Iakobo 1:14 - Iaai Bible 1901 (New Caledonia)

¹⁴ ke adre me ve cubec tavat, a gʼ adre lili Ödra hnen je wedra bi ae kong, me iyawâ.

Iakobo 1:14 ပူးပေါင်းရင်းမြစ်များ

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

II. Samuela 11:4

Ke Davita ame kunâ je ûthumetu me hom e; ke e ame he kâu, me e ame tha mokut mē; (anyin ae bo so but ûheny hnyi hna bo kong;) me e ame hmetu ka hnyi umen uma.

Jobu 31:27

Kʼ adre omono duöngâ hnyekuk, Kʼ ame ne ûcimhnyimak me hnyamok:

Jobu 31:9

A ne hia but iyawâ hnyekuk hnen ke momo, Ke oge ne hia but tuö hnyi hwanumen ke at:

Ta je Vejec 4:23

Ti tuö wia ju hnyekom; Anyin ame o but möt ûnyi e.

Isaia 44:20

E ame han dröu: kʼ ame omono e ge hnyok adre iyawö, me me ca khana he ka omelo hanon me ha, ka habe, Hawa, e ba thoi hnyi hnyam a metök?

Hosea 13:9

Isaraela lö, walang hna hangö u, a gʼ ame ve u mönya, at hadruo u.

Mataio 15:18

Ke haba ta je ûnyi ame didrut ûnyi hnyi hnyem, me ame he but ûheny hnyi hnyok; me wale ame oikikiâ at.

Mataio 15:20

wale ta je ûnyi ame oikikiâ at: ke haba he ka han kʼ adre ca hinyem, me ame ca he ka okongoâ at.

Mataio 4:1

KE haba Hanu ame hum Iesu ka hnyi hnyebuba, e me he diabolo he ka cubec e.

Mataio 5:28

ke inya bi oge me ha köbun, ka habe, haba at ame wâ hmâ âiân ke at me behnyekon e, me a hia but bi ûnyi monu mē eû hnyi hnyekon.

Roma 7:11

anyin a haba hulo, ame heleû ûen, me ame iyawo nya hnyi hnanyibu, me hlingö nya ûnyi gan.

Roma 7:13

Hawa, hnân mekiny könya ûnyi ae so? Ohe, ke haba hulo, me me manen dut a e hulo bi, ame okûâ mok könya hnen ûnyi ae so:— me me ti kong gan hmâ hulo hnen hnanyibu.

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Heberu 3:13

ke ûsihwegi öbun köu ju hnyi ke bong me ke bong, kʼ adre tiga ha bi, ka habe, Hnyi bong ang; wâ e nye okhötâ hnyekon keihen gabun ge tang iya-wöiny hulo:

Iakobo 1:13

Ca he ke at ka ha, at ka cubecâ e, ka habe, adre cubic nya ûnyi ge Khong: anyin e pason he ka cubec Khong ge ûnyi ae kong, ke e ame ca cubec minya ke at:

Iakobo 1:15

Ke e ka erkin dut weny ae kong me ame hnokoâ but hulo: ke e ka at hnathu but hulo me e ame hnokoâ but mok.