Iakobo 1:17 - Iaai Bible 1901 (New Caledonia)

¹⁷ Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

Iakobo 1:17 ပူးပေါင်းရင်းမြစ်များ

Genese 41:16

Ke Josefa ame thu kö Farao, ka habe, E ca khanö nya: ke ame he Khong ka thu kö Farao ûnyi ae so.

I. Man Ûlabainy Je Than. 22:12

E na he ju Iehova ka ham köu metâ me wâhmakhmeto, me hûna köu ge at Isaraela; me u me he ka tuö hnanyibu anyi Iehova Khongom.

I. Man Ûlabainy Je Than. 29:19

ke ham kö Solomona a nokuk hnyok ae bekhot, he ka tuö hnâm je hna hûna, me hna ohnathoâ, me hnâm je hnanyibu, me he ka ânyâ ta je ûnyi hia eling, me otilâ uma, wale oge me penapena kâu.

Salamo 102:27

Ke tha ûcû bala bi hwakecâm, Ke ba obiny ta je hunaiâm;

Salamo 122:6

Hic ju, me me hnahic Jerusalema: Ame he ka hu sot ka tavat adre me hnyok köu.

Salamo 136:7

Kâu at ame op ta je melam ae gan hmâ: Anyin a nyiele balua anyin ibetengiö.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 85:12

Eke, Iehova ame he ka ham ûnyi ae so; Kʼ ame he ita hnyei ka widrany.

Ta je Vejec 2:6

Anyin a Iehova ame ham metâ; Ke ûnyi hnyi hnyimen ame o wâhmakhmeto me wâ ûnykûme:

Isaia 28:26

Anyin a Khongon ame ometâ e hoton wisa, me nâ e.

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Isaia 46:10

at ame haimemenâ obiny ûnyi hnyi can, ke ame ha ehac ta je ûnyi a ödra, tiga ca ânyâ bi; kʼ ame ha, ka habe, Ame he ka tethmâ anyik musi, ke oge me he bi nya ka ânyâ hia wek:

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Numera 11:17

Ke oge me he ka utut me ûhnenamö eling mou: ke oge me he ka hom ke keihen hanu unyâm me ip hudrin; mʼ ödrin e he ka tha vadren mou tavat a ûnyi ae hmak, me u me ca he ka hake vadren.

Numera 11:25

Ke ame utut Iehova hnyin ûlâ, me fuc kâu, me hom ke keihen hanu unyin me ip hon wahingat a sevente: ke a mokut hanu hudrin, me ödrin e perofeta, ke ödrin e ca ânyâ hmetu helâe.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 7:11

Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 3:27

Haba Ioane ame thu kâu, ka habe, E ca khana at he ka kap ke ûnyi, adre ne ca ham bi kâu ûnyi hnyi drany.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

I. Korinito 4:7

Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham?

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 3:15

Haba metâ eang me ame ca o ûnyi ethö, ke hwen hmeledrany, me unyin, me demoni.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

I. Ioane 1:5

Ke walang ûthumetu öhmun e hia but löng ûnyi gan, me haimemenâ köbun, ka habe, Khong thibi melam, ke ba ju ke ong lit unyin.

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.

Hna Omanenâ 22:5

Ke ame ca he hmetu ka lit; ke ca ûnyi hnathu bi kodra lamepa, me melaminy seûno; anyin a he Than a Khong ka melamidra: ke adre me he ka musi nyiele nyiele balua.

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.