Iakobo 4:6 - Iaai Bible 1901 (New Caledonia)

⁶ Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

Iakobo 4:6 ပူးပေါင်းရင်းမြစ်များ

II. Man Ûlabainy Je Than. 32:26

Ke so bi haba Hezekia ame ka oûhnyûkongoâ e bi hnyi bi ganiny hnyekon, a e me tavat adre me laba hnyi Jerusalema, me me ca aat bi ködrin hmonyin anyi Iehova hnyi je bong bongu Hezekia.

II. Man Ûlabainy Je Than. 33:12

Ke e ame vec, me ame elöm Iehova Khongon, me ti oûhnyûkongoâ e hnyi hnyimakan Khongon lakamen.

II. Man Ûlabainy Je Than. 33:19

Me hijin hic minya, me hwakecin hna betenge kâu hnen Khong ge anyin khöû me anyin hulo hia, me hnen hna he hwali, me je ke keihen e ame op je dok ae gorany hnyin, me otilâ je Aseira me je hnatheat hnyin, waleji ke tiga ca oûhnyûkongoâ e: wâ bi, adre hia but sihnalimen hnyi hofuc hwan tavat wâ.

II. Man Ûlabainy Je Than. 33:23

Ke so bi, e ame ca oûhnyûkongoâ e bi hnyi hnyimakö Iehova helâ me hnö Manase a kamen hna oûhnyûkongoâ e bi; ke haba Amona ame ânyâ hwakecin ae kong hmiö nyin.

II. Man Ûlabainy Je Than. 34:27

anyin ae menyik hnyekom, ke u je oûhnyûkongu u bi hnyi hnyimakan Khong, hnyi hnâm hna löng hwan hofuc ge dok ang, me tavat adre me labā e, ke u je oûhnyûkongu u bi hnyi hnyimakök, me kia ânyâm je ûkhaû, me tenge hnyi hnyimakök; anyin a wale oge me he bi nya ka ling u, haingö Iehova.

Jobu 22:29

Ödra ka ohnyikânâi u, u me he ka ha, ka habe, Todrö; Ke e ame he ka omelö at ae hnyikânâ.

Salamo 138:6

Eja ke ne a ne gorany Iehova, e ame he ka wâ tavat ae hnyikânâ: Ke e ame wâhmakhmetoâ tavat bi gan hnyi dok ae sâkâû.

Salamo 9:12

Anyin a haba at ame hnei can dra ame ûnykûmi ödra: Kʼ ame ca hnying hwatenge hwan tavat ae theduoc.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Ta je Vejec 15:33

Haba at ot kö Iehova, me wale hna ûne hnen metâ; Ame bân hwakecin ae ûhnyûkong, me biliny bi hna ogânâ.

Ta je Vejec 18:12

Ame bân ka bi gan hnyekon at, ke biliny bi he ka hia, Ke ame bân hnyok ae hnyikânâ, ke biliny bi hna ogânâ.

Ta je Vejec 22:4

Haba troban hwakecin ae hnyikânâ, me ot kö Iehova, Wale omjeû, me hna ogânâ, me möt.

Ta je Vejec 29:23

Haba bigan anyin at, me ame ohnyikânâ e: Kʼ adre me he ka ogânâ at ame hnyok hnyikânâ.

Ta je Vejec 3:34

E hnathu, e ame hlumā tavat ûhlumöny, Ke e ame ham betenge baû ka tavat ae ûhnyûkong.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 54:7

Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Mataio 13:12

Anyin adre me he ka ham ka at ae hu gan, me me he ka tren gan hmâ: ke adre me he ka hom ge at ae ca hu gan bi, ûnyi e ame hu.

Mataio 23:12

Ke adre me he ka oûhnyûkongo at ame ka ogânâ e; kʼ adre me he ka ogânâ at ame ka oûhnyukongoâ e.

Luka 1:52

E ame hagutâ je than ûnyi hnyi hon anyidra ta je theron, Me ogöranyâ tavat a ödra hnyikânâ.

Luka 14:11

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

Iakobo 4:10

Obnyikönʼ öbun ju hnyi hnyimakan Than, ke e ame he ka ogoranyi öbun.

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

I. Samuela 2:3

Ca he hmetu bi ka ha hofuc ae bi gan; Ke so ame ca gâ hofuc bi gan ûnyi hnyi je hnyimöbun; Anyin a Iehova, me e Khongon metâ, Ke e ame tuluto je hna ânyâ.