Iakobo 5:10 - Iaai Bible 1901 (New Caledonia)

¹⁰ Hnyat me lakeiny lö, hom dö je perofeta hnân tulut köbun hnyi vec me hok hnyok, waleji tavat adre me ha hofuc hnyi ien Than.

Iakobo 5:10 ပူးပေါင်းရင်းမြစ်များ

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Isaia 39:8

Haba Hezekia ame ha kö Isaia, ka habe, E so hofuc ho Iehova wale u me ha. Ke e ame ha minya, ka habe, Ame he ka hu ûsoköu me hnathu hnyi bonguk ta je bong.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 23:22

Ke so bi adre ne hia but mwi hnyi anyik ûhnenamö, awe, adre me he ka olöngâ lakeik ge hok ta je hofuc, me ohmetu ödra ûnyi hnyi dedra je gethen ae kong, me ûkonginy anyidra ta je huliwa.

Jeremia 26:16

Me ame ha hnen je taben me tavat hia ka tavat bihut me ta je perofeta, ka habe, E ca ûcû bi at ang he ka mok, anyin a e ame fuc köta hnyi iö Iehova Khonguta.

Luka 13:34

Jerusalema, Jerusalema lö, at ame hlingâ ta je perofeta, me lû ödrin adre kunʼ ödrin kâu! e se hia wek he ka ûkhacaköuâ lakom, helâ me hinyen denakhoto ame tube lakon ge li labenyin, mʼ öbun höcö bi öbun!

Luka 6:23

Senyin dʼ öbun hnyi bong eling, me utsenyin: anyin a wâ bi, e gan hmâ hwa-böbun ethö hnyi drany: anyin adre me mâdrâ helâe ka ta je perofeta hnen lakamödra.

Ta je huliwa 3:21

at a kap hnen drany ethö ke ne o but hnyi je ûen ame he! ka hwâdâ hnyin ta je ûnyi hia waleji ame ha hnen Khong a deny anyin ta je perofeta hia thithö ae kap hwân kâû adrem bala.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Heberu 13:7

Ûnykûme ju tavat adre me tuʼ öbun, waleji tavat adre me ha köbun hofuc hwan Khong; ûnykûme ju obiny hwakecidra, me ûcûcûbongo ju anyidra labageju.

Iakobo 4:11

Hnyat me lakeiny lö, ca ûbaiöbunköu. Haba at ame hâiâ liamekeiny, me ûnykûme liamekeiny më, e ame hâiâ hnanyibu, me ûnykûme hnanyibu: ke u je ne ûnykûme hnanyibu mʼ u ca at bi ame löng hoton hnanyibu, ke at bi ame ûnykûme.

Iakobo 5:13

Hawa e hu at ame vec unyibun? e so e ame hic. E hu at ame senyin? e so e ame khumöng ogânâ Khong.

Iakobo 5:7

Anyin a wale hnyat me lakeiny lö, hokhnyok ju ke ne o but ame o thö Than. Wâ bi, haba at belok ame halubahingen okoman hna belok ûnyi eû hnyi kânâ, me hokhnyok ke ne o but ame hu we a bân me we a biliny.

Iakobo 5:9

Hnyat me lakeiny lö, ca iulitköuâ ju, mʼ adre me ca he ka hângʼ öbun bi; wâ bi at ame owisa ame tot eû hnyi je hwanuma.