liamekeiny mou ae theduoc, me ca ham ûnyi bi kâu; ke e ame he ka tenge kö Iehova gam, mʼ u me hulö but.

Kolose 4:1

JE than lö, ham dö ka je athnyabaibun ûnyi ae wisa me ûcû; anyin ae khanʼ öbun ae hu Tuhöbun ethö hnyi drany.