Iakobo 2:13 - Iaai Bible 1901 (New Caledonia)

¹³ Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Iakobo 2:13 ပူးပေါင်းရင်းမြစ်များ

Genese 42:21

Ke ödrin e tha ûhnenamö, ka habe, E hnathu jönitin keitin anyin a ötin e wâ thö vecin hnyekon e, waleji e ame khöû kötin kʼ ötin e ca löng bi; waleling me me o but kötin vec eang.

II. Man Ûlabainy Je Than. 28:11

Ke walang ang, ling nya ju, me hna hmetu but je bâ waleji öbun e hom ge je liamekeiny möbun: anyin a e but hubun hmonyin ae gan anyi Iehova.

Salamo 18:25

U me he ka betenge ka at ame betenge; U me he ka wisa ka at ae wisa;

Salamo 85:10

A ûkhanö thö ibetengiö me hnathu; A ûcimhnyimak dö wisa me ûsoköu.

Ta je Vejec 21:13

Haba at ame hlöng hnyikonyen ge ûtengien at ae theduoc, Me ame he bi ka tenge ke adre me ca he ka long kâu.

Ta je Vejec 22:16

Haba at ame ovecâ at ae theduoc he ka osehia anyin bi ta je ûnyi, Ke at ame ham ka at ae tren omjeû me ödru me he ka ba ta ûnyi.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Jeremia 9:24

ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mataio 5:7

Hnahic hnen tavat adre me betenge: anyin adre me he bi ka betenge kodra.

Mataio 6:15

Ke öbun e ne ca thang ut ge tavat hnödra je hna hanyâûâ, me ame ca he bi Kamöbun ethö hnyi drany ka thang ut hnobun je hna hanyâûâ.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 6:37

Ca ûnykûme hwalö bi, mʼ adre me ca he ka ûnykûme hwali öbun: ca haimono, mʼ adre me ca he ka haimonu öbun: thang bâûâ mʼ adre me he ka thang bâûʼ öbun bi:

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Owisa 1:7

Ke Adoni-bezek ame ha, ka habe, Odrin sevente je than adre subâ je bahnyökveto me li bacan ae gan gadrin, odrin e hlo je atmen hmelen anyik laulau: ke haba Khong ame bi hwaban könya helâ me hnok hna ânyâ. Ke odrin e hom e Jerusalema ai, me e ame mokcu eling.

Owisa 5:27

Hnyi li can e ame nom, me ta, me mokut; Hnyi li can e ame nom, me ta, Hnyi hnen hna nom, wale e ame ta a mokcu.