Hosea 9:8 - Iaai Bible 1901 (New Caledonia)

⁸ Ke haba Eferaima, me at hmâkâ ehac unyin Khonguk: ke haba perofeta hnyi deny je gethen hia ae hu hnewe anyin at ame töu hnewe, kʼ adre me ivino bi hnyi uma umen Khongon.

Hosea 9:8 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 18:1

KE hwaban je bong ae se, ame o but hofuc ho Iehova kö Elia, hnyi huna a kuniny, me ha, ka habe, He thö, ka omanenâ u bi kö Ahaba; ke oge me he ka kunâ we ka hnyi kânâ.

I. Je Than 18:19

Ke haba walang ang u me he ka ûkhûnöng me ûkhacaköuâ könya at Isaraela hia ka hnyi bucen Karemela, me je perofeta anyi Baala a foa haded ke fifte, me je perofeta anyi Aseira a ödrin foa haded a hnyat adre me hnyi han hnyi laulau anyi Jezabela.

I. Je Than 22:11

Ke haba Zedekia nöku Kenaana ame ânyâ li faoiny meno a fao bi, me ha, ka habe, Walang hna ha hnö Iehova, ka habe, U me he ka hagutâ at Suria ge li ûnyi ang, ke ne o but ame hiʼ ödrin dut.

I. Je Than 22:22

Ke haba Iehova ame ha kâu, ka habe, U ma he ka kâmâu? Me haingen, ka habe, Oge me he ka he but, ke oge me he bi nya a hanu ae thoi hnyi hnyimen anyin ta je perofeta hia. Haingen, ka habe, U me he ka iyawâ, me u me he minya ka tom: he thö, me ânyâ helâe.

I. Je Than 22:28

Ke haba Mikaia ame ha, ka habe, U je ne he ka o hmetu me hnahic, awe, a ca ha Iehova a deny inya. Me haingen, ka habe, Long ju öbun tavat hia thithö.

I. Je Than 22:6

Me haba than Isaraela ame ûkhacaköuâ ta je perofeta, helâ me foa haded, me ha ködrin, ka habe, Hawa, oge me he ka he Ramothe-gileada ai he ka vat, oge ma hna ju? Haingödrin, ka habe, He thö anyin a ame he Iehova ka hna e ka hnyi hnyamen than.

II. Je Than 13:21

Ke hnyi ke bong, ödrin e tiga konâm ke komok, ke wâ bi, ödrin e wâ ke deo vat; me ödrin e khûâ komok ka hnyi hu Elisaia: ke ame mâdrâ hnen komok je jeiö Elisaia, me e ame möt hmetu thö, me tot.

II. Je Than 2:14

Ke e ame hom ûkhaû anyi Elia, wale a kolu gan, me kot wagewe, me ha, ka habe, Ewa Iehova Khongu Elia? ke a hia but kot wagewe me ame khekhe lo but, me Elisaia ame he hanyâûâ.

II. Je Than 2:21

Me e ame he ka hnyi hna pupuainy je köiö, me khûâ sâlt ka hnyin, me ha, ka habe, Walang hofuc ho Iehova, ka habe, Oge hia but osoâ je köiö ang; kʼ ame ca he ka o hmetu mok ûnyi gan, me hnyei baga.

II. Je Than 4:41

Haba e ame ha, ka habe, Hok falawa. Me e ame ip e hnyi öt; me haingen, ka habe, Hingâlâ but hobi kâu tavat, mʼ ödrin e han. Ke ba but kongon hnyin öt.

II. Je Than 4:43

Haba athnyabainy ame ha, ka habe, Hawa, oge me he ka ip e hnyi hnyimakan tavat a wan haded? Me ame thu, ka habe, Ham dö ka tavat mʼ ödrin e han; anyin a walang hna ha hnö Iehova, ka habe, Odrin e he ka han, kʼ ame he bi ka hu kolon.

II. Je Than 5:14

Me e ame he me oseven khut hnyi Joridano helâ me hofuc hwan aten Khong: me ame hmetu utioiny helâ me utioiny wanakat ae ûhnyûkong, ke e ame so but.

II. Je Than 5:27

Anyin a wale ame he ka kece köu me je mâtrânâm nyiele baluae lepera anyi Naamana. Me e ame didrut gan a e lepera but ke hau helâ me kiona.

