Iakobo 1:27 - Iaai Bible 1901 (New Caledonia)

²⁷ Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

Iakobo 1:27 ပူးပေါင်းရင်းမြစ်များ

Salamo 119:1

HNAHIC hnen tavat adre me fofâ hnyi gethen, Tavat adre me vheno hnanyibu anyi Iehova.

Salamo 146:9

Iehova ame tuö ta je atkanyua; E ame cö je nakahme, me je safac; Ke e ame ohnyimenâ hnyikânâi gethen; deny tavat ae kong.

Salamo 68:5

Haba Khong hnyi hnyaban ae kap, E thibi kamen ta je nakahme, me at owisa ka ta je safac.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Mataio 12:32

Ke haba at ame he ka haikongoâ Nokon at, me adre me he ka hna degecâ e; ke haba at ame he ka haikongoâ Hanu Kap, me adre me ca he ka thang degecâ e hnyi möt ang, ke ba minya hnyi möt ame he ka o.

Mataio 5:8

Hnahic hnen tavat ae kalaöt hnyekudra, anyin adre me he ka wâ Khong.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Roma 2:13

anyin ae ca wisa hnyi hnyimakan Khong tavat adre me long hnanyibu ge hnyiköny, ke adre me he ka haiwisa tavat adre me long hoton hnanyibu:

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

Galatia 3:11

Ke e manen ae ba at adre me haiwisa hnyi hnyimakan Khong ûnyi ge hnanyibu: anyin, Ame he ka möt at ae wisa hwakecin ûnyi hnyi labageju;

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Galatia 6:14

Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Deuteronomi 14:29

kʼ ame he ka hnyi han unyâm at Levi, anyin ae ba hwajekhon me iny unyâm, me atkanyua, me nakahme, me safac, a tavat hnyi je hnyabam me me sekudrin; me me he Iehova Khongom ka ohnahici u hnyi ta je huliwa anyin hnyamâm u me ânyâ.

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

I. Timoteo 5:4

Ke a ne ke safac ae hu lakon, ke ame ne laöbiny, me so ödrin e mö nâ he ka ânyâ hwakecin ae so hnyi hnyabadrin bi, me bi troban ka lakamödrin me lahinyödra: anyin a wale ûnyi ae so hnyi hnyimakan Khong.

Tito 2:12

ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

Iakobo 3:9

Ate me haisoâ Khong a Kamen hnen e; ke hnen e minya ate me hangâ at, wale adre me op e me we Khong:

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

II. Peteru 1:4

ke can thibi e, e ame ham köta ta je hna ha bânâ ae ûnyi hnathu me gan hmâ hmonyin; mʼ öbun e he ka hnyi vheno hwakecin Khong, hnen e, öbun tavat kec ge hwakecin ae kong eang hmeledrany ûnyi ge weny Khong.

II. Peteru 2:20

Anyin adre ne hia but kec ûnyi hnyi ta je ûnyi ae kong hnyi hmeledrany ûnyi ge hnödra hna wâhmakhmetoâ Than At ûhomeli a Iesu Keriso, ke adre me vhet hmetu hnyin me hom ûhnyûkongo, awe, e kong obiny hynat eling hon can.

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.