Iakobo 1:10 - Iaai Bible 1901 (New Caledonia)

¹⁰ ke so ka at tren omjeû he ka senyin hnyi hna ohnyikânâ e: anyin a e ame he ka hia helâ me vongon hnaonying.

Iakobo 1:10 ပူးပေါင်းရင်းမြစ်များ

Jobu 14:2

E ame o but helâ me vongon, me adre me subâ but: E ame he helâ me hmenon, kʼ ame ca tethmâ bi.

Salamo 102:11

Haba bonguk ta je bong me helâ me hmenu ae beû; Ke iny meleca helâ me hnaonying.

Salamo 103:15

Haba at, helâ me hnaonying bongon je bong; Ke e ame kû so helâ me hnyot ame vhong.

Salamo 37:2

Anyin adre me he ka ie subâ degeci ödra helâ me hnaonying, Me meleca helâ me hnyot ae hât.

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

Isaia 40:6

Ifucin ke at ame ha, ka habe, Hongot dö. Ke haingen ke at, ka habe, Oge me he ka hongoti ieû? Hna önying tavat hia thithö, ke helâ me vongon hnyot hmanenanginy:

Isaia 40:7

ame meleca hna önying, ke ame kolu vongon; anyin ame tûâ hon e homenö Iehova: e hnathu a hna önying tavat.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Mataio 5:3

Hnahic hnen tavat ae theduoc hanudrin, anyin a hobi kodra dökhu dokhon drany.

Mataio 6:30

Ke a ne khavâ Khong hnyot helâe a e hnyi bong ang, ke nyi adre me he ka khûâ but ka hnyi wahnainyâ, hawa, e ca ûnyi hnathu kâu he ka khaûʼ öbun, öbun hnyat a labageju ûhnyûkong?

I. Korinito 7:31

ke haba tavat adre me huliwan ta je ûnyi eang hmeledrany, me ca he ka huliwa monu bi: anyin ame he ka hia bongon hmeledrany.

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

Iakobo 4:14

ke so bi e ca khanʼ öbun ûnyi ame he ka o nyi. Ieû anyibun möt. Ûbun hainy meic, ame manen hnyi ûen ae okhulit, me ame hia but.

I. Peteru 1:24

Anyin A helâ me hna önying tavat hia thithö, Ke haba hmanenanginy at, me helâ me vongon hna önying. Ame meleca Önying, kʼ ame kolu but vongon:

I. Ioane 2:17

Ke haba hmeledrany, me ame be bi ka hia, me ta ge weny ka hnyin: ke ame he ka tethmâ, nyiele balua at ame mâdrâ weny Khong.