II. Je Than 7:19

ke haba taben eling ame thu ka aten Khong, ka habe, Wâ bi, ame ne he Iehova ka bi mamalama hnyi drany ame ne he ka manen ûnyi e? Ke haingen, ka habe, Wâ bi, u me he ka hnyi wâ e ge li emakâm, ke u me ca he ka hnyi han:

II. Je Than 7:2

Haba taben, waleji a he cimâ hnyamen than, ame thu ka aten Khong, ka habe, Wâ bi, ame ne he Iehova ka bi mamalama hnyi drany ame ne he ka manen ûnyi e? Ka haingen, ka habe, Wâ bi, u me he ka hnyi wâ e ge li emakâm kʼ u me ca he ka hnyi han.

Salamo 124:7

A möt ut hanuta helâ me meno ame gâ unyi hnyi hnewe anyin tavat töu hnewe: A mou thö hnewe, mʼ ate me möt ut.

At Khet 9:12

Anyin a haba at, e ca khana bi ûen: helâ me ta je wâ adre me hnok hnyi ert, me ta je meno adre me hnok hnyi hnewe, ke ame hnok dö e ûcû mödra tavat hnyi ûen ae kong, e ka ie o ködra.

Khumöng Hwanyi Solomona. 3:3

Ame ō nya hnen tavat tue tavat adre me vheno taun: Me haingök, ka habe, Öbun e wâ at oge hnyok kâu?

Isaia 62:6

Jerusalem lö, o ge hia but ip tavat tue hon hagâm je hak; adre me ca he bala bi ka hum hnyi je lany me lit hia: öbun tavat öbun e ûnykûmi Iehova, ca he bi ka menâ,

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Jeremia 14:13

Me oge me ha, ka habe, Ekölö Than Iehova! wâ bi, Je perofeta adre me ha kodra, ka habe, öbun e ca he ka wâ hele vat, ke öbun e ca he ka hu hmiâ: ke oge me he ka ham köbun eang ûsoköu ae ûnyi hnathu.

Jeremia 23:13

Ke oge hia but wâ hwen monu unyin je perofetainy Samaria: adre me perofeta me haiö Baala, me omonoâ lakeik a at Isaraela.

Jeremia 31:6

Anyin ame he ka hu ûen hongot ge tavat tue hnyi bucen Eferaima, ka habe, Todrö, ate me he Ziona ai kö Iehova Khonguta.

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 6:17

Ke oge me otilâ tavat he ka tuʼ öbun he ka ha, ka habe, Löng ju ifucin trutru; ke haingodra, ka habe, Ohmun e ca he ka löng.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Je tenge anyi Jeremi 4:13

Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

Ezekiela 3:17

Nokon at lö, oge hia but otilö u hnân at tue hobi kâu lap anyi Isaraela: anyin a wale long ju hofuc ûnyi hnyi hnyimök, me koû kodra ûnyi gak.

Ezekiela 33:7

Ke haba u nokon at, oge hia but otilö u hnân at hmâkâ lap anyi Isaraela; anyin a wale u me he ka long hofuc ûnyi hnyi hnyimök, me koû kodra bi ûnyi gak.

Hosea 5:1

TAVAT bihut lö, long ju hofuc ang; lap anyi Isaraela lö, löng ju; lap anyin than lö, tevehlöng ju, anyin adre ha hwaban köbun; anyin a hnewe öbun ka Mizepa, me ert adre thong hon Tabora.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Hosea 9:9

Adre me ka oikiki ödra, helâji me hnyi je bong bongu Gibea: ke e ame he ka ûnykûme hwakecidra ae kong, me bi hwabananyidra je hulo.

Mika 7:4

Haba tavat ae so gadra, me helâ me ûö ae ûdedö: ke haba tavat ae ti fofâ gadra, me kong hon hak ae ûdedö: e but ang bong bongon tavat adre me tuö u, wale ûen he ka senö u; adre me he walang ang ka hlöhlö.

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Roma 3:7

Ke ame ne he anyik thoi ka olungâ hnathuiny Khong me ogânâ e, hnân eû he ka hnei nya hmetu helâ me at ae kong?

Heberu 13:17

Löng ju öbun hoton tavat adre me tuʼ öbun, me nom ju kodra; anyin adre me hmâkâ hobi kâu ta je hanubun, helâke hanyinödra he ka thu hmetu ge ta je monu; mʼ adre me he bi ka ânyâ e me senyin, ke ca bi me vec: anyin ae ba troban eling hobi köbun.