Iakobo 4:10 - Iaai Bible 1901 (New Caledonia)

¹⁰ Obnyikönʼ öbun ju hnyi hnyimakan Than, ke e ame he ka ogoranyi öbun.

Iakobo 4:10 ပူးပေါင်းရင်းမြစ်များ

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Jobu 22:29

Ödra ka ohnyikânâi u, u me he ka ha, ka habe, Todrö; Ke e ame he ka omelö at ae hnyikânâ.

Jobu 5:11

Haba e at ame ip tavat ae hnyikânâ ka hnyi dok ae gorany; Me ogöranyâ tavat adre me tenge mʼ adre me he ka laba khötkic.

Salamo 113:7

E ame ogöranyâ at ae theduoc ûnyi hnyi sesâ, Me kap goranyai at ae ba ta ûnyi, ûnyi hnyi hna khûö thatûnyi:

Salamo 147:6

Iehova ame cö tavat ae hnyikânâ: E ame hagutâ hnyikânâi tavat ae kong.

Salamo 27:6

Ke walang ame he ka gorany bok hon ta je iwahnaihmiöny mönya hia igigili nya; Ke oge me he ka hudo je hudiny senyin hnyi umen uma mano; Oge me he ka khumöng, eke, oge me he ka khumöng olungi Iehova.

Salamo 28:9

Omelo thö lakem, ke ohnahicâ ju jekhom: Ha ö ʼdra ju minya, ke kap tilʼ ödra ju ke ne o but nyiele balua.

Salamo 30:1

IEHOVA lö, oge me he ka oganö u, anyin a a je hia but ogöranyi nya, Me ca hna je iwahnaihmiony mönya he ka manhic könya.

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Ta je Vejec 29:23

Haba bigan anyin at, me ame ohnyikânâ e: Kʼ adre me he ka ogânâ at ame hnyok hnyikânâ.

Ezekiela 21:26

me walang hna ha hnen Than Iehova, ka habe, Hom dö hnabinybak, ke hom dö korona gan: ame ca he ka tethmâ ûnyi ang: ogöranyâ thö ûnyi ae hnyikânâ, ke ohnyikânâ ju dok ae gorany.

Mataio 23:12

Ke adre me he ka oûhnyûkongo at ame ka ogânâ e; kʼ adre me he ka ogânâ at ame ka oûhnyukongoâ e.

Luka 1:52

E ame hagutâ je than ûnyi hnyi hon anyidra ta je theron, Me ogöranyâ tavat a ödra hnyikânâ.

Luka 14:11

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

I. Peteru 5:6

Anyin a wale, ohnyikönʼ öbun ju hnyi hmelen hnyamen Khong ae man, me me he ka ogoranyi öbun hnyi ûen ae ûcû;

I. Samuela 2:7

Iehova ame otheduocâ, me otren om jeuâ: E ame kot hnyikânâi, me ogöranyâ.

I. Samuela 2:9

E ame he ka tuö je li can tavat ae kap, Ke e ame he ka ohnyibö hnyat ae ca wisa hnyi menekholom; Anyin ame ca he at ka ton ûnyi ge tang hwegien.