Iakobo 4:8 - Iaai Bible 1901 (New Caledonia)

⁸ Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.

Iakobo 4:8 ပူးပေါင်းရင်းမြစ်များ

Genese 18:23

Ke Aberahama ame hakekenyâ, me ha, ka habe, Hawa, u me he ka tha ohia wawisa me wamonu?

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Jobu 16:17

Ke so bi e ba ûkonguny hnyi li hnyamok, Ke ba hnyikongon hijic hic.

Jobu 17:9

Ke so bi ame he at ae wisa ka vheno balua deny gethen, Ke ame he ka hwege tot at ae tren li hnyam ae kalaöt.

Jobu 9:30

Oge ne he ka ösûö nya ge köien kiona, Ke hinyem ge oiöâ;

Salamo 119:113

Hûkötiânök tavat adre me hnyok lo; Ke oge me hnyokâ ânyâm hnanyibu.

Salamo 145:18

E hakekeny Iehova kodra hia adre me hawâ e, A tavat hia adre me hawâ e hnyi hnathu.

Salamo 18:20

Haba Iehova ame bi hwaban könya hoton hwakecik ae wisa; E ame bi hwaban könya eûcû me li hnyamok ae kalaöt.

Salamo 24:4

At thibi ae kalaöt li hnyamen, me hnyekon ae ba hnyikongon; At ame ca ogöranyâ bi hnyekon ka hnyi ûnyi ae ûnyi baû, Me ca khemanyin thoi.

Salamo 26:6

Oge me he ka hinyem hnyi hwakecin ae ba hnyikongon; Ke helâe oge me he ka igigilo ânyâm taben hut, Iehova:

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Salamo 73:13

E hnathu, e ûnyi baû hnok hna okhalaötâ hnyekuk, Me hinyem hnyi hwakecin ae ba hnyikongon;

Salamo 73:28

Ke haba inya, e so könya he ka hakekeny ka Khong: Oge me hia but wia Than Iehova me me hnok hna lubaduöng, Mʼ oge me he ka omanenâ ânyâm ta je huliwa hia thithö.

Isaia 13:15

Adre me he ka dʼ ödra hia tavat adre me wâ; ke ame he ka ta ge hele vat tavat hia adre me hom.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Isaia 58:2

Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

Jeremia 4:11

Hnyi ûen e, adre me he ka ha ka tavat ang me Jerusalema, ka habe, Ang ae kahwa ûnyi ethö je dok ae ba leûnen hnyi hnyebuba cicö hluiny ik hnyei, ca hnân ulec me ânyâwia;

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Je tenge anyi Jeremi 3:57

U je hakekenyâ hnyi bong oge me hao u hnyin: u je ha, ka habe, Ca ot bi,

Ezekiela 18:31

Degec ut gabun anyibun ta je hulo hia waleji öbun e ânyâ; ke ânyâ thö hobi köbun hnyok a teb ûnyi me hanu a teb ûnyi: ke anyin a ieû öbun e he ka mok lap anyi Isaraela?

Zakaria 1:3

Anyin a wale ha thö kodra, ka habe, Walang hna ha hnö Iehova tuhan sabaoth ka habe, Hmetu ju könya, me oge me he bi nya ka hmetu köbun, haingö Iehova tuhan sabaoth.

Malaki 3:7

Hwân hnyi je bong bonginy je lakamöbun öbun e hna degecâ anyik je hnanyibu, me ca tuö e. Hmetu ju öbun könya ke oge me he ka hmetu köbun, haingö Iehova tuhan sabaoth. Ke haingöbun, ka habe, Ohmun e he ka hmetu ka hnyi ieû?

Mataio 12:33

Osoâ thö ûö me me so minya je wan; ke haba khaca, okongoâ ûö me me kong minya je wan: anyin adre me wâhmakhmetoâ ûö ge wan.

Mataio 15:2

Ieû ge latâm ödrin e hanyâûâ hna ûne hnen wahingat? anyin ödrin e ca mē hinyem ödrin ka he ka han.

Mataio 27:24

Ke a wâ but Pilato a e ame ca he ka ton, kʼ ame kû bi thö imonumonuny, me e ame hom utköiö, me hinyem hnyi hnyimakan tavat, me ha, ka habe, Iny alai ge dren at ang ae wisa: hamöbun biju.

Ta je huliwa 15:9

ke e ame ca wâhmakhmetu otin bi mödra, ame ânyâwia je hnyekudra ge labageju.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

Iakobo 1:8

e at ame lolo hnyok, kʼ ame okokok hnyi deny ta je gethen hia thithö.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 3:21

wale thibi e hnyi ûhoûcû ae hnathu at ame omeli öbun minya walang ang, a bapataiso, ca ûnyi bi ge hna hneû degecâ ikikiny unyin, ke so bi he ka hnö ge ûnykûm sa ae so ka Khong hnen möt hmetu a Iesu Keriso;

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.

I. Samuela 14:35

Ke Saulo ame otilâ taben hut kö Iehova: wale taben hut a bân e ame otilâ kö Iehova.