Iakobo 2:5 - Iaai Bible 1901 (New Caledonia)

⁵ Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Iakobo 2:5 ပူးပေါင်းရင်းမြစ်များ

I. Je Than 22:28

Ke haba Mikaia ame ha, ka habe, U je ne he ka o hmetu me hnahic, awe, a ca ha Iehova a deny inya. Me haingen, ka habe, Long ju öbun tavat hia thithö.

Jobu 34:10

Anyin a wale, ling nya ju, öbun tavat wâhmakhmeto: E so e ûsâkâûö hulo me Khong; Ke hwakecin ae kong me Ataekhanahia.

Jobu 34:19

Awe, hawa ge at ame ca wâhmakhmetoâ je than, Me ca oûnyihnatho at ae tren omjeû hon at ae theduoc; Anyin a huliwa anyin li hnyamen ödra hia.

Jobu 38:14

Adre wia e helâ me kânâ ae kece adre bi haten hnyin; Me ame manen dut ta je ûnyi helâ me ûkhaû:

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Ta je Vejec 13:7

E hu tavat adre me otreni ödra omjeû, me ba bi: Ke hu tavat adre me otheduoci ödra, me gan bi omjeû gadra.

Ta je Vejec 7:24

Ta je lakuk lö, ling nya ju walang ang, Ke tevehling ju ta je hofuc ûnyi hnyi hnyimök.

Ta je Vejec 8:32

Anyin a wale, lakuk lö ling nya ju walang ang: Anyin ae hnahic tavat adre me tuö dek ta je gethen.

Isaia 14:32

Ke ieû hnân thu ka je ûthumetuiny je hnyei? ame ha, ka habe, A hia but Iehova bi taben Ziona, ke ame he ta je aten adre me vec ka lubaduöng hnyin e.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Zakaria 11:11

Ke ame hmetru thö hnyi bong eling: ke e khana but hnahat mamoe ae vec ut, tavat adre me tevehlöng könya a wale hofuc ho Iehova.

Zakaria 11:7

Waleling me oge me han hnahat mamoe hnân hlingâ, a ta je mamoe ae ti kong hnyi hnahat. Ke oge me hom li uci; haba khaca oge me hwenyi ien, me Hmanenang, ke oge me hwenyi ien khaca, me Je wen; ke oge me han hnahat mamoe.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 5:3

Hnahic hnen tavat ae theduoc hanudrin, anyin a hobi kodra dökhu dokhon drany.

Mareko 7:14

Ke e ame hawâ hmetu tavat ae se hia, me ha kodra, ka habe, Ling nya ju öbun hia, me wâhmakhmeto:

Luka 12:21

E ûcû at ang me at ame ka ip tang omjeû hobi kâu e bi, ke ba bi tang omjehen unyin Khong.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Luka 16:22

Me ame mokcu at sumat, me ame hom dö e ta je angela ka hnyi ûlai Aberahama: ke ame mok minya ju at ae tren onjeû, me adre me konâm but.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 22:29

me oge me ham bi köbun dokhu, helâ me Kamök ame ham könya,

Luka 6:20

Haba e ame wâ hmâ laten kʼ ame ha, ka habe, Hnobun hnahic tavat ne theduoc, anyin a hobi köbun dokhu dokhon Khong.

Ioane 7:48

Hawa, e hu ke taben ame ne ke at Faresaio ame labageju kâu?

Ta je huliwa 7:2

Me e ame ha, ka habe, Hnyat me lakeiny me lakamök lö, long ju. Haba Khong ae hmanenang ame manen dut kö Aberahama a kamöta, waleji ke tiga e bi hnyi Mesopotamia, ke tiga ca laba bi hnyi Karan,

Roma 8:17

ke a ne lakon, me ame he ka je mâtrân bi; wale je mâtrâniny Khong, ke tha je mâtrân me Keriso: ate ne tha vec më, mate me be ka tha hmanenang mē.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

II. Korinito 4:15

Anyin a hobi köbun ta je ûnyi hia, me me se hia but ole hnân ogânâ Khong, hnen ibetengiö hna osehia hnen tavat ae se hia.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

II. Thesalonika. 1:5

wale haten ûhnei ae wisa anyin Khong; mʼ adre me haöûcû öbun ka hnyi dokhu dokhon Khong, wale öbun e vec minya can:

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;

II. Timoteo 4:18

Ke ame he Than ka omeli nya ûnyi hnyi ta je huliwa hia thithö ae kong, ke e ame he ka omeli nya ke ne o but ka hnyi dokhon dokhu ethö hnyi drany: e so adre me ogânâ e nyiele nyiele balua. Amen.

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Heberu 11:26

ke e ame ûnykûme a hing omjeû hnödra hna haikongoâ e can Keriso, hon ta je omjeûiny Aigupito: anyin a e ame wâ hmâ hing hwaban.

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 1:16

Ca monu öbun hnyat me lakeiny mönya a oûnykûmik.

Iakobo 1:19

Hnyat me lakeiny mönya a oûnykûmik lö, e khanʼ öbun dut e. Ke so e he tavat hia ka ie löng, me bec he ka fuc, me bec he ka hmonyin:

Iakobo 1:9

E so ame senyin liamekeiny ae theduoc hnyi hna ogörânyâ e:

I. Peteru 1:4

ka hnyi weûhûneny ame ca he bi ka bobot ke ba hnyikongon, kʼ ame ca aû but, wale adre me ip hnyi drany hnân hobi köbun,

II. Peteru 1:11

anyin a helâe adre me he ka ti hnʼ öbun he ka dit ka hnyi dokhu ame ca ba balua a dokhon Tuhöta At a omeli öta, a Iesu Keriso.

Hna Omanenâ 2:9

E khanö nya ânyâm ta je huliwa, me ânyâm theduoc (ke u me tren ta ûnyi), me bi gan anyin tavat adre me ha, a ödra tavat Juda, ke ba bi, ke sunago ödra a umo Satana.

Hna Omanenâ 21:7

Ame he ka hu ta je ûnyi e hnen at ame ton; me oge me he ka Khongon, ke e ame he ka nokuk.

Hna Omanenâ 3:18

anyin a wale oge me ha köu he ka ûco gak gol adre degec tiren hnyi meic, me u me tren ta ûnyi; me je ûkhaû ae hau, mʼ u me he ka khavâ, me me ca manen bi hmehma wale he thu a u: me bubunyin ecmak hnân botro kâu li emâkâm, me u me bwela but.

Owisa 9:7

Ke adre me thumetu Jotham, me e ame he me tot hon bucen Gerezim, me fuc goranyai me hongot me ba ködrin, ka habe, Ling nya ju öbun at Sekema, me me ling öbun bi Khong.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.