Iakobo 3:9 - Iaai Bible 1901 (New Caledonia)

⁹ Ate me haisoâ Khong a Kamen hnen e; ke hnen e minya ate me hangâ at, wale adre me op e me we Khong:

Iakobo 3:9 ပူးပေါင်းရင်းမြစ်များ

Genese 5:1

WALANG tusiny je dö ûnyi ga Adamu. Haba hnyi bong Khong ame op at hnyin, e ame op e me we Khong;

Genese 9:6

Haba at ame hingâlâ dren ke at, me ame he bi ka hingâlâ dren hnen ke at: anyin adre op at e me we Khong.

II. Samuela 16:5

Ke a o but Davita than hnyi Bahurim, me wâ bi, ame didrut ûheny e ke at hanen lap anyi Saulo, Simei ien, nöku Gera: kʼ ame didrut me ûhangö tot.

II. Samuela 19:21

Ke haba Abisai nöku Zeruia ame thu, ka habe, Hawa, adre me ca ke ka hlingö Simei can ang, wale e ame hangâ hna hû hnö Iehova?

I. Man Ûlabainy Je Than. 29:10

Anyin a wale Davita ame ole kö Iehova hnyi hnyimakan ûkhacaköu hia: haingö Davita, ka habe, Ole köu Iehova lö, Khongu Isaraela a kamöhmun, nyiele nyiele balua.

I. Man Ûlabainy Je Than. 29:20

Ke haba Davita ame ha ka ûkhacaköu hia, ka habe, Walang ang, oleâ thö kö Iehova Khongubun. Me haba ûkhacaköu hia adre me ole kö Iehova Khongon lakamödrin, me nom ju, me khudrung kö Iehova, me than.

Salamo 10:7

A unöngötö hnyimen ge ûhangö, me iyawö, me seda: Eû hnyi hmelen bohmen ûokonguny me hulo.

Salamo 108:1

KHONG lö, e mou but hnyekuk; Oge me he ka khumöng, eke, oge me he ka khumöng ogânâ me hmanenangik.

Salamo 145:1

KHONGUK lö, Than, Oge me he ka oganö u: Ke oge me he ka haisoâ iâm nyiele nyiele balua.

Salamo 145:21

Ame he hnyimök ka ha hnân oganö Iehova; Ke so ame he tavat hia ka haisoâ ien ae kap nyiele nyiele balua.

Salamo 16:9

Anyin a wale ame senyin hnyekuk, me hobâ anyik mec: Ame he but minya unyik ka laba hnyi gejon.

Salamo 30:12

Me me he ka khumöng oganö u hnen anyik mec, kʼ ame ca he ka laba hnyibû. Iehova lö Khonguk, oge me he ka oganö u nyiele balua.

Salamo 34:1

OGE me he bala ka haisoi Iehova hnyi je ûen hia; Ame he bala hnyimök ka oganâ e.

Salamo 35:28

Ke ame he bohmök ka ha hwakecâm ae wisa, Me hna oganö u hnyi je bong.

Salamo 51:14

Khong lö, Khongon melik, hnö nya but ûnyi hnyi dra a jönik; Me ame he bohmök ka khumöng ogânâ hwakecâm ae wisa.

Salamo 57:8

Hmanenangik lö, hmak dö; nabela me kitara lö, hmak dö: Ke oge me he bi nya ka hmâkâ hnyi haolany.

Salamo 59:12

Can hnödra hna hulo ge hnyimödra, me hofuciny je esongodidra, E so adre me he ka nuc ödra hnyi anyidra bi gan, Ke can ûhangö me thoi adre me ha.

Salamo 62:4

Adre me vhök ûhnenamö he ka hagutâ e ûnyi hnyi anyin so; Adre me senyinâ je thoi: Adre me haisoâ ge je hnyimödra, ke ûhangö bi eû hnyi hnyok. [Sela.

Salamo 63:4

Helâe oge me he ka haisoi u inye tiga möt: Ûnyi hnyi iâm oge me he ka hai goranyai li hnyamok.

Salamo 71:24

Ame he bohmök ka ha hnyi je bong ge hwakecâm ae wisa: Anyin a ödra hmehma me monumonu tavat adre me elâm he ka okongu nya.

At Khet 7:22

anyin e khanö u hnyi hnyekom minya a u je osehia hangâ keihen.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Mataio 26:74

Me e ame hwân he ka fuc hwege me khemanyin, ka habe, E ca khanö nya at e. Me ame ie kokok dö khoto.

Mataio 5:44

ke oge me ha bi nya köbun, ka habe, Betenge ju ge je iwahnaihmiony möbun, ke hic ju hobi kâu tavat adre me oveci öbun;

Ta je huliwa 2:26

Wale me me senyin hnyekuk kʼ ame hobâ bohmök; Ke ame he unyik ka menâ ju me gejon:

Roma 3:14

E unöngötö je hnyimödra ge ûhangö me hofuc ae hiny:

I. Korinito 11:7

Anyin ae ca ûcû baga he ka binybak, anyin a e we me hmanenanginy Khong: ke haba momo, me hmanenangin baga.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

Iakobo 3:10

kʼ ame didrut ûnyi hnyi hnyimen a khaca hna haisoâ, me hnaûhango. Hnyat me lakeiny mönya lö, e ca ûcû he ka ânyâ ta je ûnyi helâe.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

Owisa 9:27

Ke ödrin e he ka hnyi ta hnyei, me tau wan haledrin je vine, me ututo je wan vine, me senyin, me didro ka hnyi uma umen khongudrin, me han, me ic, me hangö Abimelek.