Iakobo 2:23 - Iaai Bible 1901 (New Caledonia)

²³ me ame hwâdâ thö hofuc adre sit, ka habe, Aberahama ame labageju ka Khong, me adre me hâiâ e kâu hnân hwakecin ae wisa; me adre me hwenyi ien e, ka habe, Ihuminy Khong.

Iakobo 2:23 ပူးပေါင်းရင်းမြစ်များ

Genese 15:6

Ke e ame labageju kö Iehova; ke e ame bi haten e kâu me hnân hwakecin ae wisa.

I. Je Than 4:5

me Azaria nöku Nathana, taben tavat tue; me Zabuda nöku Nathana, obotkong me at ame tha hnyok me than;

II. Man Ûlabainy Je Than. 20:7

Hawa Khonguhmun lö, ca u at ame obâ tavat adre me labā hnyei ang hnyi hnyimakan lakem a at Isaraela, me ham e ka mâtrâni Aberahama a hânâm nyiele balua?

Jobu 16:21

Me me he ka otilâ wisainy at hnyi hnyimakan Khong, Ke nokon at hnyi hnyimakan hanen!

Esodo 33:11

Ke Iehova ame fuc kö Mose ae ûcû hnyem, helâ me at ame ûhnenamö me waeny. Ke e ame he hmetu ka hnyi hna hunuma; ke kaba athnyabainy jia Josua noku Nuna, a bidröu, me ame ca he bi ûheny hnyin uma mano.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Mareko 12:10

Öbun e ca munyi aû hna sihnalimen, ka habe, Haba veto ame degec ge tavat bi uma, Me adre hia but ânyâ eling me hnân kopiny bahebet:

Mareko 15:27

Ke lo li at venöu adre me tha osatauroâ mē; ke at hnyi ke keihen a metâ, ke ke at hnyi ke keihen a me.

Luka 4:21

Me e ame hwân he ka ha kodra, ka habe, E hwâdâ but hna sihnalimen ang hnyi bong ang hnyi je hnyikönyöbun.

Ta je huliwa 1:16

Hnyat me lakeiny lö, e ûcû he ka ohwâdâ hna sihnalimen a hia but ha adrem Hanu Kap ge hnyimö Davita ga Juda, at ame su ödra ka köt Iesu.

Roma 11:2

A ca degec bi Khong lakeiny waleji e ame wâhmakhmeto ehac. Ke ca khanʼ öbun hna ha hnen tusi ga Elia? waleji e ame khöû ka Khong ge at Isaraela, ka habe,

Roma 9:17

Anyin a haingen hna sihnalimen kö Farao, ka habe, Can thibi eling oge me otilö u, me inye he ka omanenâ manik man ûnyi gam, me me lung iök bi hnyi hmeledrany hia.

Galatia 3:22

Ke haba hnyi hna sihnalimen adre hia but thelöng ta je ûnyi hia hnyi hmelen hulo, mʼ adre me he ka ham ka tavat labageju hna ha bânâ ûnyi hnyi labageju kö Iesu Keriso.

Galatia 3:6

Helâ me Aberahama ame labageju ka Khong, me adre me hâiâ e kâu me hwakecin ae wisa.

II. Timoteo 3:16

Haba ta je hna sihnalimen hia ûnyi ge hanon Khong, rae ûcû minya hnân he ka ûne, me hnân owisa, me hnân nâ, me hnân sihwege hnyi hwakecin ae wisa:

Iakobo 2:24

Awe, öbun e wâ but a gʼ adre me haiwisa at hnen ta je huliwa, ke ca hnen thibi labageju.

I. Peteru 2:6

Anyin adre me ha hnyi hna sihnalimen, ka habe, Wâ bi, inya oge me ip hnyi Ziona veto hnân kopiny adre ûca, ke gan hmâ hwaban: Ke ame ca he ka hmehma at ame labageju kâu.