Iakobo 3:14 - Iaai Bible 1901 (New Caledonia)

¹⁴ Ke a ne hu gabun eû hnyi je hnyekubun ihuhnyi-nköu ae hiny me imouköu, me ca he bi ka hobelöu, ke ca thoi bi ka hofuc ae hnathu.

Iakobo 3:14 ပူးပေါင်းရင်းမြစ်များ

Genese 37:11

Ke ame hmönyin kâu latuhan; ke haba kamen ame ip ûnyi e hnyi ûnykûmânen.

Genese 38:9

Ke a wâ but Onana a ga me ca he ka mâtrâniny bi; me e ame laba ka momo âiân tuhan, kʼ ame hingâlâ ka hnyi kânâ wâ e nye bi mâtrâniny tahan.

II. Je Than 10:16

Ke haingen, ka habe, Ötu ma tha he, me u me he ka wâ tang hwegiök hobi kö Iehova. Me adre me olaba e hon kariota.

II. Je Than 10:31

Ke ame ca wâ wia Jehu he ka vheno hnanyibu anyi Iehova Khongu Isaraela, me hnyekon a khaca: e ame ca saû ûnyi hnyi ta je hulö anyi Jeroboama, wale ame okûâ je hwakecin ae khong anyin at Isaraela.

Jobu 5:2

Anyin a haba hmonyin ame hlingâ at ae monu, Ke haba ciâ ame hlingâ at ame hop.

Ta je Vejec 14:30

Haba hnyekon ae wisa me wale melen unyin: Ke haba ciâ me wale bobot ka ta je jö.

Ta je Vejec 27:4

Wathethot ame beovecâ, ke hmonyin ame bahihingölö; Ke ie at ame he ka tot hnyi hnyimakan

Isaia 11:13

Ke ame he ka hia ciâ anyi Eferaima, ke adre me he ka subâ degecâ tavat adre me oveci Juda: ame ca he Eferaima ka ciâ ga Juda, kʼ ame ca he Juda ka oveci Eferaima.

Habakuka 1:3

Anyin a ieû u je omanenâ kônya hulö, me wâ hwakecin ae hwali? ânyin a e hnyi hnyimakök hna söh me ûokonguny: ke e hu hna ivinö, ke adre me oâ iwatreta.

Mataio 27:18

Anyin ae khana but a gʼ adre hna e can ihuhnyinköu.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ta je huliwa 13:45

Haba at Juda adre me wâ tavat ae se hia, me adre me gan hmâ hmonyin, me ivinoâ ta je ûnyi ame ha Paulo, kʼ adre me fuc bi gan.

Ta je huliwa 26:9

E hnathu, haba ehac oge me ûnykûme a e ûcû könya he ka mâdrâ ta je ûnyi ae se he ka ûö bi ûnyi me iö Iesu At Nazareta.

Ta je huliwa 5:17

Me ame todrö at bihut ae nua, mʼ ödra hia a tha ödra mē, (wale hnyat hanen ta je Sadukaio), ke ödra unöngöt ge ihuhnyinköu,

Ta je huliwa 7:9

Ke haba je pateriaka ödrin e ûcû Josefa hnyi Aigupito can ödrin e hunyinyâ: ke e bi unyin Khong,

Roma 1:29

ke ödra unöngötö ge je hwakecin ae ca wisa bi, me hulo, me behnyekon, me beokongo; kʼ ödra unöngötö ge ibunyinköu, me ûhlingö, me iwatretra, me iyawo, me hnyok ae ti kong;

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

Roma 2:17

Ke a ne iâm bi ien at Juda, ke u me gejon hnanyibu, me hobeluâ Khong,

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

I. Korinito 13:4

Haba ibetengiö, me at ae lingvec, me menyik; e ca at ame ihunyinköu bi ibetengiö; e ca at ame hobelöu bi ibetengiö, kʼ ame ca bi gan bi,

I. Korinito 3:3

anyin a öbun tiga aten unyin: anyin a e unyibun ihunyinköu me iwatretra, hawa, ca aten unyin bi öbun, kʼ öbun e he helâ me hwakecin at bi?

I. Korinito 5:2

Ke öbun e bi gan, kʼ öbun e ca hlöuhlöu bi, mʼ adre me he ka obâ but ûnyi gabun at ame ânyâ ûnyi eling.

I. Korinito 5:6

E ca so anyibun hobeluâ. Hawa e ca khanʼ öbun a gʼ adre olevenâ tap falawa ae gan hnen leven ae ûhnyûkong?

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 5:15

Ke öbun e ne ûhûlû, me ûönöbunköu, ö ʼbun âu, wâ öbun nye he ka ûohiöbunköu.

Galatia 5:20

me hmi ka je hnatheat, me bi khong, me bi iwahnaihmiony, me iwatretra, me ihunyinköu, me wathethot, me imouköu, me khekhe lo, me vese,

Galatia 5:21

me behnyok, me ic monu, me imediaköu, me ta je ûnyi helâe: inya oge me haimemenâ köbun ge ta je ûnyi e, helâji me hnok hna haimemenâ ehac, ka habe, haba tavat adre me ânyâ helâe me adre me ca he ka bi hwajeköûdra hnyi dokhu dokhon Khong.

Galatia 5:26

Ca he öta ka weta lung baû, me ûhmönyinköu, me ihunyinköu.

Galatia 6:13

Anyin a haba tavat adre hia but peritomona, me adre me ca long bi hoton hnanyibu; ke wedra bi he ka operitomoni öbun, mʼ adre me he ka hobeluâ je unyibun.

Filipi 1:15

Ke haba keihen me adre me khetâ Keriso ûnyi hnyi ihunyi nköu me iwatretra; ke haba keihen, me ûnyi hnyi hnyok ae so:

Filipi 2:3

ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at;

I. Timoteo 2:4

wale at ame weny tavat hia thithö he ka möt, me he ka o ka hnyi hna wâhmakhmetoâ hnathu.

I. Timoteo 6:4

awe, e ame bi gan, ke ca khana bi ke ûnyi, ke e ame moko hna ivinö me iwatretra ge ta je hofuc, wale at ame okûâ ihunyinköu, me iwatretra, me ûjao, me ûnykûme monoâ,

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

Iakobo 3:16

Anyin a haba dok ae hu ihuhnyinköu me imouköu, wale dok ae hu hnyin imonumonuny me ta je huliwa hia thithö ae kong.

Iakobo 5:19

Hnyat me lakeiny mönya lö, a ne monu ke at ûnyi hnyi hnathu, kʼ ame ohmetuhmetoâ e hnen ke at;