Iakobo 4:12 - Iaai Bible 1901 (New Caledonia)

¹² Khaca thibi at ame ham hnanyibu, wale at ae khana he ka omelö me omoko; ke u ia at ame ûnykûme ke at?

Iakobo 4:12 ပူးပေါင်းရင်းမြစ်များ

Jobu 38:2

Ia olidrâ ûhnenamö Ge ta je hofuc ae ba wâhmakhmeto hnyin?

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Luka 12:5

Ke oge me he ka kû köbun at öbun e he ka outen: Outen ju e at ae tren man he ka khûâ hnyi gena, at ka hia but hlingâ; eke, inya oge me ha köbun, outen ju e.

Roma 14:13

Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny.

Roma 14:4

Anyin a u ia at ame ûnykûme athnyabainy ke at? e ka tethmâ, ke e ka ū bi, me hamen tuhan bi. Eke, adre me he ka otethmâ e, anyin ae khana Than he ka otethmâ e.

Roma 2:1

ANYIN a wale, at ame ûnykûm lö, e ba hnân thu gam: anyin a haba hnâm hna ûnykûme ke at, me u me ka hamâm bi ohnaûhangöi u; anyin a u me ka ânyâ ta je ûnyi e.

Roma 9:20

Ohe, at lö, u ia u me ivinö me Khong? Hawa, ame he ûnyi adre op ka ha ka at ame op e, ka habe, Ieû gam u ine up nya helâng.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Iakobo 5:9

Hnyat me lakeiny lö, ca iulitköuâ ju, mʼ adre me ca he ka hângʼ öbun bi; wâ bi at ame owisa ame tot eû hnyi je hwanuma.

I. Samuela 25:10

Ke haba Nabala ame thu ka lathnyabai Davita, ka habe, Ia Davita? ke ia nöku Jese? E se hia lathnyaba adre me ve hna degecâ latuhödra hnyi je bong ang.