Iakobo 3:2 - Iaai Bible 1901 (New Caledonia)

² Anyin ate thö hia thö hnyi ta je ûnyi ae se hia. A ne ca thö at hnyi hofuc, awe, e wisa at e, ke e khana he ka tha hom ûhnyûkongo unyin.

Iakobo 3:2 ပူးပေါင်းရင်းမြစ်များ

I. Je Than 8:46

Ödrin e ne ânyâ hulö köu, (anyin ae ba at ame ca ânyâ hwakecin ae kong;) ke u je hmönyâm ködrin, me hnʼ ödrin ka je iwahnaihmiony, mʼ adre me hum ödrin ka hwenbâ ka hnyi hnyeiny je iwahnaihmiony, ame ne dok ae sâkâû, ame ne hakekeny;

II. Man Ûlabainy Je Than. 6:36

Ödrin e ne ânyâ hulo köu (anyin ae ba at ame ca ânyâ monu,) me u me hmönyâm ködrin, me hnʼ ödrin ka je iwahnaihmiony, me adre me lili ödrin a je hwenbâ ka hnyi ke hnyei ame ne sâkâû ame ne hakekeny;

Jobu 15:13

Mʼ u me wia hanom he ka degec Khong, Me oâ je hofuc helâe ûnyi hnyi hnyimâm.

Salamo 34:13

Kât je bohmâm me me ca hulo bi, Ke li esongodâm wâ e nye fuc thoi.

Salamo 39:1

HAINGÖK, Oge me he bi nya ka tuö dek je gethen, Mʼ oge me ca he ka monu ge bolimök: Oge me he ka tuö hnyimök ge ûnyi hnân ohnyibö, E ka tiga laba hnyi hnyimakök tavat ae kong.

Ta je Vejec 10:19

E ka se hia hofuc, me ca ba hulo: Ke metâ at ame noc bohmen.

Ta je Vejec 13:3

Haba at ame tuö hnyimen, me ame tuö bi anyin möt. Ke haba at ame fuc gânâ me ame he ka hu hnaûhango.

Ta je Vejec 20:9

Ie at ame he ka ha, ka habe, Oge hia but okalaötâ hnyekuk, Iny bo so but ûnyi ge hulo?

Ta je Vejec 21:23

Haba at ame tuö hnyimen me bohmen, Me ame ka tuö e bi ge vec.

At Khet 7:20

Anyin ae ba at ae wisa eang hmeledrany, a at ame ânyâ so kʼ ame ca ânyâ hulo.

Isaia 64:6

Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Levitiko 13:39

me ame he at bihut ka wâ: ke wâ bi, ame ne löhau je ong dok ae hadröngöc hnyi unen unyidrin; wale thibi okhicö ame kû hnyi unen: e ame bo so.

Mataio 12:34

Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Mataio 12:37

Anyin adre me he ka haiwisö u ge hwâm ta je hofuc, kʼ adre me he ka ohnaûbangöi u ge hwâm ta je hofuc.

Roma 3:10

helâ me hna sihnalimen, ka habe, E ba at ae wisa, e ba hmonyin me khaca;

Roma 7:21

Waleling mʼ inye wâ hnanyibu ang, a e ka wek bi he ka mâdrâ so, me tha e mönya bi monu.

I. Korinito 9:27

ke oge me hom ûhnyûkongo unyik, me thaluâ e: wâ oge nye hia but khetâ ka keihen, ke hwaban e adre me digic nya but.

Galatia 3:22

Ke haba hnyi hna sihnalimen adre hia but thelöng ta je ûnyi hia hnyi hmelen hulo, mʼ adre me he ka ham ka tavat labageju hna ha bânâ ûnyi hnyi labageju kö Iesu Keriso.

Galatia 5:17

Anyin a haba unyin ame ûö bi ûnyi me Hanu, ke haba Hanu ame ûö bi ûnyi me unyin; anyin a ödru li at ûö bi ûnyi köu ödru; waleling me öbun e ca ânyâ bi ûnyi ame webun.

Kolose 1:28

wale at öhmun e khetâ, me sihwegiâ ka tavat hia thithö, me nʼ odra hia hnyi metâ hia, mʼ öhmun e he ka omanenâ tavat hia thithö ae bekhöt soidra unyin Keriso;

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

Heberu 13:21

e so e ame he ka wia wisai öbun hnyi ta je huliwa ae so he ka ânyâ weny, me huliwa eû hnyita, ûnyi hnân kû senyin hnyi hnyimakan, a deny Iesu Keriso; e so e unyin hmanenang nyiele nyiele balua. Amen.

Iakobo 1:26

A ne hu ke at ame ûnykûme a e ame hmi, ke e ame ca noc bi bohmen ke e ame omonoâ hnyekon bi, awe, haba hmi anyin at e, me ûnyi baû bi.

Iakobo 1:4

Ke so ame he hokhnyok ka huliwa bekhötâ, mʼ öbun e he ka bekhöt me wisa, ke ba ûnyi ae hia.

Iakobo 2:10

Anyin a haba at ame he ka löng hoton je hnanyibu hia, kʼ ame hanyâûâ thibut khaca, me helâke a hanyâûâ hia but.

I. Peteru 3:10

Anyin a Haba at ame weny möt, Kʼ ame bewâ je bong ae so, Me so e ame noc bohmen hnyi monu, Ke li esongodiny wâ e nye fuc thoi:

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.