Iakobo 4:4 - Iaai Bible 1901 (New Caledonia)

⁴ Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

Iakobo 4:4 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Salamo 21:8

Ame he hnyâmâm ka wâ hia ta je iwahnaihmiony möu: Ame he hnyâmâm a metâm ka wâ tavat adre me hûkötiö u.

Salamo 50:18

U je wâ at ae venöu, me u je tha hnyok mê, Ke u je hia but hom jekhom unyin tavat bi ûnyi monu.

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Isaia 57:3

Ke hakekeny ju öbun je lakon momo at ame bihihwakecin, a je mâtrân momo ame bi ûnyi monu me momo hnyi gethen.

Jeremia 2:2

He thö, hongot dö hnyi je hnyikonyen Jerusalema, ka habe, Walang hna ha hnö Iehova, ka habe, Inya oge me ûnykûmi u wale ge hwakecâm ae menyik ku tiga hlu, me ânyâm betenge waleji hnyi hnâm hna ûköcö: waleji hnyi hnâm hna he hotuk hnyi hnyebuba, hnyi hnyei adre ca belökâ.

Jeremia 9:2

E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

Ezekiela 16:32

U momo at ame bi ûnyi momu! at ame weny je atkanyua ke degec bi âiân!

Hosea 3:1

KE Iehova ame ha könya, ka habe, He hmetu thö ka betenge ge momo at ame betenge gan waeny ke momo ame venöu, helâ me betenge anyi Iehova ka lakon Isaraela, tavat adre me hnyimakan ka je khong, ke wedra je hmata a wan vine.

Mataio 12:39

Ke e ame thu ködrin, ka habe, Dö ae kong ke bi ûnyi monu, adre me elâm haten; ke adre me ca he ka ham kodra haten, ke so thibi haten ga Jona perofeta:

Mataio 16:4

Ame elâm haten hnen dö ae kong kʼ ame bi ûnyi monu; kʼ adre me ca he bi ka ham kâu haten, ke so thibi haten anyi Jona perofeta. Ke e ame hnʼ ödra, me he but.

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.

Ioane 15:19

Öbun e ne je lahanen hmeledrany, ame he hmeledrany ka betenge ka lahanen: ke anyin a öbun ca lahanen hmeledrany, ke oge me ûcʼ öbun ûnyi eang hmeledrany, waleling me me hûkötiʼ öbun hmeledrany.

Ioane 17:14

Oge hia hut ham ködrin hwâm hofuc; ke ame huköti ödrin ge hmeledrany, anyin a ödrin ca aten hmeledrany, helâ me inya a ca aten bi hmeledrany.

Ioane 7:7

E ca khana bi hmeledrany he ka hûköti öbun; ke so bi ame hûkötiö nya, anyin a oge me ohnathoâ ae kong ta je huliwainy.

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 8:7

anyin a iwahnaihmiony me Khong he ka hnyok ka unyin; anyin ame ca long bi hoton hnanyibu anyin Khong, anyin ae ca khana bi:

I. Korinito 1:20

Ewa at ae metâ? Ewa at sihnalimen? Ewa at ivinö hnyi dö eang? Hawa, Khong ame ca omono metâ eang hmeledrany?

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.