Iakobo 4:1 - Iaai Bible 1901 (New Caledonia)

¹ ÛNYI ua ta je vat, ke ûnyi ua ta je ûkûc unyibun? hawa, ca ûnyi ge ta je webun ae kong ame vat hnyi ta je ong outhunyibun?

Iakobo 4:1 ပူးပေါင်းရင်းမြစ်များ

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Roma 7:23

ke oge me wâ ke hnanyibu minya bi hnyi je outhunyik, kʼ ame vat me hnanyibu eû hnyi hnyekuk, kʼ ame hwenbö nya ka hnyi hnanyibuiny hulo, at ame laba hnyi je outhunyik.

Roma 7:5

Anyin a tiga öta bi hnyi unyin, haba ta je weny ae kong ûnyi hnyi hnanyibu ame huliwa hnyi je outhunyita he ka wa wan ka hnyi mok.

Roma 8:7

anyin a iwahnaihmiony me Khong he ka hnyok ka unyin; anyin ame ca long bi hoton hnanyibu anyin Khong, anyin ae ca khana bi:

Galatia 5:17

Anyin a haba unyin ame ûö bi ûnyi me Hanu, ke haba Hanu ame ûö bi ûnyi me unyin; anyin a ödru li at ûö bi ûnyi köu ödru; waleling me öbun e ca ânyâ bi ûnyi ame webun.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

II. Timoteo 2:23

Ke hota ju ta je ivinö ae monu me ca metâ, anyin ae khanʼ öbun a wale at ame okûâ iwatretra.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Tito 3:9

ke ûsâkâûö u but me ta je ivinö ae monu, me hna aû ta je dö, me iwatretra, me ivinö ge hnanyibu; anyin ae ba troban, me ûnyi baû bi e.

Iakobo 1:14

ke adre me ve cubec tavat, a gʼ adre lili Ödra hnen je wedra bi ae kong, me iyawâ.

Iakobo 4:3

Öbun e sumâtâ ke ca hu bi anyin öbun e sumâtâ monoâ, möbun e he ka oumo ta je ûnyi e hnyi ta je webun ae kong.

I. Peteru 1:14

e so öbun e tha ûcû me tavat ûling, ke ca he öbun ka tha ûcû me webun kâû adrem, waleji kʼ öbun tiga menekholom:

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

II. Peteru 2:18

Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

II. Peteru 3:3

a böbun he ka wâhmakhmeto ûnyi eang a haba hnyi ta je bong a biliny, me ame he ka o tavat ûhiö me ûhlumöny, kʼ adre me he ka he hoton ta je wedra bi ae kong,