Iakobo 1:19 - Iaai Bible 1901 (New Caledonia)

¹⁹ Hnyat me lakeiny mönya a oûnykûmik lö, e khanʼ öbun dut e. Ke so e he tavat hia ka ie löng, me bec he ka fuc, me bec he ka hmonyin:

Iakobo 1:19 ပူးပေါင်းရင်းမြစ်များ

Nehemia 8:18

Me e ame aû tusi hnanyibu anyin Khong hnyi ke bong me ke bong, hwân hnyi bong a bân ke ne o but hnyi bong a biliny. Me ödrin e tuö bijeû hnyi je bong a seven; ke haba hnyi bong a eitiny e hu ûkhacaköu ae ûnyi hnathu, hoton hna hûna.

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Nehemia 9:3

Ke ödrin e todrö hnyi je hnödrin, me aû tusi hnanyibu anyi Iehova Khongudrin hnyi ke keihen a vakiny bong; ke haba hnyi ke ke keihen ödrin e omanenö hulo, me khudrung kö Iehova Khongudrin.

Jobu 32:16

Hawa, oge me he ka halubahingen anyin a ödrin e ca fuc bi, Anyin a ödrin e tot me ca fuc hmetu?

Ta je Vejec 10:19

E ka se hia hofuc, me ca ba hulo: Ke metâ at ame noc bohmen.

Ta je Vejec 13:3

Haba at ame tuö hnyimen, me ame tuö bi anyin möt. Ke haba at ame fuc gânâ me ame he ka hu hnaûhango.

Ta je Vejec 14:17

Haba at ame ie hmonyin, me ame he ka ânyâ monu. Ke adre me hûkotiâ at bihihwakecin ae kong.

Ta je Vejec 14:29

Haba at ae bec he ka hmonyin, me gan hmâ wâhmakhmeto: Ke haba at ame ie hmonyin, me ame ogânâ hwen monu.

Ta je Vejec 15:18

Haba at ae hmonyin, me ame ohuâ iwatretra: Ke haba at ae bec he ka hmonyin, me ame thawâ ivino.

Ta je Vejec 15:2

Haba bohmen at ae metâ me ame ha wisa ge wâhmakhmeto: Ke haba hnyimen tavat ae monu, me ame hingâlâ hwen monu.

Ta je Vejec 16:32

E nua at ame bec he ka hmonyin, hon at ae hwege; Ke nua at ame muso hnyekon hon at ame hûgûnâ taun.

Ta je Vejec 17:14

Haba hwân iwatretra, me helâ me adre si deny köiö: Anyin a wale degec ut ivino, ka tiga ca kû wathethot.

Ta je Vejec 17:27

Haba at ame takoû hwan ta je hofuc, me ame wâhmakhmeto: Ke haba at ae menyik hnyekon, me at ame wâ ûnykûme.

Ta je Vejec 18:13

Haba at ame thu ka hofuc, ke tiga ca long wia, Me wale anyin monu bi, me hnân hmehma.

Ta je Vejec 18:21

Haba mok me möt, me ame muso hnen bohmen; Ke haba tavat adre me betenge gan, me adre me he ka an wan.

Ta je Vejec 19:11

Haba hna wâ wia hnen at, me ame obecâ anyin hmonyin; Ke hnân ohmanenangâ e, he ka onuâ hna hanyâûâ,

Ta je Vejec 19:19

Ame he ka hu hwaban ka at ae gan wathethot: Anyin a u je ne omelo e, me hamâm he ka ânyâ hmeto bala.

Ta je Vejec 21:23

Haba at ame tuö hnyimen me bohmen, Me ame ka tuö e bi ge vec.

Ta je Vejec 25:28

Haba at ame ca muso hnyekon bi, Wale helâ me taun adre me hagutâ hnyikânâi he ba hak vetoiny.

Ta je Vejec 29:20

U je wâ but at ame fuc bebehû? E so geju ka at ae monu hon momo eling.

Numera 22:27

Ke a wâ but asina hnen angela anyi Iehova, me e ame ta but me Balaama: me ame ubâhlâ thö hmönyin anyi Balaama me e ame kot asina ge anyin uci.

