Iakobo 2:19 - Iaai Bible 1901 (New Caledonia)

¹⁹ U me kap, ka habe, Khaca thibi Khong; e so e: je demoni minya adre me kap me öbubuny.

Iakobo 2:19 ပူးပေါင်းရင်းမြစ်များ

Isaia 43:10

Öbun tavat ohnathu nya, haingö Iehova, ke athnyabaik waleji oge me ûca: me me khanʼ öbun me labageju könya, me wâ ûnykûme a inya thibi; e ba ke Khong a ban ke bilik bi, ke haba khaca, me ba ke at hnyi hwabök.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 45:6

me me khanʼ ödra hwân hnyi hna o hnen seûno, me ûnyi jimeû, ae ba ju ke at, ke hake inya thibi: inya Iehova ke ba ju ke at.

Isaia 46:9

Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Jona 4:4

Haba Iehova ame ha könya, ka habe, Hawa, u ûcû he ka hmonyin?

Jona 4:9

Haba Khong ame ha kö Jona, ka habe, Hawa, u ûcû he ka hmonyin ge iogum? Me e ame thu, ka habe, Iny ûcû he ka hmonyin ke ne o but mok.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Mataio 8:29

Ke wâ bi ödru me kuku goranyai, me ha, ka habe, Ieû gam köhmu Iesu a Nokon Khong? u je o but ang he ka oveci ohmu, ke tiga ca ûen bi?

Mareko 1:24

Iesu at Nazereta lö, ieû gam kohmun? hawa, u je o he ka ohiʼ ohmun? inya oge me wâhmakhmeto u, a u At ae Kap anyin Khong.

Mareko 12:29

Iesu ame thu, ka habe, Walang at a bân, ka habe, Isaraela lö, long ju, Haba Than a Khonguta, e thibi Than a khaca:

Mareko 5:7

me fuc ae gan hwan, ka habe, Ieû gam könya Iesu a Nokon Khong ae beönua? Inya oge me khöû köu ûnyi hnyi ien Khong, u ma ca oveci nya.

Mareko 7:9

Haingen ame ha kodra, ka habe, Öbun hwege ka degec ut hnanyibu anyin Khong, mʼ öbun e he ka vheno hnobun je hna ûne.

Luka 4:34

E, Iesu at Nazareta lö, u me hö e kohmun? u je o but he ka ohiʼ ohmun? inya oge me wâhmakhmetu u a u At ae Kap anyin Khong.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ta je huliwa 16:17

Kʼ ame he hotu Paulo hlu eling, me ohmun, kʼ ame ha hwegiâ, ka habe, Lathnyabainy Khong ae beönua hnyat ang, tavat adre me haimemenâ köbun gethen deny möt.

Ta je huliwa 19:15

Me ame thu ködrin hnen hanu ae kong, ka habe, E khanö nya Iesu, ke khanö nya minya Paulo; ke öbun ie je hnyat?

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Roma 3:30

awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju.

I. Korinito 8:4

Haba ge hna an ta je ûnyi adre hudo ka ta je hnatheat, e khanʼ öta ae ûnyi baû eang hmeledrany hnatheat, ke ba minya ju ke Khong, ke khaca thibi.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Galatia 3:20

Ke haba at ame oûsoköuâ me ca hnân hobi kâu at a khaca; ke haba Khong me khaca thibi.

Deuteronomi 6:4

Isaraela lö, löng ju: haba Iehova Khonguta, me Iehova a khaca;

I. Timoteo 2:5

Anyin a khaca thibi Khong, ke khaca thibi at ame khöûâ tavat ka Khong, a ka at bi, wale Keriso Iesu,

Iakobo 2:8

Ke so bi öbun e ne löng hoton hnanyibu ae beönua, helâ me hna sihnalimen, ka habe, U me be ka betenge ge at ame laba hakekenyi u helâ me u bi, mʼ öbun e ânyâ ling so:

Juda 1:4

Anyin ame dit duöug keihen, a hnyat adre ip ehac hnân hobi kâu hnaûhango eang, hnyat adre me ca outen Khong, kʼ adre me wia ibetengiö baû anyin Khong ka hnyi hwakecin ae ikiki, kʼ adre me ivinöâ Tuhöta a khaca a Than Iesu Keriso.

Juda 1:6

Ke haba ta je angela waleji adre me ca tethmâ hnyi hanymödra ae gan hmâ, ke adre me hna degecâ hing hnyabadra, me e ame hia but cʼ ödra hnyi menekholom a nyiele balua ke ne o but bong owisa a bong ae gan.

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.