Iakobo 3:17 - Iaai Bible 1901 (New Caledonia)

¹⁷ Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

Iakobo 3:17 ပူးပေါင်းရင်းမြစ်များ

I. Je Than 3:12

awe, oge hia but ânyâ helâ me hnâm hna ha: me wâ bi, oge hia but ham köu hnyok ae metâ me wahmakhmeto; ke ba ke at a helâ möu ehac, ke haba khaca, e ba ke at ame he ka ûcû möu ame he ka o hwabâm.

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

I. Je Than 3:9

Ö u ham könya athnyabaem hnyok ae metâ he ka owisa ka lakem, mʼ inye he ka wâhmakhmeto so me kong; anyin a ie at ae khana he ka owisa ka lakem ae gan helâng?

I. Man Ûlabainy Je Than. 22:12

E na he ju Iehova ka ham köu metâ me wâhmakhmeto, me hûna köu ge at Isaraela; me u me he ka tuö hnanyibu anyi Iehova Khongom.

I. Man Ûlabainy Je Than. 22:9

wâ bi, adre me he ka hnokoâ nokom, at ame laba ûsoköu, anyin a oge me he ka oûsokö-oâ e me je iwahnaihmiony mē igigilo: anyin a adre me he ka hwenyi ien Solomona, ke oge me ke ka ham ûsoköu me me laba wia at Isaraela hnyi bongon je bong hia:

Jobu 28:12

Ke adre me he ka wâ metâ ua? Ke ewa hnen wâ ûnykûme?

Jobu 28:23

Khong ame wâ ûnykûme deny e, Ke e khana hnen bi.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Esodo 36:2

Ke Mose ame hao Bezaleli, me Aholiaba, me tavat hia adre me hnyok metâ, waleji hnö Iehova hna ometâ hnyok, me odra hia wale a ûjongi ödra hnen je hnyekudra he ka he ka hnyi huliwa he ka ânyâ e;

Ta je Vejec 2:6

Anyin a Iehova ame ham metâ; Ke ûnyi hnyi hnyimen ame o wâhmakhmeto me wâ ûnykûme:

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 32:6

Anyin ame he at ae monu ka ha hofuc ae monu, kʼ ame he hnyekon ka ânyâ hulo, wale he ka ânyâ hwakecin ae ca ûcû, me ha monu ga Iehova, me oba jeû ka at ae mekihnânem, me ohmö köiö belen at ae beic.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Malaki 2:9

Anyin a wale oge hia but wiʼ öbun hnân hûkötiâ me kong hnyi hnyimakan tavat hia, hoton hnobun hna ca tuö dek je gethen, ke öbun e ûciâköuâ ge hnanyibu.

Malaki 3:3

ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

Mataio 23:28

Ke helâe, öbun ame manen wisa ka tavat, ke unöngöt dö eû hnyibun ge thoi hnyok me hulö.

Mataio 5:8

Hnahic hnen tavat ae kalaöt hnyekudra, anyin adre me he ka wâ Khong.

Mataio 5:9

Hnahic hnen tavat adre me öûsoköuâ: anyin adre me he ka hai ödra me lakon Khong.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Luka 6:36

Ibetengiököu ju öbun, helâ me Kamöbun at ae betenge.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

Ta je huliwa 11:24

anyin a e at ae so, ke unöngöt ge Hanu Kap me labageju: ke se hia tavat adre me bi hanen ka Than.

Ta je huliwa 9:36

Ke e hu hnyi Jopa ke aten, Tabitha ien, kʼ adre me wia bongon ien, me Doreka: haba momo e, me unöngöt ge ta je huliwa ae so kʼ ame betenge ka ta je theduoc.

Roma 12:18

Laba ûsoköu me tavat hia a ne khanʼ öbun.

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Roma 15:14

Ke mou but eû hnyi hnyekuk gabun je liamekeiny mönya, a öbun e unöngötö ge hwakecin ae so, ke unöngöt ge metâ hia, ke e khanʼ öbun he ka ûsihwegei öbun köu.

I. Korinito 12:8

Anyin adre ham ka ke at hofuc ae metâ a deny Hanu; ke ka ke at hofucin wâ ûnykûme hoton Hanu a khaca:

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 6:6

hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin,

II. Korinito 7:11

Anyin a wâ ju öbun ûnyi eang waleji e hmak hnyekubun hoton ae ûcû ka Khong e ame okûâ hna wâ wia unyibun, me ivinö, eke, me haiwisai öbun eke, me kong hnyekunâ, eke, me ot, eke, me weny ae gan hmâ, eke, me hnyok ae kahwa, eke, me bi hwaban! Haba hnyi ta je ûnyi hia öbun e hia but omanenʼ öbun bi ae ba anyibun hulo hnyi ûnyi eang.

II. Korinito 9:10

Ke haba at ame ham hatong ka at ame tā, me jeû hnân han, me e ame he ka ham me osehia wan hnobun hna tā, me ogânâ minya wan hwakecibun ae wisa:

Efeso 5:9

(anyin a haba wan melam, hwakecin ae so hia, ke hwakecin ae wisa me hnathu),

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

I. Thesalonika 2:7

Ke öhmun e menyik hnyi wanböbun, helâ me at ame ûasin ame hat lakon:

I. Timoteo 5:21

Inya oge me hûna wia köu hnyi hnyimakan Khong, me Keriso Iesu, me ta je angela adre ûca, ka habe, u me he ka tuö ta je ûnyi eang, ke ca he ka wâhmakhmeto, me bi hien ke at bi.

II. Timoteo 2:24

Ke ca ûcû bi athnyabainy Than he ka iwatretra, ke so e menyik hwakecin ka tavat hia thithö, me at ae khana ûne, me hokhnyok,

Tito 1:15

E kalaöt ta je ûnyi hia ka tavat ae kalaöt hnyok: ke haba tavat ae ikiki je hnyekudra me ca labageju, me hake ûnyi ae kalaöt kodra; anyin ae ikiki but je oûnykûmidra me anyidra minya ûnykûm sa.

Tito 3:2

me ca he ka haikongoâ bi ke at, ke ca iwatretra bi, ke so bi he ka ilimuk, me omanenâ hia hwakecin ae menyik ka tavat hia.

Heberu 12:11

Ke haba ta je hna nâ hia, me, adre me ca ûnykûme bi a hnân osenyinâ, ke hnân bi hlöuhlöu, ke hwaban e, ame kû thö wan hnahic wale hwakecin ae wisa kodra adre nʼ ödra hnen e.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Iakobo 2:4

hawa, öbun e ca oûnyihnatho ke at hon ke at, mʼ öbun hnyat owisa ae kong je ûnykûmenödra?

Iakobo 3:15

Haba metâ eang me ame ca o ûnyi ethö, ke hwen hmeledrany, me unyin, me demoni.

Iakobo 4:8

Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

I. Peteru 2:18

Lathnyaba lö, löng ju hoton latuhöbun me ot; ca hake ka tavat ae so me menyik, ke ka tavat minya ae hwahwacit.

I. Ioane 3:18

Je wanakat lö, ca he öta ka betenge thibi ge hofuc, me bohmen; ke so bi hnyi huliwa me hnathu.

I. Ioane 3:3

Ke haba ödra hia ae hu gadra geju eang, me, adre me okabi ödra bi, helâ më ae kap.