Iakobo 4:9 - Iaai Bible 1901 (New Caledonia)

⁹ E so öbun e he ka vec, me tenge thungaû, me tenge: e so he ka wia anyibun hluma ka hnyi tenge thungaû, me anyibun senyin ka hnyi hnyok ae hmak.

Iakobo 4:9 ပူးပေါင်းရင်းမြစ်များ

Nehemia 8:9

Ke haba Nehemia a gavena, me Ezera at bihut ke at sihnalimen, me at Levi tavat adre me nâ tavat, me ödrin e ha ka tavat hia, ka habe, Bong ang me kap kö Iehova Khongubun; ca hmak me tenge. Anyin ame tenge tavat hnyi ûen adre me long hofucin hnanyibu.

Jobu 30:31

Anyin a wale adre me wia anyik kitara me me tenge bi, Ke anyik utkowi me me tenge thungaû bi.

Salamo 119:136

Ta je di ame hingölö hnyi li emakök, Can adre me ca tuö ânyâm ta je hnanyibu.

Salamo 119:67

Oge me he monu waleji hnyi ûen a iny tiga ca vec; Ke walang ang inya oge me vheno hwâm hofuc.

Salamo 119:71

E hu soik ûnyi hnyi hna oveci nya; Me inye he ka nâ ânyâm ta je hnanyibu.

Ta je Vejec 14:13

Ame hmak hnyok hnyi ûen adre me hluma; Ke haba obiny senyin, me hloûhloû.

At Khet 2:2

Oge me ha ge hwen hluhluma, ka habe, Hwen monu e: ke ge senyin, e ame hö?

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Je tenge anyi Jeremi 5:15

E ba hmetu senyin hnyi ta je hnyekuhmun, Adre me wia anyihmun bibiâ me me hlöuhlöu bi.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Ezekiela 7:16

Ke haba tavat adre me kec gadra, me adre me he ka kec möt, kʼ adre me he ka helâ me je hinyin hnyigöulen bucen, kʼ adre me he ka ve tenge hon je bucen can hwakecidra.

Mataio 21:41

Haingödrin kâu, ka habe, E ame he ka ohia tavat eling ae kong, me hna hnyei vine ka keihen tavat belök, tavat adre me he ka ham wan kâu hnyi je ûen.

Mataio 5:4

Hnahic hnen tavat adre me tenge, anyin a adre me he ka otubweli ödra.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 6:21

Hnobun hnahic öbun e mekihnânem walang ang, anyin adre me he ka osekuni öbun. Hnobun hnahic öbun e tenge walang ang, anyin öbun e he ka hluma.

Luka 6:25

Ekölö gabun tavat ae sekubun walang ang! anyin a öbun e he bi ka mekihnânem. Ekölö gabun tavat öbun e hluma walang ang! anyin a öbun e he ka tenge me hlöuhlöu.