Iakobo 5:20 - Iaai Bible 1901 (New Caledonia)

²⁰ me so e ame wâhmakhmeto, a haba at ame ohmetuhmetoâ at ae kong ûnyi hnyi anyin monu me e ame omelö hanon ûnyi hnyi mok, kʼ ame he ka tube ta je hulo ae se hia.

Iakobo 5:20 ပူးပေါင်းရင်းမြစ်များ

Salamo 32:1

HNAHIC hnen at adre hia but ohia hnen hna hanyâûâ, me tube anyin hulo.

Ta je Vejec 10:12

Haba hmonyin, me wale at ame okûâ iwatretra: Ke ibetengiö ame tube ta je hulo hia.

Ta je Vejec 10:2

E ba troban uma omjeûiny hwakecin ae kong: Ke haba hwakecin ae wisa, wale ûhomeli ûnyi hnyi hna mok.

Ta je Vejec 11:30

Haba wan at ae wisa me ûöiny möt, Ke haba at ae metâ, me ame ohmehmela ta je hanu.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Ta je Vejec 17:9

Haba at ame tube hna hanyâûâ, me ame elâm ibetengiö: Ke haba at ame hâhâ ta je ûnyi, me ame öûsâkâûöâ tavat me lawaedra.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Roma 11:14

me heleû deny he ka oihu-nyinköuâ lahanök, me omelö keihen gadra a ne khana.

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

I. Korinito 9:22

Inya helâ me at ae sēnyin ka tavat a ödra sēnyin, me me hmehmelö nya tavat a ödrin sēnyin: oge me hnyi hom ta je hwakecin hia ka tavat hia, me inye hwege thö he ka omelö keihen.

I. Timoteo 4:16

ö u eâu bi, me hnâm hna ûne. Tethmâ ju hnyi ta je ûnyi e; anyin a u je ne ânyâ e, me u me he ka omeli u bi, inʼ ödra minya adre me ling u.

Filemona 1:19

inya Paulo oge me sihnalimen e ge hnyamok, a oge me he ka bi hwaban: ke oge me ca he bi ka ha köu, ka habe, e ûcû köu he ka hnö u bi könya.

Iakobo 1:15

Ke e ka erkin dut weny ae kong me ame hnokoâ but hulo: ke e ka at hnathu but hulo me e ame hnokoâ but mok.

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.

Iakobo 5:15

ke haba hic hnyi labageju, me ame he bi ka omelö komok, kʼ ame he Than ka otilâ thö e; ke a ne hia but ânyâ ta je monu, me ame he ka thang ut gan.

Iakobo 5:19

Hnyat me lakeiny mönya lö, a ne monu ke at ûnyi hnyi hnathu, kʼ ame ohmetuhmetoâ e hnen ke at;

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.

Hna Omanenâ 20:6

E hnahic ut me kap tavat adre me hnyi hanen möt hmetu a bân: e ba maniny mok a loiny ködrin; ke adre me he bi ka tavat bihut ka Khong me Keriso, ke adre me he ka tha musi mē ke ne o but hnyi je huna a wan thauzan.