Iakobo 5:3 - Iaai Bible 1901 (New Caledonia)

³ A vi but anyibun gol me sileva, ke adre me he ka bi ohnathoâ köbun hnen viiny, kʼ ame he ka an vibun helâ me meic. Öbun e hia but ûkhöûnâ anyibun tang omjeû hnyi je bong a biliny.

Iakobo 5:3 ပူးပေါင်းရင်းမြစ်များ

Genese 31:48

Ke Lab na ame ha, ka habe, At hnân ohnatho kötu hna khon e hnyi bong ang. Anyin a wale adre hwenyi ien e Galeed:

Genese 31:52

Hnân ohnathoâ hna khon veto eang, ke hnân ohnathoâ minya haten eang, oge me ca he ka he hanyâûâ hna khöû veto eang köu, me u me ca he ka he hanyâûâ hna khöû veto eang, me haten eang könya, he ka ûokonguny.

Genese 49:1

KE Jekob ame hawâ lakon, me ha, ka habe: Ûkhacaköu thʼ öbun, kʼ oge ame me he ka omanenâ köbun ta je ûnyi he ka o köbun hnyi ta je bong a biliny.

Jobu 16:8

U je hia but kât hmö nya, wale ûnyi hnân haikongu nya: Ke haba unyik ae delâ ame tot könya me bi fuci nya hnyi hnyimakök.

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Jeremia 19:9

Ke oge me he ka hnʼ ödra he ka an viny lakudra obaga, me viny lakudra wahlu, ke adre me he ka ve an viny je lawaedra, hnyi hna igigilo, me hna thelöng, wale ame he ka oveci ödra hnyin hnen je iwahnaihmiony mödra, me tavat adre me elâm he ka hlingʼ ödra.

Mika 3:3

tavat adre me an minya unyin lakeik; kʼ adre me uja unen unyidra, ke thu je jeiödra: eke, adre me susubʼ ödra helâke me hnân öt, ke helâke me je uthmeno hnân öt ae gan.

Mika 4:1

KE haba hnyi je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ e hon je hut, ke ame he ta je hnyei hia ka he kâu.

Ta je huliwa 2:17

Haingen Khong, ka habe, Hnyi ta je bong a biliny, Oge me he ka hingâlâ hanuk hon tavat hia thithö: Ke amer he lakubun obaga me wahlu ka perofeta, Ke ame he lakubun wahidröu ka wâ je hna omanenâ, Kʼ ame he wahingatibun ka bwo ta je bwi.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

II. Timoteo 2:17

ke ame he hodra hofuc ka han helâ me anyû: e unyidrin Humenaio me Fileto;

Josua 24:27

Ke Josua ame ha ka tavat hia thithö, ka habe, Wâ bi, haba veto aug, me, hnân ohnatho köta, anyin a e at ame long hia je hofuc a ha köta Iehova: anyin a wale hnân ohnatho köbun, wâ öbun nye he ka ivinoâ Khongubun.

II. Peteru 3:3

a böbun he ka wâhmakhmeto ûnyi eang a haba hnyi ta je bong a biliny, me ame he ka o tavat ûhiö me ûhlumöny, kʼ adre me he ka he hoton ta je wedra bi ae kong,

Hna Omanenâ 17:16

Ke haba je faoiny a ten u je wâ, ke meno, me wale hnyat ödrin e he ka hûkotiâ momo hnyi gethen, me söh e, me ohethuâ, me an viny, me thong degecâ hnyi meic.

Hna Omanenâ 20:15

Ke e ka manen dut khaca waleji adre ca sihnalimen hnyi tusiny möt me adre me khûâ but e ka hnyi nem a meic.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.