Iakobo 3:1 - Iaai Bible 1901 (New Caledonia)

¹ HNYAT me lakeiny mönya lö, ca he ka se hia tavat ûne gabun, anyin ae khanʼ öta a gʼ ate me he ka hu hnaûhango ae gan.

Iakobo 3:1 ပူးပေါင်းရင်းမြစ်များ

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Malaki 2:12

Ame he Iehova ka subâ degecâ at ame ânyâ e, wale at ame tue me at ame thu, hnyi je uma mano umo Jekob, me at ame hudo hut kö Iehova tuhan sabaoth.

Mataio 10:24

E ca beönua at adre nâ hon at ûne, ke ca beönua athnyabainy hon tuhan.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 9:11

Ke haba ta je Faresaio ödrin e wâ, me ödrin e ha ka laten, ka habe, Ieû ge At ûne köbun ame tha han me ta je telona me tavat ae kong?

Luka 16:2

Ke e ame hawâ me ha kâu, ka habe, Ieû e oge me long gam? ha thö bongon hnâm hna tuö; anyin a u me ca he hmetu bi ka tuö.

Luka 6:37

Ca ûnykûme hwalö bi, mʼ adre me ca he ka ûnykûme hwali öbun: ca haimono, mʼ adre me ca he ka haimonu öbun: thang bâûâ mʼ adre me he ka thang bâûʼ öbun bi:

Ioane 3:10

Haba Iesu ame thu kâu, ka habe, Hawa, u at ûne hnyi Isaraela, ke u me ca wâ ûnykûme bi e?

Ta je huliwa 13:1

E HU ke je perofeta me hnyat ûne hnyi ekalesia Anetioka, wale Banaba, me Simeona ke ien minya Nigeru, me Lukio at Kurene, me Manaen a tha hat me Heroda than, me Saulo.

I. Korinito 12:28

Ke haba Khong ame otilâ keihen hnyi ekalesia, a bân ta je aposetolo, ke loiny ta je perofeta, ke kuniny tavat ûne, ke hwaban e, tavat huliwa ae man, me je bwihlanyiny hna omelö tavat ae hu mok, me tavat ûhadruo, me tavat ae metâ hnyi ûhnenamö, me ta je hwen hnyei.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Efeso 4:11

Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne;

I. Timoteo 1:7

ke wedra he ka ûnö hnanyibu, kʼ adre me ca wâ ûnykûme hnödra hna ha, me bongon ta je ûnyi adre me ha hwegiâ.

I. Timoteo 2:7

kʼ adre me ûco nya he ka khetâ e, ke hnân aposetolo (inya oge me ha hnathu oge me ca thoi), ke inya at ûne ka Aten ta je hnyei ka hnyi labageju me hnathu.

II. Timoteo 1:11

ke adre me ûco nya hnân at khetâ e, me hnân aposetolo me at ûne.

Heberu 13:17

Löng ju öbun hoton tavat adre me tuʼ öbun, me nom ju kodra; anyin adre me hmâkâ hobi kâu ta je hanubun, helâke hanyinödra he ka thu hmetu ge ta je monu; mʼ adre me he bi ka ânyâ e me senyin, ke ca bi me vec: anyin ae ba troban eling hobi köbun.

Iakobo 1:16

Ca monu öbun hnyat me lakeiny mönya a oûnykûmik.

Iakobo 1:19

Hnyat me lakeiny mönya a oûnykûmik lö, e khanʼ öbun dut e. Ke so e he tavat hia ka ie löng, me bec he ka fuc, me bec he ka hmonyin:

Iakobo 3:10

kʼ ame didrut ûnyi hnyi hnyimen a khaca hna haisoâ, me hnaûhango. Hnyat me lakeiny mönya lö, e ca ûcû he ka ânyâ ta je ûnyi helâe.

I. Peteru 5:3

ke ca he ka hwen thanâ je hanymöbun, ke so bi hamöbun he ka bi tulut ka hnahat mamoe.