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Mareko 12:37

Haba Davita ame hawâ e me Than; ke ame he ka kâmâu ka nokon bi? Me haba tavat ae se hia adre me long kâu me adre me senyin.

Mareko 2:2

Me ame ûkhacaköu thö tavat ae se hia, me me hnek dö ke ne o but hnyi hwanuma: me e ame ha hofuc kodra.

Luka 15:1

AME hakekeny dö kâu ta je telona me tavat hia ae monu, he ka long kâu.

Luka 19:48

ke adre me ca wâ ke ûnyi he ka ânyâ; anyin ame belöng kâu tavat hia thithö.

Ta je huliwa 1:15

Haba hnyi ûen eling, Peteru ame tot hnyi wanben je liamekeiny (haba ûseidra eling me helâke me wan haded ke twente) ke ame ha, ka habe,

Ta je huliwa 10:33

Anyin a wale oge me ie ûkhûnöng köu; ke so anyin a u but ang, a u je o thö. Anyin a wale ohmun hia but ang hnyi hnyimakan Khong, he ka long ta je ûnyi hia ame he Than ka hûna köu.

Ta je huliwa 13:48

Ame long e hnen Aten ta je hnyei, me adre me senyin me ogânâ hofuc hwan Khong: me ame labageju hnen tavat hia adre me hawâ ka hnyi möt ame ca ba balua.

Ta je huliwa 17:11

Ke beönua hwakecin ae so ge tavat ang hon at Thesalonika, anyin adre me kap hofuc ge je hnyekudra ke wedra, kʼ adre me elâm je hna sihnalimen hnyi je bong, he ka wâ hnathuiny ta je unyi e.

Ta je huliwa 2:42

Ke adre me tethmâ hnyi hna ûne hnen je aposetolo, me tha hnyok, me susubâ areto me hic.

Efeso 4:26

Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin:

Efeso 4:31

Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia:

Kolose 3:15

Ke so ame he ûsoköu anyin Keriso ka muso je hnyekubun, waleji adre hawʼ öbun ka hnyin hnyi unyin a khaca: ke oleâ bala ju öbun.

Kolose 3:8

Ke walang ang degec ut gabun ta je ûnyi eang, wale hmonyin, me wathethot, me hnyok ae kong, me û, me hofuc ûjao ûnyi hnyi je hnyimöbun;

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

Iakobo 1:16

Ca monu öbun hnyat me lakeiny mönya a oûnykûmik.

Iakobo 1:2

Hnyat me lakeiny mönya lö, e so öbun e he ka ûnykûme a hnân senyin gan hmâ e ka o köbun ta je ûcûbic ae ve bongon;

Iakobo 1:26

A ne hu ke at ame ûnykûme a e ame hmi, ke e ame ca noc bi bohmen ke e ame omonoâ hnyekon bi, awe, haba hmi anyin at e, me ûnyi baû bi.

Iakobo 2:1

HNYAT me lakeiny mönya lö, ca he öbun ka wâhmakhmeto at hnyi hna hom labageju anyin Tuhöta Iesu Keriso, a Tuhan hmanenang.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Iakobo 3:10

kʼ ame didrut ûnyi hnyi hnyimen a khaca hna haisoâ, me hnaûhango. Hnyat me lakeiny mönya lö, e ca ûcû he ka ânyâ ta je ûnyi helâe.

Iakobo 4:11

Hnyat me lakeiny lö, ca ûbaiöbunköu. Haba at ame hâiâ liamekeiny, me ûnykûme liamekeiny më, e ame hâiâ hnanyibu, me ûnykûme hnanyibu: ke u je ne ûnykûme hnanyibu mʼ u ca at bi ame löng hoton hnanyibu, ke at bi ame ûnykûme.

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.

Iakobo 5:19

Hnyat me lakeiny mönya lö, a ne monu ke at ûnyi hnyi hnathu, kʼ ame ohmetuhmetoâ e hnen ke at;

I. Ioane 2:21

Oge me ca sihnalimen köbun anyin ae ca khanʼ öbun ûnyi ae hnathu, ke so bi, anyin ae khanʼ öbun e, ke anyin ame ca o thoi ûnyi hnyi hnathu.