Iakobo 1:1 - Iaai Bible 1901 (New Caledonia)

¹ INYA Iakobo athnyabainy Khong me Than Iesu Keriso, anyik italofa ka ta je tribu a twelv adre vese ehee.

Iakobo 1:1 ပူးပေါင်းရင်းမြစ်များ

I. Je Than 18:31

Haba Elia ame hom je veto a twelv hoton je tribuiny laku Jekob, me wale ame o hofuc ho Iehova kâu, ka habe, adre me he ka hwenyi iâm tue Isaraela.

Ezera 6:17

Ke haba hnyi hnödra hna delec uma umen Khong, me ödrin e hudo wan haded je bolok, ke tu haded je mamoe baga, ke foa haded je nokon mamoe; ke twelv ta got baga hnân hudiny hulo tavat Isaraela biâ, oûco ûseiny je tribu Isaraela.

Esetera 3:8

Ke haba Hamana ame ha kö Asueru than, ka habe, E hu tavat adre me vese me ve laba hnyi je hnyei a je ke keihen hia hnyi dokhom dokhu; ke e ke anyidrin je hnanyibu me ta ogo hnyei hia thithö; ke ödrin e ca ânyâ je hnanyibu anyin than: anyin a wale e ca ûcû bi ka than he ka hokhnyoki ödrin.

Esodo 24:4

Ke haba Mose ame sihnalimen je hofuc ho Iehova, me vesâkong, me otilâ taben hut hmelen bucen, me je veto ame tot a twelv hoton je tribu a twelv anyin at Isaraela:

Esodo 28:21

Ke ame he ka hnen hnyi je veto je ien lakon Isaraela a twelv, hoton je iödrin, helâ me hna kave ûnyi hnân bi haten, ame he ka ve hu ien hoton je tribu a twelv.

Esodo 39:14

Ke twelv je veto hoton je ien lakon Isaraela, helâ me je iödrin; helâ me hna khavi hnalimen hnân bi haten, e ve hu ien hoton je tribu a twelv.

Ezekiela 12:15

Ke adre me he ka wâ a inya Iehova, iny ka he ka ovesei, ödra unyin ta je hnyei, me ve obʼ ödra ka hnyi je hnyei.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Mataio 10:3

ke Filipo, ke Batolomaio, ke Toma, ke Mataio a telona, ke Iakobo nöku Alefaio, ke Thadaio,

Mataio 13:55

Hawa, ca nokon bi at tretrau? ke ca Maria bi ien hinyen? ke hawa, ca je liamekeiny mē jia Iakobo, me Josefa, me Simona, me Juda?

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

Mareko 3:18

ke Anederea, ke Filipo, ke Batolomaio, ke Mataio, ke Toma, ke Iakobo nöku Alefaio, ke Thadaio, ke Simona at Kanana,

Luka 22:30

mʼ öbun e he ka han me ic hnyi anyik laulau hnyi dökhuk dokhu; ke öbun e he ka ve laba hon je theron he ka owisa ta je tribu anyin at Isaraela a twelv.

Luka 6:15

ke Mataio, ke Toma, ke Iakobo noku Alefaio, ke Simona adre me hwenyi ien, Zelote,

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 7:35

Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.

Ta je huliwa 1:13

Ke ödrin e o but, me ödrin e ölö thö ka hnyi hnyeule ethö, wale ödrin e laba hnyin; jia Peteru, me Ioane, me Iakobo, me Anederea, me Filipo, me Toma, me Batolomaio, me Mataio, me Iakobo nöku Alefaio, me Simona a Zeloti, me Juda liamekeiny me Iakobo.

Ta je huliwa 12:17

Ke e ame tutubi ödrin ge hnyamen he ka laba hnyibû, me e ame thumetu ödrin ge hnen Than hna hom e ûnyi hnyi hnyin uma ceat. Ke haingen, ka habe, Thumetu Iakobo me ta je liamekeiny ge ta je ûnyi eang. Me e ame he but, me he ka hnyi ke dok.

