Iakobo 4:7 - Iaai Bible 1901 (New Caledonia)

⁷ Anyin a wale löng ju öbun hoton Khong; ke hagutâ but diabolo, me e ame he ka kec ûnyi gabun.

Iakobo 4:7 ပူးပေါင်းရင်းမြစ်များ

II. Samuela 15:26

ke ame ne ha, ka habe, Oge me ca senyin gam; awe walönya ang, hamen he ka ânyâ könya unyi ae so hnyi hnyimakan.

II. Man Ûlabainy Je Than. 30:8

Ke ca he thʼ öbun walang ang ka ohwegiâ je nyibun, helâji me lakamöbun; ke so bi hnʼ öbun dut kö Iehova, me didro ka hnyi anyin dok ae kap, wale e ame hia but okabâ nyiele balua, me bi athnyabai Iehova a Khongubun, me me hwio ûnyi gabun anyin hmonyin ae gan hmâ.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Salamo 68:30

Thawâ ju je menoiny ta saamun, Me je bolok ae se hia, tha ödra me je nokon kau halen tavat, Adre me uto ge je cadra je ong sileva; E ame hia but oveseâ tavat adre me senyinâ vat.

Jeremia 13:18

Ha thö ka than me momo than, ka habe, Öhnyikönʼ öbun ju, ke laba ju: anyin a kolu but anyibu li korona ae mec, wale koronainy anyibun hmanenang.

Daniela 4:25

a adre me he ka obö u unyin tavat, ke u me he ka tha laba me je menoiny hnyot, ke u me he ka han önying helâ me bolok, ke u me he ka kubet ge dân hau ûnyi hnyi drany, kʼ ame he ka seven je ûâm; ke ne o but ame khanö u thö a gʼ ame musi At ae Beönua hnyi dokhu dokhon tavat, kʼ ame ham e ka hnen hna weny kâu.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Ta je huliwa 26:19

Anyin a wale than Ageripa lö, oge me ca oûnyibâûâ hna omanenâ ûnyi hnyi drany:

Ta je huliwa 9:6

todrö, be thö ka hnyi taun, ke adre me he ka ha köu hanymâm he ka ânyâ.

Roma 10:3

Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

Roma 14:11

Anyin adre hia but sihnalimen, ke habe, Haingen Than, ka habe, Kia inya inya, a gʼ adre me he hia ka ciboucâ könya Kʼ ame he ta je bohmen hia ka ve ogânâ Khong.

Efeso 4:27

ke ca bi hnen minya ka diabolo.

Efeso 5:21

ke ûlingköu öbun ju hnyi ot ka Keriso.

Efeso 6:13

Anyin a wale hom dʼ öbun je omjehen hia vat ûnyi ge Khong me me khanʼ öbun he ka tethmâ hnyi bonginy monu, ke at ka ânyâ ta je ûnyi hia thithö, tethmâ ju öbun.

Heberu 12:9

Ke wale minya eang, e hu köta ehac lakamen unyita, he ka nʼ öta, ke ate me ogânʼ ödra: hawa, ate me ca he ka löng hoton beönuainy Kamen ta je hanu, mʼ ate me möt?

I. Peteru 2:13

Löng hoton ju öbun ta je hnanyibu hia anyin at, em Than: ame ne ka than tot ae nua;

I. Peteru 5:6

Anyin a wale, ohnyikönʼ öbun ju hnyi hmelen hnyamen Khong ae man, me me he ka ogoranyi öbun hnyi ûen ae ûcû;

I. Samuela 3:18

Ke Samuela ame thumeto ge ta je ûnyi hia, ke ame ca ikhâlâ gan khaca. Ke haingen, ka habe, E bi Iehova, hamen he ka ânyâ ûnyi ae so hnyi hnyimakan.