Hosea 9:10 - Iaai Bible 1901 (New Caledonia)

¹⁰ Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Hosea 9:10 ပူးပေါင်းရင်းမြစ်များ

I. Je Than 16:31

Ke helâke e hâhâ kâu waleji hnen hna vheno je hulö anyi Jeroboama nöku Nebata, me e minya bi ame hum Jezebela nöku Ethebaala thaniny at Zidona, me âiân, me e ame he me bi athnyaba kö Baala, me khudrung kâu.

II. Je Than 17:11

ke ödrin e leû uto ae bo so eling hnyi je dok ae görany hia helâ me je hnyei wale a oc degecâ Iehova hnyi hnyimaködrin; ke ödrin e ânyâ je ûnyi ae kong he ka ohmö-nyini Iehova:

Salamo 115:8

Ame he tavat adre me up ödra ka helâ mödra; Eke, ödra hia hnyat adre me labageju kodra.

Salamo 81:12

Me oge me hnʼ ödra but ka hnyi ikikiny ta je hnyekudra bi, Mʼ adre me he ka vheno bala bi ta je unykûmenödra.

Khumöng Hwanyi Solomona. 3:6

Ie at ang ame o ûnyi hnyi hnyebuba helâ me hai ame sâ goranyai, Adre me obosoâ ge muro me libano, Me je ûnyi adre me oamamâ anyin at ûcû omjeû?

Isaia 28:4

ke haba vongon ame meleca ge hmainy ae hmanenang, wale hnyi ban hnyigöulen bucen ae pipikhenya, ame he ka helâ me wan meta a bân ke tiga ca honivakeny; e ka wâ e hnen ke at, ke tiga e bi hnyi hnyamen e ame ie han e.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 24:2

Haba ke tang meta, me, ti so helâ me je wan meta a bân: ke haba ke tang meta, me kong, ke ca hnân han, anyin ae kong.

Jeremia 3:24

Ke haba hna hmehman ame ohia huliwa anyin lakamöta hwân kʼ öta tiga hidröu; wale haledra je hnahat mamoe me kau, je lakudra obaga me wahlu.

Jeremia 3:25

E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 31:2

Walang hna ha hnö Iehova, ka habe, Adre wâ betenge hnyi hnyebuba hnen ta je lakon ûnyi ge hele vat; waleji a Isaraela hnyi hnok hna he ka omenʼ ödra.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Ezekiela 20:8

Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.

Hosea 11:1

HNYI ûen ae tiga wanakat Isaraela, oge me betenge gan, me hawâ nokuk ûheny Aigupito.

Hosea 13:5

E khanö nya u ehac hnyi hnyebuba, hnyi hnyei ae hwahwacit.

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Hosea 4:14

Ke oge me ca he ka bi hwaban ka lakubun wahlu can hnödra hna bi ûnyi monu, ke laöiöbun can hnödra hna venöu; kʼ adre me ka tha he me hnyat venöu, kʼ adre me tha bi hut me omomo hnyi gethen: ke haba hnyei ame ca wâhmakhmeto, me adre me he ka öta e.

Hosea 4:18

A hiny dut belidra; kʼ adre me bi ûnyi monu bala: ke haba je tuhan me adre me beânyâ ûnyi hnân ohmehma gan.

Amosa 4:5

me hudo thö hudiny ole adre me levenâ, me thu bongon je hut ae betenge me haimemenâ: anyin a wale webun, lakon Isaraela, haingen Than Iehova.

Mika 7:1

EKÖLÖ gak! anyin a iny ûcû me ûö adre me tau wan, ke iny ûcû me hna hlo wan vine: ke ba hmetu bi wan vine hnân ic; me wan meta a bân wale ame wek hnen hanuk.

Numera 15:39

ke wale bâbuen köbun, mʼ öbun e he ka wâ e me ûnykûme ta je hnanyibu anyi Iehova hia, me vheno; mʼ öbun e ca he monu hoton je hnyekubun me je li emaköbun, waleji öbun e labö bi ûnyi monu hoton:

Numera 18:13

Haba je wan hia a bân ae mat hnyi hnyei adre me ham kö Iehova, me wale âm; kʼ ame he tavat hia ae bo so hnyi hnyabam ka an je ûnyi e

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.

Deuteronomi 32:10

E ame wâ e hnyi hnyebuba, Ke hnyi dok ae hnyot ke ba aten, ke je meno thibi adre me kuku; Me e ame igigilöâ, me nâ e, Kʼ ame tuö e helâ me wan li emakan.

Deuteronomi 32:17

Adre me hudo ka ta je demoni, ke ca Khong bi, A je khong ae ca khanʼ ödra, Ae teb ûnyi kʼ ödrin e teb o, Kʼ ame ca outen ge lakamöbun.

Deuteronomi 4:3

Öbun e hia but wâ ge je emaköbun ûnyi a ânyâ Iehova can Baala-peora: anyin a haba tavat hia adre me hnu hoton Baal-peora, me Iehova Khongom ame hia but ohiʼ ödra unyâm.

Owisa 6:32

Anyin a wale e ame hwenyi ien e hnyi bong eling Jerubaala, ame ha, ka habe, Hamö Baala he ka tengiâ e bi, can hna kia taben hut kâu.