Iakobo 2:6 - Iaai Bible 1901 (New Caledonia)

⁶ Ke öbun e oûnyûkongo ta je theduoc. Hawa, ame ca okongu öbun hnen tavat tren omjeû, kʼ adre me lili öbun ka hnyi taben owisa?

Iakobo 2:6 ပူးပေါင်းရင်းမြစ်များ

Jobu 20:19

Anyin a e ame hia but okongoâ me hna degecâ tavat ae theduoc; Kʼ ame hia but hûgûnâ uma a ca otilânen.

Salamo 10:10

E ame iyâû, me nom, Me ame ta but tavat adre ovecâ hnen anyin tavat ae hwege.

Salamo 10:14

U je hia but wâ e; anyin a u me wâ ûöveci me vec, he ka hom e hnyi hnyamâm: Ke haba at ae theduoc ame hna but e bi köu; U thibi at ame hadruâ nakahme.

Salamo 10:2

Adre me hwege hnu tavat ae theduoc hnen tavat ae kong ke bi gan; E so adre me nuc ödra hnen je bihihwakecin adre me ûnykûme.

Salamo 10:8

E ame laba tue hnyi je dok ae iyong hnyi je taun: E ame hlingâ tavat ae ba hnyikongon hnyi ta je dok ae nuong: Haba li emakan ame ecmâkâ tavat adre me okongoâ.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 14:6

Öbun e ohmehma ûhnenamö anyin tavat adre me vec, Anyin a Iehova bi hnen hna lubaduöng.

Ta je Vejec 14:31

Haba at ame ovecâ at ae theduoc me ame haikongoâ At a op e: He haba at ame betenge ge at ae theduoc, me ame ogânâ e.

Ta je Vejec 17:5

Haba at ame hiâ at ae theduoc, me ame haikongoâ At a Op e: Kʼ ame ca he bi ka ba hwaban ka at ame senyinâ ûokonguny.

Ta je Vejec 18:23

Ame ha hofuc ae menyik ge tavat ae theduoc: Ke hwege ifucin at ae tren omjeû.

Ta je Vejec 22:16

Haba at ame ovecâ at ae theduoc he ka osehia anyin bi ta je ûnyi, Ke at ame ham ka at ae tren omjeû me ödru me he ka ba ta ûnyi.

Ta je Vejec 22:7

Ame he at ae tren omjeû ka muso ta je theduoc, Kʼ ame he at ame më sumâtâ ka bi athnyabainy at ame më ham.

At Khet 5:8

U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 5:11

Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ.

Habakuka 3:14

U je dâoâ taben je aten vat gan ge dân bi je ö: Adre me utut helâ me höu he ka ovesei nya; Adre me senyin helâ ke at ame he ka han duöngâ at ae ba ta ûnyi.

Zakaria 7:10

ke ca ovecâ safac me nakahme, me atkanyua, me at ae theduoc; ke ca ûnykûme eû hnyi hnyok ûnyi ae kong ka ke at.

Ioane 8:49

Iesu ame thu, ka habe, E ba demoni gak; ke inya oge me ogânâ Kamök, ke öbun e ohnyikönö nya bi öbun.

Ta je huliwa 13:50

Ke haba at Juda adre me cubec omomo ae nua a hnyat outen Khong, ke hnyat ae hnathu hnyi taun he ka oveci Paulo me Banaba, me obʼ ödru ûnyi hnyi je hnyigöulödra.

Ta je huliwa 17:6

Ke adre me ca ō ʼdru, me adre me lili Jasona me ke je liamekeiny ka tavat muso taun, kʼ adre me fuc hwege, ka habe, Haba hnyat ang a tavat adre me omonumonoâ hmeledrany, me ödrin e o but minya eang;

Ta je huliwa 18:12

Ke hnyi ûen ame konesula hnyin Galiona hnyi Akaia, haba at Juda adre me tot kö Paulo hnyi hnyok a khaca, me lelo thö ka hnyi tahen owisa,

Ta je huliwa 8:3

Ke haba Saulo, e ame vekia okongoâ ekalesia, me dit ka hnyi ta je uma, me lelo but obaga me omomo, me ip ödra hnyi uma ceat.

I. Korinito 11:22

Hawa? e ba umöbun je uma he ka han me ic hnyin? ke hawa, öbun e oûnyibâûâ ekalesia anyin Khong, me ohmehma ta je theduoc? Ieû oge me he ka ha köbun? oge me he ka haisoi öbun hnyin e? Oge me ca haisoi öbun.

Iakobo 2:3

me öbun e wâhmakhmeto at ame khaû so, me ha kâu, ka habe, Laba ju eang hnyi dok ae so; ke haingöbun ka at ae theduoc, Tot ju u e, ame ne, Laba ju eang hmelen taben li cak;

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Iakobo 5:6

Öbun e hia but hangâ, öbun e hia but hlingâ at ae wisa; ke e ame ca hagutʼ öbun.