Iakobo 5:15 - Iaai Bible 1901 (New Caledonia)

¹⁵ ke haba hic hnyi labageju, me ame he bi ka omelö komok, kʼ ame he Than ka otilâ thö e; ke a ne hia but ânyâ ta je monu, me ame he ka thang ut gan.

Iakobo 5:15 ပူးပေါင်းရင်းမြစ်များ

Isaia 33:24

Ke ame ca he bi ka ha hnen at ame labā e, ka habe, Iny mok: adre me he ka hna degecâ hulo anyin tavat adre me labā e.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Ioane 5:14

Ke hwaban e Iesu ame wâ e hnyi uma kap, me haingen kâu, ka habe, Wâ bi, adre hia but omeli u, ca mâdrâ hmeto hulö, wâ e nye o but monu ae gan hmâ köu.

Ioane 6:39

Ke walang weny at a kunö nya, o oge me ca he ka hna ke at gadra a ham könya, mʼ oge me he bi ka otilʼ ödra hnyi bong a obiny.

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

II. Korinito 4:14

ke e khanʼ öhmun a haba at ame omelö hmetu Than Iesu, ame he kʼ omeli öhmun hmetu minya me Iesu, me tha omanenʼ öhmun mʼ öbun.

Iakobo 1:6

Ke so e ame sumat hnyi labageju, ke ba loloâ: anyin a haba at ame lolo, me ûcû me waköiöiny köiö ame oû ang dö me hûnyûnye but.

Iakobo 5:13

Hawa e hu at ame vec unyibun? e so e ame hic. E hu at ame senyin? e so e ame khumöng ogânâ Khong.

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

Iakobo 5:20

me so e ame wâhmakhmeto, a haba at ame ohmetuhmetoâ at ae kong ûnyi hnyi anyin monu me e ame omelö hanon ûnyi hnyi mok, kʼ ame he ka tube ta je hulo ae se hia.