Iakobo 4:3 - Iaai Bible 1901 (New Caledonia)

³ Öbun e sumâtâ ke ca hu bi anyin öbun e sumâtâ monoâ, möbun e he ka oumo ta je ûnyi e hnyi ta je webun ae kong.

Iakobo 4:3 ပူးပေါင်းရင်းမြစ်များ

I. Je Than 3:11

Ke haba Khong ame ha kâu, ka habe, Anyin a u je sumâtâ ûnyi eling, ke u je ca sumâtâ he ka möt beû hobi köu bi, ke u je ca sumâtâ omjeû hobi köu bi, ke u je ca sumâtâ me me mok je iwahnaihmiony möu; ke u je sumâtâ bi metâ hobi köu mʼ u me wâhmakhmetoâ he ka owisa;

Jobu 35:12

Adre me tenge eling, ke ba at ame thu, Can bi gan anyin tavat ae kong.

Salamo 18:41

Adre me khöû ke ba at ûhomeli: Wale kö Iehova, ke e ame ca fuc kodra.

Ta je Vejec 1:28

Me adre me he ka tenge könya, ke oge me ca he bi nya ka thu; Adre me he ka elölöm nya, kʼ adre me ca he ka o nya:

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 21:13

Haba at ame hlöng hnyikonyen ge ûtengien at ae theduoc, Me ame he bi ka tenge ke adre me ca he ka long kâu.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 11:14

Anyin a wale, u me ca he ka hijö tavat ang, ke u me ca he ka tenge me hic hobi kodra: anyin oge me ca he ka löng kodra hnyi ûen adre me he ka hawo nya hnyin hnyi anyidra vec.

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Mika 3:4

Me adre me he ka tenge kö Iehova, ke e ame ca he ka thu kodra; eke, e ame he ka ikhâlâ hnyimakan gadra hnyi ûen eling, hoton ûkonginy anyidra ta je huliwa.

Zakaria 7:13

Ke e ame hongot, kʼ adre me ca long bi; helâe, adre me he ka hongot ke oge me ca he bi nya ka long, haingö Iehova tuhan sabaoth;

Mataio 20:22

Ke haba Iesu ame thu me ha, ka habe, E ca khanʼ öbu bongon hnöbu hna sumâtâ. Hawa, e khanʼ öbu he ka ic hnyi kaia oge me he ka ijem? Haingödru ka habe, E khanʼ ohmu.

Mareko 10:38

Ke haba Iesu ame ha ködru, ka habe, E ca khanʼ öbu bongon hnöbu hna sumâtâ. Hawa, öbu hwege he ka ijem utköiö oge me he bi ka ijem? ke he ka bapataisoi öbu ge hna bapataiso adre ma bapataisoi nya hnyin!

Luka 11:10

Anyin ame he ka hu ka tavat adre me sumâtâ; ke haba tavat adre me elâm, me adre me he ka wâ; ke adre me he ka khong ka tavat adre me seseto.

Luka 15:13

Ke tiga ca se hia bong hwaban e, haba wakeiat ame ûkhacaköuâ anyin ta je ûnyi hia, me he ka hnyi ke hnyei ae sâkâû; me e ame dedegec eling tang omjehen ge hwakecin ae khâlâdren.

Luka 15:30

ke ame hap o ju nokom eang, at ame ohia ânyâm ta je ûnyi ka omomo hnyi gethen, me u je hia but hlingâ hobi kâu nokon kau ae pipikhenya.

Iakobo 4:1

ÛNYI ua ta je vat, ke ûnyi ua ta je ûkûc unyibun? hawa, ca ûnyi ge ta je webun ae kong ame vat hnyi ta je ong outhunyibun?

I. Ioane 3:22

ke haba ûnyi ate me sumâtâ me ate me hu but gan, anyin ate me löng hoton anyin hnanyibu, me ânyâ ta je ûnyi ae so hnyi hnyimakan.

I. Ioane 5:14

Ke walang hnyok ae hwege ate me hu kâu, a öta ka he ka sumâtâ ke ûnyi helâ me weny, me ame ling öta: