Iakobo 1:12 - Iaai Bible 1901 (New Caledonia)

¹² Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 1:12 ပူးပေါင်းရင်းမြစ်များ

Genese 22:1

KE hwaban ta je ûnyi e, haba Khong ame cubic Aberahama, me ha kâu, ka habe, Aberahama lö; me e ame thu, ka habe, Inya ang.

Nehemia 1:5

me ha, ka habe, Inya oge me khöû köu, Iehova, Khongon drany, Khong ae gan hmâ me hnân outen, at ame tuö ûhihinyköu me ibetengiö ködrin tavat adre me hnyok kâu me tuö anyin je hnanyibu:

Jobu 2:10

Me haingen ka momo, ka habe, E ûcû ifucâm me ifucin ke momo ae monu. Hawa? ate me he ka kap so ûnyi ge Khong, ke ate me ca he minya bi he ka kap ûnyi ae kong? Haba hnyi ta je ûnyi hia thithö eling a ca monu bi Jobu hnen li esongodiny.

Jobu 5:17

Wâ bi, e hnahic at Khong ame nâ; Anyin a wale, u ma ca höciâ hna nâ hnen Ataekhanahia.

Salamo 11:5

Iehova ame cubec at ae wisa: Ke e ame hûkotiâ at ae kong, me at ame beûokonguny eû hnyi hnyekon.

Salamo 119:67

Oge me he monu waleji hnyi ûen a iny tiga ca vec; Ke walang ang inya oge me vheno hwâm hofuc.

Salamo 119:71

E hu soik ûnyi hnyi hna oveci nya; Me inye he ka nâ ânyâm ta je hnanyibu.

Salamo 119:75

Iehova lö, e khanö nya but ae wisa hnâm ta je hna owisa. Me u je hia but oveci nya hnyi hnathu.

Salamo 5:11

Ke so ame he ka senyin tavat hia adre me labageju köu, E so adre me he bala ka hongot senyin, anyin a u thibi at ame sing ödra: E so ame he ka senyin köu minya tavat adre me hnyokâ iâm.

Salamo 94:12

Ja lö, hnahic hnen at u je osoâ, Me nâ e ûnyi hnyi ânyâm hnanyibu;

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Ta je Vejec 17:3

Hnân leû sileva öt, ke hnân leû gol meic: Ke Iehova bi at ame cubec ta je hnyok.

Isaia 64:4

Anyin a haba hwân kâû adrem, ame ca löng bi hnen tavat, me ca tevehlöng bi, ke ame ca wâ hnen ecmak ke Khong, ke hake u ke thibi, at ame huliwa kodra adre me halubahingen e.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Roma 5:4

ke haba hokhnyok ame okûâ wâhmakhmetoâ; ke haba wâhmakhmeto ame okûâ gejon:

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

I. Korinito 8:3

a ne ke at ame hnyokâ Khong, awe, e ame wâ ûnykûme at eling.

I. Korinito 9:25

Ame hokhnyokâ ta je ûnyi hia thithö hnen tavat adre me ve bi tudra hnyi je mat. Adre me ânyâ mʼ adre me he ka hu gadra korona ae bobot; ke haba öta me ame he ka hu gata korona ae ca bobot.

Deuteronomi 13:3

awe, u me ca he ka löng hofuc hwan at eling, ame ne perofeta, kʼ ame ne at bwi: anyin a Iehova Khongubun ame cubic öbun he ka wâ öbun e ne hnyok kö Iehova Khongubun ge hnyekubun ae bekhöt, me hanubun ae bekhöt.

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

II. Timoteo 2:15

Hwege thö, me u me ka omanenö u bi a gʼ ame kap soi u Khong, mʼ u at huliwa ae ba hnân ohmehma, at ame huliwa wia hofuc ae hnathu.

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Heberu 10:32

Ke ûnykûme thʼ öbun je bong eji a bân, wale hwaban hna omelami öbun, mʼ öbun e hokhnyokâ ju vat ae gan hmâ a ta je vec;

Heberu 11:17

Hnen labageju Aberahama ame hudi Isaaka, hnyi hna cubec e: eke, waleji at ame hia but kap senyinâ ta je hna ha bânâ, e ame hudo nokon a khaca;

Heberu 12:5

ke öbun e hnying ut hna ûne wale ame ùsabö mʼ öbun helâ me je lakon, ka habe, Nökuk lö, ca oûnyibâûâ hna nâ hnen Than, Ke ca monumonu bi, e ka thawo u;

Heberu 6:15

Ke hwaban hnen hna hok hnyok me ame hu gan hna ha bânâ.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Iakobo 5:11

Wâ bi, ate me ûnykûme hnödra hnahic adre me hokhnyok: öbun e hia but löng ge hokhnyok anyi Jobu, ke öbun e hia but wâ hna bi obiny Than, a gʼ ame seōn Than, kʼ ame betenge gan hmâ.

I. Peteru 3:14

Ke öbun e ne vec can hwakecin ae wisa, hnobun hnahic: ke ca ot bi ge hnödra hna ootâ, ke ca hlohlo bi;

I. Peteru 4:13

ke so bi senyin dʼ öbun anyin öbun e tha hom vec me Keriso; mʼ öbun e be ka senyin gan hmâ e ka manen dut anyin hmanenang.

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.

I. Peteru 5:10

Ke haba Khong hwecin ibetengiö baû hia, wale ame hawʼ öbun ka hnyi anyin hmanenang ame ca ba balua unyin Keriso, öbun ka um dö vec hnyi ûen ae okhulit, me wale at ame he ka obekhöti öbun, me otethmʼ öbun, me ohwegi öbun.

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.

I. Ioane 4:19

Ate me betenge, anyin a e ame bân ka betenge gata.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 3:19

Oge me nâ me kot tavat oge me betenge gadra: anyin a wale, hwege thʼ öbun me ietra ju.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.