Iakobo 3:5 - Iaai Bible 1901 (New Caledonia)

⁵ Ke helâe minya bohmen ûnyi ne ûhnyûkong hmonyin, ke e ame hobeluâ ta je ûnyi ae gan. Wâ bi ûganiny hnyot ame hiâ ge wahleûhleûiny meic ae ûhnyûkong!

Iakobo 3:5 ပူးပေါင်းရင်းမြစ်များ

Jobu 22:17

Wale hnyat adre me ha, ka habe, Ûsâkâûö but möhmun; Ke, Ieû ae khana Ataekhanahia he ka ânyâ hnân hobi kohmun?

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Salamo 17:10

Adre me lan ödra bi ge anyidra pipikhenya, Kʼ adre me hobeluʼ ödra ge je hnyimödra bi.

Salamo 39:1

HAINGÖK, Oge me he bi nya ka tuö dek je gethen, Mʼ oge me ca he ka monu ge bolimök: Oge me he ka tuö hnyimök ge ûnyi hnân ohnyibö, E ka tiga laba hnyi hnyimakök tavat ae kong.

Esodo 15:9

Haingen iwahnaihmiony, ka habe, Oge me he ka hnu, oge me he ka homtilâ, oge me he ka khenâ hna hûgûnâ: Oge me he ka sekuk ûnyi gadra; Oge me he ka oc anyik hele vat, ame he hnyamok ka ohiʼ odra.

Esodo 5:2

Ke Farao ame ha, ka habe, Ia Iehova mʼ inye he ka löng ifucin he ka hna but at Isaraela? E ca khanö nya Iehova, ke oge me ca he bi nya ka hna but at Isaraela,

Ta je Vejec 12:18

E hu tavat adre me ie fuc, helâke adre dâ ge hele vat: Ke haba bohmen at ae metâ, me hnân ometo.

Ta je Vejec 15:2

Haba bohmen at ae metâ me ame ha wisa ge wâhmakhmeto: Ke haba hnyimen tavat ae monu, me ame hingâlâ hwen monu.

Ta je Vejec 18:21

Haba mok me möt, me ame muso hnen bohmen; Ke haba tavat adre me betenge gan, me adre me he ka an wan.

Ta je Vejec 26:20

E ka ba uto, me mok ut meic: Helâe, e ka ba at ame ûhaiö, me ba but û.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Ezekiela 28:2

Nokon at lö, ha thö ka je tuhan Turo, ka habe, Walang hna ha hnen Than Iehova, ka habe, Anyin ae bi gan hnyekom, ke u je ha, ka habe, Inya ang ke khong, me oge me Aba hnyi tap taben Khong hnyi wanben je köiö; ke so bi u thibi at ke ca Khong, ke u je oûco hnyekom me hnyekon Khong:

Ezekiela 29:3

ha thö, ke habe, Walang hna ha hnen Than Iehova, ka habe, Wâ bi, ûcûk u, Farao than Aigupito, a tanimo ae gan at ame laba hnyi je wagewiny, at ame hia but ha, ka habe, Haba anyik wagewe me ka anyik bi, ke oge me ka op e hobi könya bi.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Iakobo 3:4

Wâ bi minya ta je hu, eja ke ne a ne gan dut, ke ame oû ang ge ang ae hwege, adre wia but hnen wi ae ûhnyûkong helâ me weny tuhan hu.

II. Peteru 2:18

Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

Juda 1:16

Ödra tavat ulit, me tavat fuc, adre me he hoton ta je wedra ae kong (ke ame fufuc je hnyimödra) kʼ adre me ogânâ at me me hu troban bi kodra.