Hosea 9:7 - Iaai Bible 1901 (New Caledonia)

⁷ A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Hosea 9:7 ပူးပေါင်းရင်းမြစ်များ

II. Je Than 9:11

Ke haba Jehu ame he ka lathnyabainy tuhan: ke haingen ke at kâu, ka habe, Hawa, e so? anyin a ieû ame o köu at e ae monu? Me haingen ködrin, ka habe, E khanʼ öbun dut at, me hwan hofuc.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 34:8

Anyin a wale bong bi hwaban ga Iehova, hunainy bi hwaban hulo hnyi hna ivino ge Ziona.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 11:23

ke ame he ka ba koluidra: anyin oge me he ka oâ ûnyi ae kong ka tavat aten Anathoth, wale hnyi hunainy hna senʼ ödra hnyin.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Jeremia 23:13

Ke oge hia but wâ hwen monu unyin je perofetainy Samaria: adre me perofeta me haiö Baala, me omonoâ lakeik a at Isaraela.

Jeremia 25:14

Anyin ame he je hnyei ae se hia me je than ka thaluʼ ödra, ke oge me he ka bi hwaban kodra helâ me hwakecidra, me helâ me hna ânyâ hnen je hnyamödra.

Jeremia 29:26

A hia but Iehova otilö u hnân at bihut hwabö Jehoiada at bihut, mʼ öbun e he ka musi hnyi uma umö Iehova, ka tavat ae monu, me tavat adre me wiʼ ödra hnân perofeta, mʼ adre me hnʼ ödra ka hnyi utö hnân ce at hnyin, me je tö a fao.

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 8:11

Ke adre hia but ometo ûhnyûkongo aat hnân hlu a lakeik me ha, ka habe, Hnahic ut, hnahic ut; ke ba bi hnahic.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 13:10

Anyin a wale, ke can minya anyin adre me hia but omono lakeik me ha, ka habe, E hnahic ut; ke ca hnahic bi; ke hnyi ûen ame up veto ke at, wâ bi, adre me botru ge dröu adre ca huliwan:

Ezekiela 13:3

Walang hna ha hnen Than Iehova, ka habe, Ekölö ge je perofeta ae monu, tavat adre me hnu hoton ta je hnyekudra bi, ke ba ûnyi adre me wâ!

Ezekiela 25:17

Ke oge me he ka ti bi hwaban kodra hnyi û ae hwege; ke adre me he ka wâ a inya Iehova, iny ka he ka bi hwaban ûnyi gak hnyi hudrin.

Ezekiela 38:23

Ke oge me he ka oganö nya, me okabi nya bi, ke oge me he ka manen hnyi hnyimakan je hnyei ae se hia; me adre me he ka wâ a inya Iehova.

Ezekiela 9:10

Ke haba inya oge me ca he bi nya ka hok hnyok me betenge, ke oge me he ka oâ dedra je gethen ka hnyi hon je bödra.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 5:9

Ame he ka ba wan Eferaima hnyi bong û: oge hia but omanenâ ka je tribuiny Isaraela ûnyi ame he ka o.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Hosea 9:8

Ke haba Eferaima, me at hmâkâ ehac unyin Khonguk: ke haba perofeta hnyi deny je gethen hia ae hu hnewe anyin at ame töu hnewe, kʼ adre me ivino bi hnyi uma umen Khongon.

Amosa 8:2

Ke e ame ha könya, ka habe, Amosa lö, ieû u je wâ? Me haingök ka habe, tang wan ûö ae mat. Me haingo Iehova könya, ka habe, A o but obiny ka lakeik a at Isaraela; oge me ca he hmetu ka he me digic ödra.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 7:4

Haba tavat ae so gadra, me helâ me ûö ae ûdedö: ke haba tavat ae ti fofâ gadra, me kong hon hak ae ûdedö: e but ang bong bongon tavat adre me tuö u, wale ûen he ka senö u; adre me he walang ang ka hlöhlö.

Zefania 3:4

Tavat hop me iyawö anyin je perofeta: a hia but anyin tavat bihut okongoâ dok ae kap, adre hia but hanyâûâ hnanyibu.

Mareko 3:21

Ke e khana but lahanen, me ödrin e he but he ka kât e, anyin a haingödrin, ka habe, E a monu but.

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

II. Korinito 5:13

Anyin a öhmun e ne monu, me hobi kâu Khong; ke öhmun e ne metâ, me hobi köbun.

Hna Omanenâ 16:19

Me ame subâ kunâ but taun ae gan, kʼ ame ū but je taun hnyi je hnyei: ke adre me ûnykûme Babulona taun ae gan hnyi hnyi makan Khong he ka ham kâu kaiainy wainainy anyin tang hmonyin.