Iakobo 5:16 - Iaai Bible 1901 (New Caledonia)

¹⁶ Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

Iakobo 5:16 ပူးပေါင်းရင်းမြစ်များ

Genese 19:29

Ke e ka he Khong ka ohia li tauniny hnyei ae thahon, me Khong ame ûnykûmi Aberahama me kunö Lota ûnyi hnyi wanben ûohiö, hnyi ûen e ame ohia li taun ame laba hnyin Lota.

Genese 20:17

Ke Aberahama ame hic ka Khong: ke Khong ame osoi Abimeleke, me âiân me lathnyabainy omomo; me ödrin e hnokoâ bi.

Genese 20:7

Anyin a wale, he thö u ka hna hmetu momo ka âiân: anyin a e perofeta, kʼ ame he ka hic hobi köu, me u me he ka möt: ke u je ne ca he ka hna hmetu, wâhmakhmeto ju a u me he ka mokcu, u bi, me je waem hia.

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

II. Samuela 19:19

Me e ame ha ka than, ka habe, Ca he tuhok ka ip hnok, ke u me ca he ka ûnykûme monu a ânyâ athnyabaem hnyi bong than a tuhok ame he but ûheny Jerusalema, me me vec hnyekon than.

I. Je Than 13:6

Haba than ame thu me ha ka aten Khong, ka habe, Ö u khöû thö kö Iehova Khongom walang ang, me hic hobi könya, me me so hmetu but hnyamok. Me haba aten Khong ame khöû kö Iehova, me me so hmetu hnyamen than helâ me eja.

II. Man Ûlabainy Je Than. 30:20

Ke haba Iehova ame ling Hezekia, me osoâ tavat.

Jobu 42:8

Ke walang ang hom dö hobi köbun bi je bolok a seven, me je mamoe baga a seven, ke he thö ko Jobu athnyabaik, me hudo hobi köbun hudiny leû; ke ame he Jobu athnyabaik ka hic hobi köbun; anyin a oge me he ka kap e, mʼ oge me ca he ka ânyâ köbun hoton anyibun monu; anyin a öbun e ca ha gak ûnyi ae wisa helâ me Jobu athnyabaik.

Salamo 34:15

E bala li emakö Iehova hon tavat ae wisa, Ke haba li hnyikonyen ame long hodrin hwahongot.

Esodo 17:11

Ke Mose ame tiga hoibeny, me hwege but at Isaraela; ke ame ne hna but hnyamen, me hwege at Amaleka.

Esodo 9:33

Ke Mose ame he ûheny hnyi taun unyi Farao, me hai li hnyamen kö Iehova: me ame hia ju hendreng, me we ae wahma, kʼ ame ca ta hmetu we ka hnyi kânâ.

Ta je Vejec 15:29

Iehova ame ûsâkâûö me tavat ae kong: Ke e ame long hic hijin tavat ae wisa.

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 28:9

Haba at ame wia hnyikönyen me me ca long bi hnanyibu, Me ikiki bi hijin hic.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Jeremia 42:2

me ha kö Jeremia perofeta, ka habe, Ö u kap ju hnöhmun hna khöû köu, ke u me he ka hic hobi kohmun kö Iehova a Khongom, ohmun je kolon ang; anyin a je wan biju ohmun ae wakhalet thibi, ke se hia ehac, ohmun manen köu:

Numera 11:2

Ke haba tavat adre me tengiâ kö Mose; me Mose ame khawe kö Iehova, me ame mok hmetu ju meic.

Mataio 21:22

Ke haba ta je ûnyi hia thithö öbun e he ka sumâtâ hnyi hic, öbun ka labageju, me öbun e he ka hu.

Mataio 3:6

ke e ame bapataisoi ödra hnyi wagewe Joridano, adre me omanenâ anyidra ta je monu.

Mareko 1:5

Me ame he but kâu hnyei Juda hia, ke at Jerusalema hia; me e ame bapataisoi ödra hnyi wagewe Joridano, kʼ adre me ve omanenâ anyidra ta je monu.

Luka 9:6

Me ödrin e he but, me he hnyi wanben je taun, me ödrin e khetâ ûthumetu ae so, me omelö tavat ae hu mok gadra.

Ioane 9:31

E khanʼ ota but, a gʼ ame ca he Khong ka long tavat ae monu: ke a ne ke at ame outen Khong me mâdrâ weny, me e ame he bi ka long kâu.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 19:18

Ke se hia tavat labageju adre me o, me omanenâ, me ha ta je hwakecidra.

Ta je huliwa 8:24

Haba Simona ame thu, ka habe, Hic dʼöbu ka Than hobi könya, me me ba ûnyi ame he ka o könya hnyi ta je ûnyi öbe ha.

Roma 3:10

helâ me hna sihnalimen, ka habe, E ba at ae wisa, e ba hmonyin me khaca;

Roma 5:19

Anyin ae kong ut tavat ae se hia ûnyi ge ca ûling anyin at a khaca, helâe minya adre me he ka haiwisa tavat ae se hia hnen ûling anyin at a khaca.

Kolose 1:9

Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,

I. Thesalonika 5:17

hic dö me ca menâ bi;

I. Thesalonika 5:23

Ke so ame he Khongon hnahic ka tha okabi öbun; e na tuö ju je hanubun hia thithö, me je hnyekubun, me je unyibun, me me ba hnyikongon, e ka o hmetu Tuhöta Iesu Keriso.

I. Thesalonika 5:25

Hnyat me lakeiny lö, hic dʼ öbun hobi kohmun.

Heberu 11:4

Hnen labageju Abela ame hudo ka Khong hut ae nua hon hut anyi Kaina, me adre me ohnathoâ e hnen e a e wisa, ke Khong ame ohnathoâ ge anyin je bwihlany: a mok ut e, kʼ ame fuc bala bi hnen e.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Heberu 12:13

me owisa but ta je gethen hobi kâu je cabun, me me ca he ka khikhin can ae mat, ke so bi he ka hwege hmetu bi.

Heberu 13:18

Hic dʼ öbun hobi kohmun: anyin a öhmun e ûnykûme ae hu but gahmun ûnykûm sa ae so, ke wehmun he ka so hwakecihmun hnyi ta je ûnyi hia thithö.

Josua 10:12

Ke Josua ame ha hofuc kö Iehova hnyi bong Iehova ame hna at Amora hnyi hnyimakan lakon Isaraela; ke e ame ha hnyi hnyimakan at Isaraela, ka habe, Seûno lö, todru u hon Gibeona; Me u Tehi hnyi hnyigöulen bucen Aijalona.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Ioane 3:22

ke haba ûnyi ate me sumâtâ me ate me hu but gan, anyin ate me löng hoton anyin hnanyibu, me ânyâ ta je ûnyi ae so hnyi hnyimakan.

I. Samuela 1:12

Ke e ame tiga hic bala bi hnyi hnyimakö Iehova, me haba Eli ame wâhmakhmeto hnyimen.

I. Samuela 12:17

Hawa, ca ûen ang he ka meno hwit? Oge me he ka hongot kö Iehova, me e ame he ka kunâ hendreng me we; me me khanʼ öbun me wâhmakhmetoâ a e ti kong hwakecibun öbun e ânyâ hnyi hnyimakö Iehova, a ga sumatö tuhöbun.

I. Samuela 12:18

Me Samuela ame hongot kö Iehova; me Iehova ame kunâ hendreng me we hnyi bong eling: me ame ot gan hmâ tavat hia thithö kö Iehova me Samuela.