Ta je huliwa 15:13

Ke ödre hia but fuc, haba Iakobo ame ha, ka habe, Hnyat me lakeiny lö, ling nya ju:

Ta je huliwa 15:21

Anyin ae hu ga Mose tavat hwân hnyi je dö kâû adrem, adre me khetâ e hnyi ta je taun hia, kʼ adre me labö aû eiö hnyin je sunago hnyi je sabath hia.

Ta je huliwa 15:23

kʼ ödru me hom adre me sihnalimen, ka habe, Haba je aposetolo, me je liamekeiny a wahingat, me adre me italofa me je liamekeiny a Aten ta je hnyei hnyi Anetioka, me Suria, me Silikia:

Ta je huliwa 2:5

Ke e hu tavat Juda adre me outen Khong, adre me laba hnyi Jerusalema, ûhedra hnyi ta je hnyei hia eang hmeledrany.

Ta je huliwa 21:18

Ke nyi ame tha he möhmun Paulo kö Iakobo; ke eling wahingat hia.

Ta je huliwa 23:26

Inya Klaudio Lusia oge me italofa möu Filiki a gavena ae beönua.

Ta je huliwa 26:7

wale ame ûnykûme anyita je tribu a twelv he ka o ka hnyin, kʼ adre me bi athnyabainy hwege hnyi lit me lany. Than lö, haba at Juda adre me bi fuci nya can gejon eling!

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.

Roma 1:1

INYA Paulo athnyabai Iesu Keriso, adre me hawâ hnân aposetolo, kʼ adre ûca hobi kâu ûthumetu ae so anyin Khong,

Galatia 1:19

Ke oge me ca iouny bi me ke aposetolo, ke hake Iakobo thibi liamekeiny me Than.

Galatia 2:12

Anyin a e ame tha han me Aten ke je hnyei ke tiga hia bi keihen ûhedra unyi Iakobo: ke ödrin e o but, me e ame todrö, me öûsâkâuöâ e bi, anyin ame outen tavat adre peritomonâ.

Galatia 2:9

ke haba Iakobo, me Kefa, me Ioane, je hnyat adre ha gadrin ka habe, je hmolom, ödrin e wâ ibetengiö baû adre ham könya, me adre me ham könya me Banaba je hnyam a metâiny tha hnyok, mʼ ohmu me he ka he ka Aten ke je hnyei, ke haba ödrin bi ka tavat adre peritomonâ;

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Deuteronomi 30:3

awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.

Deuteronomi 32:26

Oge ha, ka habe, Oge me he ka ovesei ödra, Oge me he ka bi obiny hna ûnykûmi ödra ge tavat:

Deuteronomi 4:27

Ke ame he Iehova ka ovesei öbun ka hnyi ta je hnyei, kʼ ame he ka wakhalet biju kolon gabun unyin ta je hnyei ame he Iehova ka lili öbun ka hnyin.

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

II. Timoteo 4:21

Hwege thö he ka o könya e me tiga ca o huna ae megic. Ame itolafa möu Eubulo, me Pudens, me Lino, me Kelaudia me je liamekeiny hia thithö.

Tito 1:1

INYA Paulo athnyabainy Khong, me aposetolo anyi Iesu Keriso, hoton labageju anyin tavat a ûcʼ ödra Khong, me hna wâhmakhmetoâ hnathu hoton hwakecin ae ûcû me Khong,

I. Peteru 1:1

INYA Peteru aposetolo anyi Iesu Keriso, oge me sihnalimen ka ta je atkanyua adre me ve se ka hnyi Poneto, me Galatia, me Kapadokia, me Asia, me Bithunia,

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso:

Hna Omanenâ 7:4

Ke oge me löng ûseidra tavat adre ohmâ haten, me ödrin wan haded ke fâte foa thauzan tavat adre me ohmâ haten, ûnyi hnyi ta je tribu hia anyin lakon Isaraela.