Iakobo 2:9 - Iaai Bible 1901 (New Caledonia)

⁹ ke öbun e ne wâhmakhmeto tavat, me öbun e ânyâ ling monu, ke hwâdâ thö ge hnanyibu, a öbun hnyat hanyâûâ hnanyibu.

Iakobo 2:9 ပူးပေါင်းရင်းမြစ်များ

Levitiko 19:15

Ca he öbun ka ânyâ hwali hnyi owisa: u me ca he ka wâhmakhmetoâ at ae ba ta ûnyi, me ogânâ at ae tren omjeû: ke hamâm he ka owisa at ame laba hakekenyi u hnyi wisa.

Ioane 16:8

Ke haba e, e ka o but, e ame he ka ohmâkâ hmeledrany ge hwakecin ae kong, me hwakecin ae wisa, me hna owisa:

Ioane 8:46

Ia gabun ame he ka ohnathoâ a gʼ ame hu monu gak? Ke oge ne ha hnathu, ieû gabun öbun e ca labageju könya?

Ioane 8:9

Ke adre me long ut me adre me ve dididrut, hwân ge at a bân ke ne o but ge at a biliny: ke hake Iesu thiju, ke momo ame hake tot.

Ta je huliwa 10:34

Haba Peteru ame ba hofuc, ka habe, E hnathu oge me wâ ûnykûme a haba Khong ame ca wâhmakhmeto tavat:

Roma 3:20

anyin ae ca khana bi ke at he ka wisa hnyi hnyimakan ge ta je huliwainy hnanyibu: anyin ae manen dut hulo ge hnanyibu.

I. Korinito 14:24

Ke so bi adre ne perofeta hia; ke ame didro ke at ame ca labageju, ame ne ke at adre ca nâ, me ödra hia adre me nâ e, me ödra hia adre me owisa e:

Galatia 2:19

Anyin oge mok ut ka hnyi hnanyibu ûnyi ge hnanyibu, mʼ inye he ka möt bi ka Khong.

Deuteronomi 1:17

Ca he öbun ka wâhmakhmetoâ hnyi ûhnei; e so öbun e löng wia hofuc hwan at ae gan me at ae ûhnyûkong; ca he öbun ka ot hnyi hnyimakan at; anyin a ûnyi ge Khong hna owisa: ke haba ûnyi ae hmak köbun, öbun e he ka hom könya mʼinye löng dö.

I. Ioane 3:4

Haba ödra hia [adre me ânyâ hulo, me adre me hanyâûâ j hnanyibu: ke haba hna hanyâûâ hnanyibu, me wale hulo.

Juda 1:15

he ka bi hwaban ka tavat hia thithö, me he ka ohwâdâ ka tavat adre ca outen Khong, anyidra ta je huliwa ae ca ûcû ka Khong, waleji adre ânyâ me ca ot ka Khong, me ta je hofuc ae hwahwacit waleji a ha gan tavat ae kong adre me ca outen Khong.