Hosea 9:15 - Iaai Bible 1901 (New Caledonia)

¹⁵ E hnyi Gilegala hwakecidra ae kong; anyin oge me hûkötiʼ ödra eling: ke oge me he ka obʼ ödrâ ûnyi hnyi umök uma, can anyidra ta je huliwa ae kong: oge me ca he hmetu bi ka betenge gadra; tavat ûkhin fuc je latuhödra hia.

Hosea 9:15 ပူးပေါင်းရင်းမြစ်များ

Salamo 78:60

Me e ame hna degecâ uma hnyi Silo, Waleji uma mano e ame otilâ unyin tavat;

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Jeremia 11:15

Ieû ame ânyâ oûnykûmik eang hnyi umök uma, anyin a e ame hia but bi ûnyi monu me tavat ae se, ke a he but gam utiö ae kap? hnyi ûen u je ânyâ ûnyi ae kong u me senyin bi.

Jeremia 12:8

Haba ik hnyei me helâ me lioüa hnyi hnyot: e ame fuc hwege könya; anyin a wale, oge hia but hûkotiâ e.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Jeremia 5:5

oge me he ka he ka tavat ae ûnyi hnathu, me fuc kodra; anyin ae khanʼ ödra gethen de Iehova, me hna owisa hnen Khongudrin. Ke haba tavat ang adre hia but tha thamuâ hnaûhûkâlâköuâ, me thu je wen.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Ezekiela 23:18

Me e ame omanenâ anyin bi ûnyi monu, me omanenâ unyin: me oge me hûkotiâ e helâji me hnok hna hûkotiâ tuhan.

Hosea 1:6

Ke e ame erkin hmetu me nokoâ in. Ke haingo Iehova kâu, ka habe, Hwenyi ien dö e, ka habe, Lo-ruama: anyin oge me ca he hmetu ka betenge ge lap anyi Isaraela, wale he ka thang degeci ödra.

Hosea 1:9

Ke haingö Iehova, ka habe, Hwenyi ien dö, me Lo-ami; anyin a ca lakeik ut öbun, me oge me ca he bi nya ka Khongubun.

Hosea 12:11

E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Hosea 12:2

Ke hu ivino anyi Iehova me Juda, ke e ame he ka bi hwaban kö Jekob hoton deny je gethen; e ame he ka bi hwaban kâu hoton hnen hna ânyâ.

Hosea 3:4

Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Hosea 4:9

Kʼ ame he bi ka khaca bongon tavat me at bihut: ke oge me he ka bi hwaban kodra hoton dedra je gethen, me bi hwaban kodra hoton anyidra je huliwa.

Hosea 7:2

Ke adre me ca ûnykûme bi hnyi je hnyekudra, a inya oge me ûnykûme ta je hwakecidra hia ae kong: ke walang ang ame theling ödra hnen bi anyidra ta je huliwa; ke e bi hnyi hnyimakök.

Hosea 9:17

Ame he bi Khonguk ka hota degeci ödra, anyin adre me ca long kâu: me adre me he ka he baû hnyi wanben ta je hnyei.

Hosea 9:3

Adre me ca he ka labâ hnyei i Iehova; he ame he Eferaima ka hmetu Aigupito ai, me an je meno ae ikiki hnyi Asuria.

Levitiko 26:30

Ke oge me he ka ohia anyibun je dok ae görany, me subâ degecâ hnöbun hna theati seûnö, me khûâ degecâ je unyibun a mokcu ka hnyi hon anyibun je idola ae mok; ke oge me he ka hûköti öbun.

Amosa 4:4

Ai öbun Beth-ela ai, me ânyâ monu; ke Gilegala ai, me osehia hnobun je hna hanyâûâ; ke hom anyibun je hut hnyi je hnyomakatu, ke anyibun je ke keihen a libenyitainy hwaban ta bong a kun hia;

Amosa 5:27

Anyin a wale, oge me he ka hum öbun ka hnyi bâ hnyi hoton Damaseko, haingo Iehova, Khongon sabaoth ien.

Amosa 5:5

ke ca elâm bi hnyi Beth-ela, ke ca didro ka hnyi Gilegala, ke ca hanyâûâ Bere-seba ai: anyin e hnathu ame he Gilegala ka bâ, ke ame he ka ûnyi baû Beth-ela.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Zakaria 11:8

Ke oge me subâ degecâ hnyat tuö mamoe a kun hnyi tehi a khaca; ke vec hnyekuk gadrin, kʼ ame hûkötiö nya ge ta je hnyekudrin.

Ta je huliwa 4:27

E hnathu adre hia but ûkhacaköu hnyi taun ang Heroda me Ponetio Pilate me Aten ke je hnyei me at Isaraela, je ûcon Atâm ae kap a Iesu at u je hû,

Ta je huliwa 5:21

Ke ödrin e long ut, me ödrin e didro ka hnyin uma kap hnyi hnyomakatu kong, me ûne. Ke ame o but at bihut ae nua, me tavat a tha e mē, me hawâ ûkhacaköuâ tavat ûhnenamö, me tavat musi hia unyin at Isaraela, me e ame ûkhûnöng ka hnyi uma ceat he ka hum ödrin.

Josua 10:43

Ke haba Josua ame tha hmetu me at Isaraela hia, ka hnyi hna hunuma e Gilegala.

I. Samuela 7:16

Ke e ame labö vheno gaga Beth-ela, me Gilegala, me Mizepa, hnyi ke huna me ke huna; me e ame owisa ka at Isaraela hnyi ta je dok hia eling.