Hosea 9:6 - Iaai Bible 1901 (New Caledonia)

⁶ Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.

Hosea 9:6 ပူးပေါင်းရင်းမြစ်များ

II. Je Than 13:7

Ke e ame ca hna tavat kö Johoaza, ke so bi ödrin fifte thibi a tavat tabô hors, ke ten je kariota, ke ten thauzan tavat he hon kânâ; anyin a than Suria ame ohiʼ ödrin, me wiʼ ödrin me me helâ me sesâ adre me uto.

Salamo 107:34

Me kânâ ae wa me me hnyebubainy sâlt, Can hulo anyin tavat adre me labâ e.

Ta je Vejec 24:31

Ke wâ bi, i watetaföcö but e, Kʼ ame kû takoû e ge vhat, Ke kong ut hak vetoiny.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 19:13

A monu but je thaniny Zoana, adre iyawâ je thaniny Nofi; haba je taben je tribuiny, adre hia but omonoâ Aigupito.

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 32:13

Ame he ka kû hnyi kânâ kânân lakeik ta je iwadekong me je iwateta-föcö, eke, hon je umainy senyin hia hnyi tauniny senyin:

Isaia 34:13

Ke ame he ka kû ta je iwatetaföcö hnyi je uma umen je thaniny, ke je vhat me iwadekong hnyi je hnabâiny: ke e ame he ka hnân hnen je luko me je mun.

Isaia 5:6

ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Isaia 7:23

Ke haba hnyi bong eling, hnyi ta je hnyei hia ae hu vine hnyin a wan thauzan, a hwaban je ong sileva a wan thauzan, me wale ame he bi ka hnen ta je iwadekong me watetaföcö.

Jeremia 2:16

Haba je lakon Nofi, me Tapenes adre hia but thö koronainy bâm.

Jeremia 42:22

Ke walang ang wâhmakhmeto thʼ öbun a öbun e he ka mok ge hele vat, me hmiâ, me mok ae cap, hnyi dok waleji öbun e weny he ka he kâu me laba atkanyua hnyin.

Jeremia 44:1

WALANG hofuc ame o kö Jeremia ge at Juda hia, tavat adre me laba hnyi hnyei Aigupito, tavat adre me laba hnyi Migedola, me Tapanesi, me Nofi, me hnyei Patherusi ame ha, ka habe,

Jeremia 44:12

Ke oge me he ka hom je kolon at Juda, tavat adre me ohwegiâ je hnyimakodra he ka he Aigupito ai he ka me laba eling, ke adre me he ka oaûʼ ödra hia hnyi hnyei Aigupito, adre me he ka ta ge hele vat, me hmiâ, adre me he ka mok hwân ge tavat ae ûhnyûkong ke ne o but ge tavat ae gan, ge hele vat, me hmiâ; ke adre me he ka hnân oû, me kuko, me hangâ, me haikongo.

Jeremia 44:13

Anyin oge me he ka bi hwaban ka tavat adre laba hnyi Aigupito, helâji me hnok hna bi hwaban ka Jerusalema ge hele vat, me hmiâ, me mok ae cap:

Jeremia 46:14

Haimemenâ thö hnyi Aigupito, ke omanenâ thö hnyi Migedola, ke omanenâ thö hnyi Nofi me Tapenesi; ha thʼ öbun, ka habe, Todrö, penapena thö; anyin ame an igigili u hnen hele vat.

Jeremia 46:19

Hlu lö, at ame laba hnyi Aigupito lö, penapena thö hobi köu he ka he ka hnyi hwenbâ: anyin ame he ka ba but wan hnyi Nofi, ke ame he ka le degecâ ke ba aten.

Ezekiela 30:13

Walang hna ha hnen Than Iehova, ka habe, Oge me he minya ka ohia je khong, me bi obiny je idola hnyi Nofi: ke ame ca he hmetu ka hu thaniny hnyei Aigupito; ke oge me he ka okûâ ot hnyi hnyei Aigupito.

Ezekiela 30:16

Ke oge me he ka hû meic hnyi Aigupito; ame he ka vec gan hmâ Sina, ke adre me he ka thuthu hmetro No: kʼ ame he ka hu je iwahnaimiöny me Nofi hnyi selany.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Hosea 11:11

Adre me he ka o me öbubuny helâ me meno ame gâ ûheny Aigupito, ke helâ me biny ûheny hnyi hnyei Asuria: ke oge me he ka olabʼ ödra hnyi hnyin umödra je uma, haingö Iehova.

Hosea 2:6

Anyin a wale, wâ bi, oge me he ka thelöng dem gethen ge je iwadekong, me hak veto, me me ca he ka wâ deny je gethen.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.

Hosea 7:13

Ekölö gadra! anyin adre hia but he monu gak; hangʼ ödra but! anyin adre hia but hanyâûâ gak: oge me beûcû melidra, ke adre me sit hofuc thoi bi gak.

Hosea 7:16

Adre me hmetu ke ca kâu bi ethö gorany; ödrin ûcû me cafana ae iyawo; kʼ ame he anyidra je taben ka ta ge hele vat can ae hwege ifucidra: wale hnân hlumʼ ödra hnyi hnyei Aigupito.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Hosea 9:3

Adre me ca he ka labâ hnyei i Iehova; he ame he Eferaima ka hmetu Aigupito ai, me an je meno ae ikiki hnyi Asuria.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Zefania 1:11

Kuku tenge thʼ öbun tavat öbun e laba hnyi Maketas, anyin adre kot hia thö hnyei Kanana: adre subâ degeci ödra hia tavat adre me ngenu me sileva.

I. Samuela 13:6

Ke a wâ but at Isaraela a gʼ adre vhet ut (anyin ame gâ on tavat,) haba tavat adre me ve lubaduöng hnyi je hmonop, me hnyot, me kic, me op me hna hiny.